زاكرتكم قوية ادخلوو ( مساعدة )

[Dr.Sosa]

السلام عليكم

أول شي كل عام وانتو بخير

موضوعي احترت فين انزلو بس معليش هنا احسن شي تقريبا

والموضوع عبارة

عن اي سؤال تفتكرووو جاكم في اختبار القدرات والتحصيلي تكتبو هنا بالإجابة حقتو

كل الاسئلة إلي فاكرينها اكتبوها

وازا دخلتو دورات فادتكم اكتبو ايش هيا وغير كدا الكتب إلي استفدتو منها

عادي بنت ولا ولد اكتبو كل شي

ومن ايت منهج جاتكم الاسئلة اكتر اولى ولا تاني ولاتالت

عشان نحنا نستفيد وإن شاء الله تلاقو إلا يفيدكم بعدين

والله يوفق إلي يرد ع الموضوع ويجزاه خير

ياريت يكون في تفاعل في الموضوع

[banoota mnkoosha]

وعليكم السلام ورحمة الله وبركاته ....

بالنسبة ليا اختبرت قبل 3 سنين !!

الله يهديكي تبغيني افتكر ايش ولا ايش ؟؟؟ بس من دحين اقولك ترا الاختبار مو سهل ...

اغلب الاسئلة يبغالها تفكير .. فيها لف ودوران ...

دورات ... ما اخدت ,,

كتب :-
* كتاب الامين
* كتاب القدرات حقت جامعة الملك فهد ( رام 1 - رام2 )

بالتوفيق ياعسل ,,,,

وكل سنة وانتي طيبة ....

[مغادر الحياة]

موضوع جميل جدا
ربنا يوفقكم ويحقق لك ماطمحي له انتي وكل الطلاب

[قلب البحار]

أوووووووووه ذكرتيني بالذي مضى
قبل خمس سنوات أول تقريبا كنا أول دفعة طبقت فعليا علينا القدرات , أسئلة صراحة ماأتذكر
اختبارات رام 1 و رام2 بالظهران واختبار الهندسة واختبار أرامكو كلها كانت قدرات

[Dr.Sosa]

يسلمووو على ردودكم منورين

فين الي اختبرو العام ؟؟؟

حرررررررررررررررام ساعدونا

[ملتهي بغيري]

مرحبا فيكمـ أعزائي ..

أنا أختبرت هاذي السنه واختبار القدرات مكون من اربع ساعات في ستة فصوول ..


والفصول تعتمد على قوة الذاكره والسرعه البديهيه في الحل ..

والاسئله كلها اختياري وماهي مره صعبه بس يبغالها تركيز حاااااد لان في احد الفصول

قسمـ تلقين اجابتين تركب عالمثل موو وحده بس يبغالك تشوفين الانسب لها واوقات تختارين المناسب

بس يطلع خطأ تكون الاجابه اللي اهملتيها ولاجاء في بالك هي الصح ..


والله يكون في عونك والله بتتعبي بس انتي ركزي وفي كتب القدرات في مكتبة جرير

وفيه سي دي خاص للقدرات وهو الافضل عشان تحلين وتعرفين الوقت كيف ...؟؟

والاسئلة اللي اذكرها

ابيات من الادب وتختارين قائلها بس يجيبولك من نص الابيات ...
ورسمات وتختارين المساحات الفارغه كمـ مساحتها..
وفصل خاص للنحو والادب ومواد الدين ..
وفصلين على مااذكر كله حسابات ..



وهاذي نماذج من الاسئله ..

للفصول الكميه ..

1. إذا كان 3 س + ص = 5
فإن 6 س + 2 ص = ؟؟

2. 5 أعداد الفرق بين العدد والذي يليه واحد والعدد الأوسط = 50 .. فما مجموع هذه الأعداد ؟؟

3. 3 × 1000 + 2 × 100 + 10 =

4. 2 - 1/4 + 1 - 1/2 + 3 - 9/4 =

5. ثمن بضاعة 74 ريال وسلة البضاعة سعرهـا ينقص 50 ريال عن قيمة البضاعة فبكم يشتري الرجل البضاعة والسلة ؟

6. قـارن بين 40 % من 60 و 60 % من 40

7. المسافة بين الرياض والإحساء 360 كم والزمن 240دقيقه
أوجد السرعة للقطار في كم /ساعة

8. العدد الذي يقبل القسمة على 9.6.5...؟؟

9. إذا تحرك عقرب الساعة بزاوية 120ْ ْ فكم دقيقه تساوي ؟؟

10. عددان مجموعهما 60 وأحدهما يساوي ثلثي الآخر أوجد الفارق بينهما ؟

11. إذا كان عمر أبو محمد يكبر عمر محمد بثلاثة أضعاف . فإذا أصبح عمر محمد 35 . فما عمر الأب ؟



وهذا اللي قدرت عليه ..



تحياتي لكـي

[abood]

هلافيكي مدري وش اتذكر انا مدري وش متغدي امس؟؟؟؟


على العموم فيه قواعد وفيه حلول فهمتي؟ هههههههههه

اقصد قبل الاختبار اهم شي تريح جسمك القلق تبعده عنك تصيرين ريلاكس بقووه
ثانيا الراحه النفسيه ماتكونين قلقانه لاني اعرف ناس واجده قلقو وهم شطار وخبسو
الاختبار قدرات يعني قدرت الشخص نفسه ممكن المراجعات تفيدك بس الاسئله مو نفسها


هييي تركيزها الاكثر ثانيه وثالثه واولى والوقت ضيق ويبغالك لاتستعجلين هي مشكلت القدرات الوقت مررره ضيقق عاد وش تسوين انا الاول جبت درجه حلوه والثانيه يعني اقصد العكس


هذا الي اقدر اقوله


سلاموو اي خدمه انا موجود بالمنتدى

[روح البنفسج]

المشاركة الأصلية كتبت بواسطة قلب البحار أوووووووووه ذكرتيني بالذي مضى قبل خمس سنوات أول تقريبا كنا أول دفعة طبقت فعليا علينا القدرات , أسئلة صراحة ماأتذكر اختبارات رام 1 و رام2 بالظهران واختبار الهندسة واختبار أرامكو كلها كانت قدرات

هندسة وارامكو!!!!!!!!!!!!!!!!!!!!!!!!!!