بخصوص : دراسات إدارية معاصره

[D&G]

السلام عليكم ورحمة الله وبركاته

بخصوص مادة دراسات إدارية معاصرة

الماده مالها ملخص حتى الآن والكتاب جديد وتقريبا عدد صفحاته 380 صفحه تقريبا والماده في غاية الصعوبه والتعقيد والمشكله ان الطلاب اللي حضروا الدورة التاهيليه ما كتبوا عن هالماده شي لا المطلوب ولا المحذوف والمصيبه العظمى إن الدكتور علي القحطاني عطاهم الترم اللي راح تحديد في الدوره التاهيليه ويوم الاختبار جاءت اسئله كثيره من خارج التحديد
والدكتور علي القحطاني مايرد على الايميلات ولا على الجوال ولا على رسائل الجوال

ياليت اللي عنده خبر او معلومه عن المطلوب او المحذوف يتكرم علينا ويقول لنا

وشكرا للجميع

[D&G]

للرفع
للرفع

[red line]

للرفع

[D&G]

تم الاتصال على الدكتور علي القحطاني وقالي الالتزام بمفردات الماده وبالكتاب الموضح في الموقع الرسمي للجامعه

بعد هالاتصال

حذفت الماده

[حمد ss]

ابشر بسعدك انا حضرت الدورة مع الدكتور علي القحطاني الفصول الي معانا هي
1-الفصل الاول- والثاني-والثالث -والرابع-والخامس-والسادس-والسابع-والحادي عشر-
والثالث عشر
2-الفصل الثامن قراءة
3- الفصول الملغية هية التاسع-والعاشر-والثاني عشر-والرابع عشر
ويقول ركزو على الست فصول الاولى ويقول كمان محد يرسب عندي
(والله يوفقنا جميعا)

[المحترف]

السلام عليكم ورحمة الله وبركاته


أخبارك يا d&g وينك ما شفناك في المنتدى هالترم

إن شاء الله تكون بخير


بالنسبة للمادة :

صحيح إن الكتاب عدد صفحاته كثيره ولكن المادة جداً سهله وخفيفة وفيها


معلومات حلوه ومفيدة


والمنهج سهل والكتاب مكتوب بخط كبير شوي عشان كذا صفحاته كثيره

لكن معلومات المادة مفيدة لكل طالب إقتصاد وإدارة ومهم جداً الواحد يقراه لأنه فيه معلومات جميلة عن الإدارة


وبالنسبة للتحديد لا تمشي على كلام الدكتور علي القحطاني لأنه ما يدري وش قال في الدورة ...


أنا أخذت المادة الترم الماضي وذاكرت من المطلوب إلي قال عليه في الدورة وتركت المحذوف


بناءً على الكلام إلي صار في الدورة


طبعاً أسئلة كثيرة جت من المحذوف


وذاكرت المادة قبل الأختبار بيوم مجرد قراءة

لأنه كان عندي إختبار إدارة أعمال بالإنجليزي بنفس اليوم


والحمد لله جبت فيها 85


يعني لا تشيل هم المادة أسئلة الدكتور علي دائماً واضحة ...



تمنياتي للجميع بالتوفيق والنجاح ...

[m00n_14]

يعني نذاكر من الكتاب
طيب والملخصات اللي موجودة في مكتبة دار الهدى فيها روؤس الاقلام وش رايك اعتمد على الكتاب والا الملخص
والكتاب بصراحه كبير مااقدر علية

[احساس واثق]

المشاركة الأصلية كتبت بواسطة m00n_14 يعني نذاكر من الكتاب طيب والملخصات اللي موجودة في مكتبة دار الهدى فيها روؤس الاقلام وش رايك اعتمد على الكتاب والا الملخص والكتاب بصراحه كبير مااقدر علية

للرفع

[دحوم112211]

المشاركة الأصلية كتبت بواسطة حمد ss ابشر بسعدك انا حضرت الدورة مع الدكتور علي القحطاني الفصول الي معانا هي 1-الفصل الاول- والثاني-والثالث -والرابع-والخامس-والسادس-والسابع-والحادي عشر- والثالث عشر 2-الفصل الثامن قراءة 3- الفصول الملغية هية التاسع-والعاشر-والثاني عشر-والرابع عشر ويقول ركزو على الست فصول الاولى ويقول كمان محد يرسب عندي (والله يوفقنا جميعا)

اذا ماعليك امر ياليت توضح لنا اسماء الفصول المحذوفه لأني شاري ملخص وابي اسماء الفصول

وشاكر لك تعاونك

[المحترف]

المشاركة الأصلية كتبت بواسطة m00n_14 يعني نذاكر من الكتاب طيب والملخصات اللي موجودة في مكتبة دار الهدى فيها روؤس الاقلام وش رايك اعتمد على الكتاب والا الملخص والكتاب بصراحه كبير مااقدر علية

بالنسبة للمذكرة ما أعرف عنها شي

ودائماً الكتاب أفضل من الملخص أو المذكرة ...



وصدقوني إلي يبدأ بالمذاكره من الكتاب بشوف المواضيع سهله ...