الاحتمااالات ضروري ياريت كل واحد يدخل يجاااوب ويرد

[huda tur]

هاااي السلام عليكم ورحمه الله وبركاتو
كلنا عارفين انو الاختبارات الشهري لتانيه راح تبدا بعد اسبوعين وطبعن لازم نزاركر من دحين وانا وحده ما اعرف ازاكر الا وقت الامتحانفعشان كدا جيت امس افتح الاحصاء فتحت وماافهت بعض الاشياء فقلت مالي غيركم بعد الله تشرحولي
اول حاجه طبعن اصعب فصل حيكوون الاحتمالات عشان انتو عارفين ان الاحتمالات يعتمد على التفكير اكتر شئ
فا انا حابه اساالكم يالي يعرف يفرق بين classical probabilty-empirical probality
subjective probality
لااتيجو تقلولي انو نستخدم القوانين وانتهينا
لاانو في سوال في الاكساارساايز سؤال 11 يعتمد على اللكلام ومن الكلام نستنتج اي نوع من الانواع دوله
فبليييييييييييييييييييييييز ابغا افرق

والطلب التاني يالي عندو حل الاكسرساايز والشاابتر كويز والريفيو اكسرساايز يالي محدديلو في اللمقرر ينزلو هنا ولاا يرسلي هو عشان كل يستفيد
ومعلي تعبتكم معااااياا وربي سوري بس ايش اسوي مالي غيركم

واي سؤال احتاجو ولا انتو راح تحتاجو في فصل الاحتمالات اسالو وحطو هنا
ويالي عندو معلومات مهمه برضو يحكو هنا عشان الكل يستفيد

[senorita]

اااااااااااااااخ

انا كمان عندي مشاكل مع الاحتمالات

ان شاء الله يساعدونا بقية الاعضاء

[huda tur]

يالله ا شاء الله احد فاهم يساعدنا :) عشان ندعيلو ليل ونهااااار

[dandoosha]

بقلك معلومه بسيطه ونشاله تفيدك

انو classical probability
دائما احتمالاتها معروفه مثلا حجر النرد الاحتمالات اللي ممكن تظهر انا عارفتها (1؛2؛3؛4؛5؛6) احد هاذي الارقام هيا حتظهر
او القرش احتمالين يظهرو يا صوره او عدد مثال تاني توقع انو المولود g اوb
لكن سؤال 11 يقلك انو في العالم نسبه الناس اللي يسكنو في مدينه صناعيه 1\5 طيب ايش احتمال الناس اللي يعيشو في مدينه غير صناعيه لو جيتي تسألي نفسك هل الاحتمالات معروفه عندي او لاحيطلع مو classical

هذا اللي اقدر عليه إن شاء الله يكون في احد يوضح اكثر اذا ما فهمتي

يارب اكون افدتك دعواتك

[huda tur]

المشاركة الأصلية كتبت بواسطة dandoosha بقلك معلومه بسيطه ونشاله تفيدك انو classical probability دائما احتمالاتها معروفه مثلا حجر النرد الاحتمالات اللي ممكن تظهر انا عارفتها (1؛2؛3؛4؛5؛6) احد هاذي الارقام هيا حتظهر او القرش احتمالين يظهرو يا صوره او عدد مثال تاني توقع انو المولود g اوb لكن سؤال 11 يقلك انو في العالم نسبه الناس اللي يسكنو في مدينه صناعيه 1\5 طيب ايش احتمال الناس اللي يعيشو في مدينه غير صناعيه لو جيتي تسألي نفسك هل الاحتمالات معروفه عندي او لاحيطلع مو classical هذا اللي اقدر عليه إن شاء الله يكون في احد يوضح اكثر اذا ما فهمتي يارب اكون افدتك دعواتك

تسلمي ياقلبو يااندووش استفدت الحمد لله بس برضو مافهمت سؤال 11 :)

[الداعية المعاصرة]

السلام عليكم :)


الأمر جدا بسيط ..

هدي نفسك .. وان شالله تفهمي ..


أحاول أبسطلك حسب فهمي...


\

نبدأ بأول نوع


classical probabilty

يعني الاحتمال البدائي" القديم "

تعريفه بكل بساطة : هو احتمال متساوي الظهور يعتمد على حجم العينة ..

أعطيك مثال ..

مثلا عندنا ورق اللعب .. "الكتشية"

بسألك .. ماهو احتمال ظهور ورقة فيها queen?

نرجع للتعريف .. يقول احتمال متساوي الظهور ..

يعني كل عينة لها نفس الفرصة في الظهور ..

أنا في الورق كم q عندي؟

4 ..

طيب نكمل التعريف ..

يقول على حسب حجم العينة ..

حجم العينة هنا كم ؟

52 .. << عدد أورا الكتشينة ..

إذا إيش هو احتمال إنه يطلعلي q?

بنقول : 4 قسمة 52

وهذا الي موجود في مثال 5

..

أعطيك مثال آخر لزيادة الفهم ..

بسألك ..

لو عندي coin وبقولك ما هو احتمال إنه يطلع لي صورة ؟


فكري وجاوبي قبل لا تقري الاجابة















الجواب نص .. يعني 1 قسمة 2

ليش ؟

لأن عندي صورة وحدة بالقرش .. نقسمها على حجم العينة الي هو صورة وكتابة يعني 2


..

إن شالله وضح ؟؟


نجي للنوع الثاني

empirical probality

يعني الاحتمال التجريبي ..

وهو يعتمد على المشاهدة ..

مثلا أرمي الcoin عدد كثير من المرات وأسجل كم مرة طلع صورة ؟ وكم مرة كتابة؟
مثال آخر :

سوينا احصائية على 25 شخص

حول منتج شراب جديد

وسألناهم إذا أعجبهم ولا لأ ..

أبدأ أسجل النتائج ..

15 قال عجبهم

8 ما عجبهم ..

السؤال ما هو احتمال ان الأشخاص ما عجبهم؟

في قانون تحفظيه إلي يقول

p(e)=f\n

يعني احتمال الحادثة = عدد التكرارات \ المجموع

هنا كم تكرار عندي ؟ او بالأصح كم شخص ما عجبهم

"8"

طيب المجموع؟ يعني عدد الأشخاص كلهم
"25"

الجواب حسب القانون : 8\25

وهذا الموجود في مثال 12 .. بدايته قبل الجدول ..


إن شالله واضح ؟

نجي لآخر نوع من انواع الاحتمالات

subjective probality

يعني الاحتمال التخميني ..

وتعريفه البسيط يقول : أنه يعتمد على تخمين الشخص من خلال خبرته في مجاله ..

وهذا شي نظري ما عليه أمثلة بالكتاب ..

بس بسيط .. مثلا ان الباحثين في الفلك يقولوا ان نسبة قرب الشمس من الأرض حتكون في شهر من الشهور عدد%

مجرد خبرة .. يخمن من خلالها .


سهل مرة صح ؟؟


..


طيب بالنسبة لمثال 11 الحلوووو ..


يقولك السؤال ..

إذا كان احتمال ان الشخص يعيش في بيئة صناعية هو 1\5

أوجدي احتمال ان الشخص هذا ما يعيش في بيئة صناعية ؟؟

معناته انتي تبغي الحادثة المكملة صح ؟؟


بعطيكي مثال أسهل ..


مثلا "النرد"

لو قلتلك رميت النرد وطلعلي رقم 6

ايش احتمال انه ما يطلع 6 ؟

حتقوليلي : 1.2.3.4.5

صح ؟؟

بتجيبيلي كل الحوادث غير 6

وهذي الحوادث اسمها حادثة مكملة ..



نرجع لمثال 11


أبغى أعرف الحادثة المكملة ..

في قانون سهل وبسيط موجود في البوكس الي فوق المثال تحفظيه ...


يقولك p(e-)=1-p(e)>الشرطة فوق الإي زي الكتاب


معناته ان الحادثة المكملة تساوي 1 ناقص الحادثة الأصلية


فنطرح ال1 من 1\5 بس


كيف؟

إن شالله واضح وسهل ؟؟


إذا استشكل أي شي قولي عادي لا تستحي أنا أختك ..

:) موفقة يارب :)

[الفتاه الناعمة]

مشكووووووووووووووره يا أحلى بنوته بالمنتدى

ما شاء الله عليكي قدرتي توصلي المعلومه في ربع ساعـــه
والأستاذه رغت فيها ساعه إلا عشر وما عرفت توصلها بالعكس كانت تلخبطنا

الله يجزاكي ألف خير على مجهودك

[الداعية المعاصرة]

الحمدلله :)

المهم انك فهمتي ..

وان شالله الأخت هدى فهمت ..

وأي خدمة احنا حاضرين لا تترددوا كلنا أخوات هنا ..

موفقين يارب

:)

[عذب الكلم]

واو بجد تسلمي لاني في الكلاس مو بس تنحت بس بجد مشكورة بس وانا اقرا ذحين فهمت والكلاس ع طوله مافهمت منه الله يسعدك ويوفقك يارب

[ONayomiO]

classecal يعتمد على ان جميع الاحتمالات متساوية
أما subjctive يعتمد على خبرة الشخص في مجال من المجالات مثل الطبيب يقول ان نسبة نجاح العملية 90%
هذا هو الفرق بكل بساطة ..
ادعي لي