طلب شرح قانون مربع كاي في مادة الاحصاء؟(عنوان مبهم)

[مشعل العجمي]

السلام عليكم

من فاهم قانون مربع كاي بالله يساعدني ويفهمني


مشكورين...

[tota7]

عادي انا اشرح :) ؟؟
ولو ماكو تعب ..
مربع كاي لأي علاقه بين شيئين او اكثر
مثل علاقه التدخين والتعليم ..
اول شي عشان تعرف إذا فيه علاقه او لا ؟
هو راح يعطيك جدول
اول خطوه راح تسوي فرض العدم وفرض البديل
فرض العدم : لايوجد علاقه
فرض البديل : يوجد علاقه
بعدها راح تحسب (التكرار المتوقع)
يعني كل خانه بالجدول راح تطلع لها حساب جديد
والطريقه سهله تمسك الخانه اللي فيها العدد (مجموع صفها *مجموع عامودها) وتقسمه على المجموع الكلي
وبكذا راح يطلع لك بكل خانه شي جديد اسمه التكرار المتوقع
بعدين تطلع نتيجه (حساب احصاء الاختبار) بالتعويض في القانون
اللي هو مجموع (المشاهدات / التكرار المتوقع) _ n اللي هو المجموع الكلي
طبعا المشاهدات << هي الرقم اللي مكتوب بالجدول
التكرار المتوقع << اللي انت طلعته
تطلع ناتج القسمه لكل واحد فيهم وتجمعهم سوا.. والناتج تطرح منه قيمه n
كذا تكون حسبت القيمه الفعليه << راح تحتاجها بعد شوي
بعدها تحسب القيمه الجدوليه اللي هي (عدد الاعمده_ا *عدد الصفوف _1)
راح يطلع لك رقم مثلا 2
راح تروح عند جدول مربع كاي وتدور على الرقم اللي طلع لك مثلا 2 وتشوف بالسؤال كم مستوى المعنويه وتطلع نتيجته
اخر شي
ترسم رسمه التوزيع الطبيعي وتحط بنصه نقطه اسمها (القيمه الجدوليه اللي طلعت لك من جدول مربع كاي)
وتحط القيمه الفعليه اللي حسبتها بالجدول سواء كانت اكبرمنها (على يمينها ) او اصغر (على يسارها)
وتشوف هل تقبل او ترفض فرض العدم
ومن المعروف انه بالرسم المنطقه اللي يمين القيمه الجدوليه منطقه رفض واللي يسارها منطقه قبول للفرض العدم
ادري انو كلامي ملخبط
بس ان شاء الله تفهم لو شي بسيط منه
موفق :)

[مشعل العجمي]

من جد دكتورة

مليون ترليون شكراً

ماقصرتي وآسف تعبتك

[tota7]

ههههه شهاده حلوه ترفع المعنويات
وان شاء الله تكون فهمت علي
لاشكر على واجب .. ماكو تعب ولا شي
موفق خيو :)

[موووج الغلا]

الله يسسعدك على الششششرح

[يعقوب القوت]

شرح وافي ..

شكرا لصاحب الموضوع ,, وشكرا لصاحبة الشرح