مافهمت mutually exclusive ممكن شرح ..!

[N3M]

مثل ماهو مكتوب في العنوان ..

وبالنسبه للقوانين متاكدين انهم ماراح ينقصون ولا قانون في ورقة القوانين ..
اخاف مايحطوون قانون نحتاجه وناكلها ..

بالانتظار ..

[M7mmd]

mutually exclusive = متنافيين

يعني لما يقولك two events are mutually exclusive يعني الحدثان هذولي متنافيين

لو صار واحد فيهم مستحيل يصير الثاني زي مثلا لما ترمي عملة

وجهين العملة يعتبرو حدثين متنافيين بحيث لو رميت العملة وجاك وجه ( head = رأس )

مستحيل يجيك في نفس الوقت الـ tail = الذيل ... قفى العملة ولا مدري ايش اسمو .. فهمت؟

ولو في السؤال قالك are NOT mutually exclusive معناها انو الحدثين غير متنافيين وممكن يحصلو في نفس الوقت

انا شرحتلك زي ما انا فاهمها ..

وبخصوص القوانين ان شاء الله كلها بتكون موجودة لأنو مستحيل انك تحفظ اي قانون من الجزئيات هذي

الله يوفقك ...

[N3M]

حلوو

طيب في الامثله اللي في ملخص السعدي ..

يقولك طالب عنده شعر اشقر وعيون زرق هع
كاتب عندها (فاي) يعني لايوجد وكاتب انهم غير متنافيين not...

كيف هذي ..

معليش

[dreamy g!rl]

اخوي

الـ mutually exclusive events

هي احداث متنافية يعني لا يمكن ان تتواجد اي عناصر مشتركة بينهم

مثل الـ odd number وَ الـ even number

وتطبق على طول في القانون
p(A or B) = p(A)+P(B) L

اتمنى تكون فهمت شي من الشرح

[M7mmd]

^

انا حاولت ابسط المعلومة عشان تنفهم لكن اصل الكلام زي قالت الاخت dreamy g!rl

---

يقولك طالب عنده شعر اشقر وعيون زرق هع كاتب عندها (فاي) يعني لايوجد وكاتب انهم غير متنافيين not...

ما عندي ملخصات السعدي اكتبلي السؤال هنا

الله يوفقك

[dreamy g!rl]

اخوووي

لما يكون الشخص عنده شعر اشقر وعيون زرق ما اعتقد انها حدثيين متنافيه يعني بديهيا رح تفكر

انه اكيد رح يوجد ولو عنصر واحد مشتركـ

يعني هادي تتحل مو بالارقام رح تفكر فيها منطقيا بس ما اعتثد صراحة انه يجينا زي كدا سؤال!!!

[N3M]

لا خلاص فهمت الحمد لله ..
الف شكر لكم

بالتوفيق

[محمد الداود]

المشاركة الأصلية كتبت بواسطة N3M حلوو طيب في الامثله اللي في ملخص السعدي .. يقولك طالب عنده شعر اشقر وعيون زرق هع كاتب عندها (فاي) يعني لايوجد وكاتب انهم غير متنافيين not... كيف هذي .. معليش

not mutually
متدااخل >> ممكن يحصلووا بنفسس الوقت
زي مثااالك ممكن يكون الشخص عنده شعر اشقر وعيووون زرق بنفس الوقت ...صح ^_^
اذااا not mutually لأنهم ممكن يحصلوا بنفس الوقت

والعكسسس mutually
مستحيييل يحصلووا بنفسس الوقت زي مثااال م.محمد في الأعلى
مستحيييل يطلععع head و tail بنفسس الوقت

هذي الخلااااصة ،،، ولكل حااالة قاانونهاااا ^_*

[شهوده ..~]

المشاركة الأصلية كتبت بواسطة N3M حلوو طيب في الامثله اللي في ملخص السعدي .. يقولك طالب عنده شعر اشقر وعيون زرق هع كاتب عندها (فاي) يعني لايوجد وكاتب انهم غير متنافيين not... كيف هذي .. معليش

يقصد انو اممم << ما تعرف تشرح ض1

يعني لو مثلا اخترنا طالب .. ممكن يكون الطالب اشقر وفي نفس الوقت عيونه زرقا
يعني حدث " العيون الزرقا " وحدث " الشعر الاِشقر "

حدثين " غير متنافيين " يعني not mutually

ويقصد بالفاي
انو الحديثين تقاطعهم موجود يعني لا يساوي فاي



ان شاء الله فهمت

[N3M]

هههههههه

ماشاء الله جبتو السؤال حتى ..

ماقصرتوا كلكم

تم الفهم بنجااح

الف الف شكر

ان شاء الله كلكم تجيبون الفل مارك بكره