سعوديات يحددن 17 يونيو موعداً لتحدي قانون منع القياده والشباب السعودي العقال موجود!

[abo-yazad]

مباشرالعربية - وكالات -
نشر الموقع الإخباري لشبكة "بلومبرغ" الأمريكية اليوم تقريراً مطولاً بعنوان "نساء يتجرأن على القيادة في تحد للقوانين السعودية"، مشيراً إلى أنهن وضعن خطة لفعل ما لم يفعله أحد من قبل، وهو قيادة سياراتهن في موعد اتفقن عليه بعد تدشينهن حملة على مواقع التواصل الاجتماعية.

وقال التقرير: منال البالغة من العمر 32 عاماً تخطط لفعل شيء لم تفعله امرأة من قبل بشكل علني في السعودية، ستركب سيارتها وتخرج للشارع في تحد للأنظمة السعودية.

وأضاف التقرير أن منال، وهي من الظهران، وعشر نساء أخريات ينظمن حالياً حملة على "فيس بوك" و"تويتر" لحث النساء السعوديات اللاتي يحملن رخص قيادة دولية على مرافقتهن في تلك الخطوة، بعد أن حددن السابع عشر من الشهر المقبل موعداً لتنفيذ ذلك المخطط.

وقالت منال لـ"بولمبرغ" طالبة ذكر اسمها الأول فقط: أنا أفعل ذلك لأنني غاضبة ومحبطة، نحن الآن في العام 2011 ومازلنا نناقش هذا الحق البسيط للمرأة.

واختارت النساء مسمى "سأقود سيارتي بنفسي بدءاً من 17 يونيو" للحملة، ومنذ أنشأت صفحتها على فيس بوك في 6 مايو انضم لها 800 معجب.

من جانبه قال الشيخ محمد النجيمي في اتصال هاتفي مع "بلومبرغ" إن قيادة المرأة للسيارة في السعودية مخالف للنظام، ويفترض أن تعاقب أي امرأة تقدم على ذلك، مبرراً ذلك بأن ضرره أكثر من نفعه

المصدر

[فاقدة أبوها]

تحدّي للقوانين السّعودية!!

وأين طاعة وليّ الأمر!

ولاهي تطلع بأشياء وتختفي بأشياء ثانية!!


لو عملوا مطالبة للملك-ولايعني ذلك موافقتي على الموضوع- لكن لو طالبن الملك لكان أفضل وأسلم من تحدي الأنظمة.

ان شاءالله مصيرهن مصير ثورة حنين السخيفة,


شكراً لك أخي نواف .

[بطووطه]

استريحو ياحريم ماهي لكم ابد

احنا كذا وعسانا نسلم منها فتن فتن ياكافي

قولولي وين بيخرجون عشان ابلغ خخخخ

[رنيم سليمان]

يكفي قول الغالية بأنه تعدي لطاعة ولي الأمر

ولا أظن بأن فاعليها ممن هم يلتزمون بتعاليم الدين بصورة جيدة .



لو كَان حالهم ممن لايملكون سائقا ولا إخوه ولا ووو يستطيع أن يذهب بهم عند الضرورة وغيرها

لَكان أهون على النفس ولكن عند سؤالي للكثير وسماعي فأغلبهم ممن لَديهم القدرة ولكن يريدون الزيادة

أو تحقيق الحرية كما يسمونها والوصول إلى مخططاتهم حتى وإن كانت مجرد رغبه وليست حاجة .

[حلاها زايد]

ياليت والله اتمنى يخلونا نسوق وعندي احساس انه راح يتحقق في يوم
ويعطيك العافية يانواف القصيم

[صوت الفجر]

مستحيل هذا الشي يصير واللي ودها تسوق تقعد وتركد احس لها

ولا تنط وحده من دول الخليج الله لا يهينها وتفرغ طاقتها هناك

شكرآ نواف

.
.
.

[مصره على قراري]

موضوع تحفه اقول استريحوا مالك امل<<انا بنت واقول هذا الكلام
لو صار وسوا الحمله الفاشله ذي رح يصير فيهم زي الي صار لناشطه السعوديه <<ما أذكر ايش اسمها
يوم وقفت على جسر الملك فهد وهي رايحه للبحرين وسوت هيصه كله عشان ما معها تصريح من ولي امرها
وشايفه انوا مو من حق احد يوقفه وبعد العرس الي سوته انلم الموضوع بحكمة الشباب السعودي<<فاهمين قصدي طبعا
ورجعت بزفه محترمه لشرقيه
لو عندهم شي يبغون يقولونه وحقوق يبون يحصلون عليها<<على قولهم
مو بهذا الاسلوب في اساليب احسن من كذا
بعدين ايش مفكرين رجال الامن تحف مثلا
والله بيزفونهم زفه محترمه على وقع انغام المجس الحجازي<<اخر حلاوه
شكرا لك اخوي نواف على الطرح والعنوان الرادع<اقصد العقال ^_^

[سنفورة موت]

المصيبة حتى لو آقول ودي عندي آهل يقصون رقبتي قبل ماآفكر آسوق

بس صراحة وش لنآ بتعب آلقلب صراحة آنا هذيك المرة شفت آخويا يسوق قاعده وياكل ويكلم 3 في 1
انا مااعرف يسوق ياكل يكلم وش ذا من جد العيال دواهي ياكافي <<وصلت العين

يسلموو ياخووي

[Hamsa }~]

اي والله حريييم مايبيلهم إلا العقـآل..

[سكون الورد k.a.u]

المشاركة الأصلية كتبت بواسطة نواف القصيم من جانبه قال الشيخ محمد النجيمي في اتصال هاتفي مع "بلومبرغ" إن قيادة المرأة للسيارة في السعودية مخالف للنظام، ويفترض أن تعاقب أي امرأة تقدم على ذلك، مبرراً ذلك بأن ضرره أكثر من نفعه

وهو صادق ...
ايه الضرر اكثر من النفع .. تسوق وش تبي ؟؟؟
صراااحه لو تخرب الدنياااا ويصير البحر طحين .. ماسقت سياره ..
وش بقى يفرقنااا عن الرياجيل !!! صارن يصرفن على بيوتهن ويجيبن شغالات ويسحبن سيارات بأسمائهن .. الخ مابقى الا الشكل والسواقه هي اللي تفرقنا عن الرياجيل !!!

ومن ناحية ان الضرر كبير فهو كبييييييييير جدااا والتعرض للاهانات اكبر .. يعني بلياااا السواقه والدنيااا خربانه (الله لايبلانا ..)

اذاا ساقن وش بيصير ؟؟؟

انا صراااحه مع اي حضاااره ومع اي تقدم الا سواقة المرأه السعوديه للسيارهـ ...

ادري اني كذااا اخالف رغبات بناات كثير ويمكن اي احد ينتقد كلامي ..

زي بنات كثيييير لما نتناقش بهالصدد يقولون لي : انتي قصيميه !!!!!!!!!!!!

قصيميه يعني متشدده ولا بعيده عن التقنيه والحضاره ؟؟؟؟؟؟!!!!!!! شي عجيب صراااحه !!!!

لكن>> ^_^ انا هذي وجهة نظري ... !!

ثانكس اخوووي نواااف ... ويعطيك العاااافيه يااااارب

دمتم بود