لقاء مدير الجامعة بطلاب السنة التحضيرية + انطباعات الطلاب بعد اللقاء

[dr.hope]

السلام عليكم ورحمة الله وبركاته

اليوم الثلاثاء 2/1/1430

حيكون في لقاء لمدير الجامعة مع طلاب السنة التحضيرية

الساعة 10:30 صباحا بقاعة المؤتمرات

اتمنى الحضور يكون مكثف واذا عندكم اي شكوى او اي ملاحظة قولوها ولا تخافوا

ترى المدير طيب>>> على اسمه

[مَـزٍآج ..}..]

أخـآف مآ يجي خيرر شرر مثل المرـه الي رااحـت ..

عمومـآ ..

انـآ بنآم في البيـت بووكـرهـ .. سووكـرا على البريك يآ مدير الجامعه ..
> فاهم السالفه غلط ..

> يعني مو حاضرر !!

[البادي]

السلام عليكم
ياجماعة ياليت إلي حضر اللقاء يقلنا وش صار بليز

[dr.hope]

بسم الله

هاذي تغطية بسيطة عن اللقاء

بدأ اللقاء بآيات قرانية

ثم كانت كلمة المدير واتكلم فيها عن السنة التحضيرية واش فيها واش مافيها وانه السنة التحضيرية ماهي جديدة ع الجامعة

وانها كانت فيه قبل أربعين سنة وبعدين اتوقفت لظروف ورجعت السنه هاذي

وبعدين بدأت الأسئلة من قبل الطلاب

وعشان ما اطول حقول بعض النقاط اللي خرجت من اللقاء اللي انا متذكرها

1- بشرى سارة للطلاب الراغبين في الطب ما في اختبار توفل( وهاذي أكّد عليها المدير ) ولا شي من الخرابيط اللي سمعناها اول السنة

2- في المقابل لازم اللي يبغى طب يجيب درجة ( a ) في كل من "الفيزياء" و "الكيمياء" و "الإنجلش" (والحبيبة " الأحياء")

3- اما اللي يبغى هندسه لازم يجيب ( a ) في كل من "الفيزياء" و "الكيمياء" و "الإنجلش" و "الرياضيات"

ملاحظة : ذكر المدير انهم ممكن ينزلوا لل ( b+ ) اذا شافوا ان عدد الطلاب اللي جابوا (a) اقل من العدد المتاح للكلية

مثال : اذا افترضنا ان كلية الطب حتقبل 150 طالب مثلا وبعد مانزلت المعدلات وبدأ توزيع الطلاب في الكليات حصّلوا ان الطلاب اللي جايبين ( a ) في المواد المذكورة 110 هاذول على طول حينقبلوا طب
طبعا اذا كانت هاذي رغبتهم لكن باقي 40 مقعد اذن في هذا الوقت ينزلوا للطلاب اللي أخذوا (+b ) ويكملوا الأربعين طالب(( طبعا اللي حيكون جايب وحدة "بي بلس" حتكون له الأفضلية على اللي جاب اثنين "بي بلس"

ان شاء الله يكون وضح المثال


ياشباب بالله اي واحد فاكر حاجة ما قلتها يقولها عشان الجميع يستفيد

[so0ona]

السلام عليكم ورحمة الله وبركاته
وحيكون في اسبوع ارشادي وحيكون فيه مجموعة من الطلاب من كل كلية حيشرحو كل شيء عن التسكين وعلى عدد الطلاب المطلوبين في كل كلية

واهم حاجة انو يوم 15 في شهر 4 حينزل في الاودس تحديد الرغبات انو اية كلية تبغى تخشها والكلام دا

[LσvєLy HєαяT]

امممممممممم معليش خلينا صريحين


مو حلوه المجامله مو ؟



اول شي هوا ما اعطى الجواب الشافي لأغلب اسئلة الطلاب



ومافي الا انو يعلق ع الطالب اللي ما يعجبو سؤالو




يعني زي واحد سأل سؤال يقوم اش يجاوبو !!!!


يقلو اكيد انتا كنت قاعد تجهز سؤالك طول اللقاء عشان كدا ما انتبهت اني جاوبت عليه في البدايه




طب معليش احنا لسا دوبنا في الجامعه يعني يدوب نجمل ونسأل :s



شي تاني سؤال الكردي اللي سألو كيف ح نزاكر 700 سؤال و600 شريحه ما جاوب عليه



بس قال انتو تحسبو الجامعه زي المدرسه !! طب دا جواب دحين




شي تالت قال انو مدرسين الانقليش شهادادتهم معترف فيها طيب اوكي انا معاه في دي النقطه




بس انو يقول شهاداتهم معترف فيها ومميزين !! وحطو مليون خط تحت مميزين




من فين لهم مميزين وربي عندنا مدرس ال E A P كأنو سواق بس يقعد يقرا والسلام



ونفس الكلام ل مدرس القرمر





في كلام كتير لسا ابغا اقولو




BRB

[يلدرم]

الموضوع للنقاش بين الاعضاء وليس منتدى للوناسة والاستهزاء

الرجاء من الجميع الالتزام بقوانين المنتدى

للضحك والوناسة منتدى اخر يمكنكم المشاركة فيه

[gunner]

اما اللي يبغى هندسه لازم يجيب ( a ) في كل من "الفيزياء" و "الكيمياء" و "الإنجلش" و "الرياضيات"

!!!
ايش علاقة الكيمياء بالهندسة @_@ ؟؟!

[dr.hope]

المشاركة الأصلية كتبت بواسطة gunner !!! ايش علاقة الكيمياء بالهندسة @_@ ؟؟!

في قسم في الهندسة اسمه ( الهندسة الكيميائية )

أظن هاذا يكفي

[dr.hope]

المشاركة الأصلية كتبت بواسطة lσvєly hєαяt امممممممممم معليش خلينا صريحين مو حلوه المجامله مو ؟ اول شي هوا ما اعطى الجواب الشافي لأغلب اسئلة الطلاب ومافي الا انو يعلق ع الطالب اللي ما يعجبو سؤالو يعني زي واحد سأل سؤال يقوم اش يجاوبو !!!! يقلو اكيد انتا كنت قاعد تجهز سؤالك طول اللقاء عشان كدا ما انتبهت اني جاوبت عليه في البدايه طب معليش احنا لسا دوبنا في الجامعه يعني يدوب نجمل ونسأل :s شي تاني سؤال الكردي اللي سألو كيف ح نزاكر 700 سؤال و600 شريحه ما جاوب عليه بس قال انتو تحسبو الجامعه زي المدرسه !! طب دا جواب دحين شي تالت قال انو مدرسين الانقليش شهادادتهم معترف فيها طيب اوكي انا معاه في دي النقطه بس انو يقول شهاداتهم معترف فيها ومميزين !! وحطو مليون خط تحت مميزين من فين لهم مميزين وربي عندنا مدرس ال e a p كأنو سواق بس يقعد يقرا والسلام ونفس الكلام ل مدرس القرمر في كلام كتير لسا ابغا اقولو brb

احترم وجهة نظرك

بس مو معقول انك ماتقول غير السلبيات

يعني اللقاء كله ما كان فيه فايدة وماكان في معلومه اقتنعت فيها