تحطمت من الجامعه وشكلي ابفصل

[زهراني الرياض]

[align=center]
السلام عليكم ورحمه الله وبركاته


شباب والله تحطمت من الانتساب مناهج متنفخه ومحشيه كلها مقدمات وكلام فاضي والله لو واحد مصحصح كويس انها لايختصرها كل المنهاج لخطه (أ) بكتاب واحد ولكن الله المستعان

ثاني شئ احس اننا كذا بس سجلونا بالجامعه علشان يأخذون ((3000)) ريال والمكاتب تترزق طبعاً بعد ماتترزق منامطبعه الجامعه علا الاقل كل شخص 200 ريال والفيد ايكس

الوضع مزري جداً يعني بصراحه صعب كيف ان الواحد يعطونه كتب وحتي الكتب ماتدري هي نفس المقرر ولا لا (( على ذمه المكتبه ))

انا تحطمت

وشكلي ابفصل

يازين الانتظام تحضر وتعرف وش المطلوب عليك مو كل شوي طاب لي واحد يقول هذا محذوف وهذا معنا ويرد واحد ثاني لا هذا معنا ولا في شئ محذوف اربع ايام احاول ادرس ماعرفت خايف ادرس شئ مايطلع معنا بالنهايه


وش الحل يعني ؟؟؟؟؟؟؟؟؟

افصل واستريح


ولا استمر واخسر شبابي وعمري و((شعري )) بداء يتساقط من القهر ؟؟؟


والله ماقول الا الله المستعان
[/align]

[انامهاجر]

انا معك في كل كلمة قلتها
من جد وضع الدراسة بنظام الانتساب موزري
ولا فيه تنظيم اتمنى من اصحاب الصلاحية انهم
ينتبهون ... !!
ممكن عندهم خبر وكأنهم موب شايفين شيء
اهم شيء استلام مبلغ الدراسة للانتساب
الله يعيننا على هذا الوضع

اما انا بجرب هذا الترم واشوف النتيجة
بعدها اقرر اكمل او لا

[زهراني الرياض]

مهاجر والله تقول اننا مو محسوبين بنظام التعليم العالي ؟؟؟؟؟؟؟؟؟؟


المنتسبون (( اشحاص حدتهم الضروف على الدراسه وليس لهم اي اهميه في نظام التعليم الجامعي ))


الله يوفقك يامهاجر اتمني لك التوفيق

[مرسال1]

شباب انا مثلكم خلونا نجرب الترم ذا اذا مشينا تمام

[NO0OF]

زهراني تكفى ترى احنا مرة متأملين خير

ومتفألين

لا تحطم نفسك ندري ان الانتساب بهذلة

بس وش نسووي حدتنا الضروف مو انت بس الي شعرك يتساقط خخخخ

حتى انا بس مشي حالك

على الاقل تكون عندك شهادة جامعية تقدر تتوضف فيها بعدين

خاصة انتو الاولاد محتاجينها

لا تخاف اعتمد على الله
ونصيبك بتاخذة

[ro7i Leek]

والله صااادق .. منجد احس كأننا شحاتين .. والكل يبهدل فييينا ..

الله يكوون بالعوون .. بس ياليت لو كل من يملك معلومه ويبخل يقولها انه يتخيل انه بمكاننا .. هل كان راح يرضى بهالمعامله؟؟

[ابوميس]

شد حيلك يااخوي ولازم الجامعة تبغى تعب بعدين راح تحصل شهادة مو اي واحد يقدر يحصل عليها .
لاتحسب المجد تمرا انت اكله لن تبلغ المجد حتى تلعق الصبرا
وشكرا

[شاد حيله]

جبيتها على الجرح وكن مادريت .. وانت قاصد ماهي يعني اصدفت

الصراحه ماادري كيف بنمشي في هالجامعه ... بس ربنا بسهلها ان شالله

الله كريم الله كريم يهون الجرح الأليم

[زهراني الرياض]

شباب ردودكم على العين والراس

بس بصراحه وبدون لاحد يزعل

(((((((( يليتني ماعرفت هالمنتدي )))))))))))

هو الي من جد احبطني اعضاء يدخلون ومن كيفهم يقلون هذا معنا وهاذا مو معنا ؟؟؟؟؟؟؟؟؟!

يعني وش المعزي من ذا كله

طيب مو مشكله ( وين مدرسين الماده يعني وش بيضره لو يكتب موضوع معتمد منه شخصياً مووضوع واحد ماياخذ من وقته اكثر من عشر دقايق ويطرحه لنا بالمنتدي ؟؟ وش بيضره
يتكلم بالموضوع الادوات المطلوب الاساليب المساعده المواد المعتمده بالمقرر والغير معتمده وبالاخير كل مدرس عنده تلخيص خاص فيه خلاص يحطه بالمرفقات .

طيب الدكتور ولا المدرس والله مشغول لدرجه انه مايقدر يحك راسه
فيه شئ اسمه المرشد الطلابي وووووووووووووووووووووووووووووينه؟؟؟؟؟؟؟؟؟؟؟؟؟؟؟؟؟

شئون الطلاب ويننننهم انا والله من يوم ماسجلت احاول اتصل فيهم والله ماحد يرد على


الله المستعان

[ابو عريب]

اخوي زهراني تفائل بالخير تجده
وإن شاء الله عقبال مانهنيك بالتخرج
شد حيلك الترم هذا وركز شوي
وانت تدرس واكثر من الاستغفار
واللة يوفقك ويوفق الجميع
والله لايروح تعبكم وفلوسكم
هدر قولوا اميييييييييييييييييييييييييييييييييييييييييييييييي ييييييييييييييييين