عاجل: كارثة مركز قياس, واختبار الدبلوم التربوي

[جزا]

بسم الله الرحمن الرحيم

السلام عليكم ورحمة الله وبركاته


يا إخوان, قولوا: آمين.


الله يجيب العواقب سليمة مع ذي الجامعة بس.


من شروط القبول في برنامج الدبلوم التربوي أن يكون خريج بكالريوس لتخصصات معينة هم محددينها, وأغلبها كما رأيناها نظرية, ثم اشترطوا علينا نختبر (القدرات للجامعيين) بمركز قياس.

لكن الطامة إن مركز قياس فاجأنا اليوم إن أقرب اختبار للقدرات الجامعيين اللي بشهر ثمنية لا يقبل إلا أصحاب التخصصات العلمية.. وأغلب المتقدمين على الدبلوم التربوي أصحاب تخصصات نظرية زي حالتي. فأيش العمل ياترى مع هذي الورطة.؟


لو قلنا لجامعة المؤسس, إن مركز قياس رفض يسجّلنا.. ما راح يمشوها لنا وحيقولوا: مو شغلنا ما راح نقبلكم. وضاع مستقبلنا. لأني أعرف برود المسؤولين وعدم مراعاتهم لمشاعر الآخرين.

أرى إننا بين خيارين الآن, فالوقت ضيق:

الأول: من المعروف إن مركز قياس حق فلوس. يعني لو تبغو اختبار أول أيام العيد وقبل صلاة الجمعة حيسوي لنا. أهم شيء (200$) . فلازم نزعج المركز بالاتصالات المكثفة عشان ينزل اختبار قدرات جامعيين للتخصصات النظرية. ونرسل فاكسات..

الخيار الثاني: نبدأ من الآن بالتواصل مع مسؤولين الدبلوم التربوي - وفي موضوع سابق نزلت رقم جوال المشرف على الدبلوم على أمل أحد يتصل عليه ويتبين الصورة بوضوح. ولكن تم تطنيش موضوعي - ونعرف من مسؤولين الدبلوم. هل باقي مصرّين على القدرات ولا حيسووا لنا اختبار تحريري.. أنا أتوقع إنهم حيعدلوا الشرط ويخلونا نختبر (آيلتس e) ونروح وطي بقوة

أتمنى التفاعل يا إخوان.. ما العمل.. هل هناك حل.. أم نقول: إلى الأمام ثورة ثورة.

[(( تـالا ))]

ما اقول غير حسبي الله ونعم الوكيل قدي ايش بيلعبوا بأعصابنا ...
يعني بالله الجامعة مو عارفة انو مركز القياس ماراح ينزل اختبار للاقاسام النظرية


بس عندي سوال :

طيب متاح خيار العام هل نختارة ونتوكل ع الله ولا ما ينفع

ياليت تفيدوني &&

[الله واكبر]

انا سجلت اخترت عام الرمز 103 يقولو اختيار التخصص للثانويه
والله اعلم

[الله واكبر]

اخترت نظري طلع لايوجد واخترت علمي طلع لايوجد اخترت كل التخصصات وعام طلع الرمز وعلى الله ان شاء الله خير

[جزا]

بسرعة بسسسسسسسسسسسسسسسسسسسسسرعة


اختاروا (عام) وسجلوا.. أخيراً عدّلوا غباوتهم اللي كانوا مسوينها قبل شويه.



سجلوا قبل لا يرجعو لسالفة العلمي

[miss lulu]

ياجماعه اتصلوا ع رقم قياس تلقوه ف نفس الموقع

والله كانوا يردوا ع اسئلتنا واستفساراتنا

انا كنت اتصل ع العصر

الله يسهل عليكم ان شاء الله ويعينكم كل مالهم يعقدوا الشروط

الحمدلله احنا بس يادوب مقابلة شخصية لا اختبار ولا يحزنون

<< دخلته عام 1430

[الله واكبر]

للجميع رابط الدبلوم لايعمل ايش الحل ابغى اطبع استماره الماجعه يوم 2-7
المقابله

[شواطئ البحر]

اختبار القدرات متاح للجميع التخصصات

في نوع التسجيل اختار عام , وعند اختيارك للعلمي ونظري لن يظهر لك شي لأن هذي (العلمي و نظري) خاصة بطلاب وطالبات الثانوية العامة .

[شواطئ البحر]

المشاركة الأصلية كتبت بواسطة الله واكبر للجميع رابط الدبلوم لايعمل ايش الحل ابغى اطبع استماره الماجعه يوم 2-7 المقابله

---

التقديم تأجل إلى شهر 8

[الله واكبر]

شهر 8 في الكليه