الله يخليكم ساااااااااااعدووووووووووووووووني

[في داخلي طفله]

عندي مشكله مررررررره تحرجني
أتمنى تساعدوني
انا شعري كان حلو وناعم مو مررررررررره ناعم بس كان حلو بدون استشوار ذحين مرررره خفيف ويتساقط لدرجه اني اخاف امشطه
وصار منكووووووش...
ومعفن وصرت بس لافته من الاحراج هذا غير القشرررره الي بديت من شهر وذبحتنييي

[R-Kh]

امممم
ابدأي عالجيه
روحي اوباجي سنتر
او شوفي دكتور جلدية كويس
او روحي عناية كير اللي في الزهراء
انا سمعت انو كويسه المعالجة حقتهم
بس ماجربتها
..
اسألي عن دكتور كويس وروحي
...
:)

[في داخلي طفله]

مرررررررررره شكرا هذا اروحله في الاجازه ذحين مافي وقت بس عبال يجي وقت الاجازه اش اسوي
اهئ اهئ اهئ

[شموع32]

اعتني فيه حطي زيوت قبل كل تروشيه ولاتكثري شامبوووووووو ترى الشامبو يعدم الشعر

واهم شي اكلك حاولي تخليه صحي عشان يستفيد منه شعرك وجسمك

هذا الي اقدر افيده لك واذا لقيت ماسكات كويسه راح اخبرك عنها : )

[في داخلي طفله]

مرررررررررررره شكرا لكم

[DNA..~]

مرآح ـب..،،

أكيد لازم تغذيه..

يعني حطي لك يوم على الأقل في الأسبوع تحطي زيووت..

وغير كدا بالنسبه للقشره..أعرف ناس كتير خفت منهم ماشاء الله

بعد ما استخدموا شامبو كلير..

موفقه..~

[ملتهي بغيري]

والله ياحبيبتي انصحك بالسدر تجيبينه وتطحنينه وتخلطين معاه ثلاث زيووت واختاري زيوت تكثير الشعر وتطويله لكن ابتعدي عن الزيوت ذات الروائح الحلووة

وحطي زيت الخروع وزيت زيتون وزيت الصبار وانا هاذي اللي خلطتها ..


لانه مفيد واسألي مجرب اختي ماشالله تبارك الله بعد السدر بدء يطلعلها شعر


وتحسن عن اوول ......



واي استفسار عالخاص ..




ولكي جزيل الشكر

[فتفوتة سكر]

غريبه تغير بشكل مفاجئ ولمره وحده
عموما هالوضع ممكن يكون انك تعرضتي لموقف محزن جدا لا سمح الله في هذه الحاله يكمش الشعر وتبطل بويصلاته تنتج مادة الكيوتين بطريقه طبيعيه .

اعملي تكثيف عنايه
اول اشي الغذا وكتري من :
البيض فهو المكون الاساسي للشعر لان الشعره كلها بروتين وبروتين البيض هو اللي يقومها ويحسن شعرك لدرجه كبيره كتير باذن الله
كمان الجرجير , كتري من اكله لانه يحتوي على الفيتامينات المكونه الاساسيه للشعر

تاني اشي بالنسبه للقشره :
بعد ما تغسلي شعرك بالشامبو حطي مقدار من الميه وفيها شوية خل
واشطفي شعرك بيه
من أول مره حتلاقي القشره تختفي

تالت اشي اهتمي بوضع حمامات الشعر من الزيوت الطبيعيه وخلطات الشعر

ومن اروع الخلطات للشعر وحتلاقي نتيجتها روعه :
حطي ( مايونيز, زبادي , ملعقة خميره , صفار بيضتين , زيت زيتون, زيت لوز, )
واتركيها لمدة ساعه الى ساعتين واغسليها منيح .

ربي يردلك تاج راسك زي ما كان واحلى
موفقه يا عسل

[•●آحلى قمر •●]

انا كمان شعري متقصف ويتساقط بهبل وقشره

بس سمعت عن التونيك الياباني كامينوميتو

يقولوون مره ممتاز وحلوو للشعرفيه منه المقوي والمسرع

وان شاءالله بجربه
يوجد في الصيدليات

[υикиσωи]

أنا شعري يتساقط من سنتين ... وكنت أخد علاجات من دكتورة الجلدية... توقف التساقط لمدة 9 شهور بعدين يرجع
لحد ما رحت دكتورة الباطنية ..وعملت تحاليل ..قالتلي عشان عندك نقص مرا في الحديد والكالسيوم ..

فيمكن تكوني عشان نفس السبب ...




بسس نصيحة مني ... لا تجربي اي خلطات أو حاجات من الناس
روحي اتعالجي أحسن
والله يعينك يا رب ...