اشكال لويس ؟؟

[نبض الحيآه]

السلام عليكم ..

ممكن احد يشرح اشكال لويس الي في شبتر 9
او يديني فكرا سريعه عنو وشكرررا مقدما
بالتوفيق ~

[Hno0odh]

هلا يالغلا .. مرررررره سهله ترا .. بس ادربي كثييييير عليها تصيرين سريعه فيها وعشان ماتاخذ وقت منك في الاختبار ...

والله لسا باقي لي اشياء كثير ماذاكرتها ومشغوله ، بس لعيوونك بشرحها وعشان الكل يستفيد ..

---

اول شيء في هذا الشبتر يتكلم عن
فكرة لويس وهي :تمثيل الكترونات المدار الاخير ( الكترونات التكافؤ ) بنقاط حول الذره ..


زي منتي شايفه بالكتاب كل ذره فيها نقاط حولها وهذي النقاط هي الي نقصد فيها الكترونات المدار الاخير .

طيب من وين نعرف الكترونات التكافؤ ( الكترونات المدار الاخير )
هي : رقم المجموعه = الكترونات التكافؤ ( الكترونات المدار الاخير ) لكل عنصررر ..

مثلا عشان نعرف عنصر H كم الكترونات المدار الاخير فيه من رقم مجموعته ، هو في المجموعه الاولى اذا الكترونات المدار الاخير له هي واحد ونحط نقطه وحده حول العنصر H..
ناخذ مثال ثاني عنصر N هو في المجموعه 5A اذا عدد الكترونات مداره الاخير هي 5 الكترونات ونمثلها بـخمس نقاط حول الذره N وزي كذا الباقي

---

في شغله ثانيه لازم تعرفينها السالبيه الكهربائيه في الجدول الدوري من اليسار الى اليمين تزداد ومن تحت الى فوق تزاد ..

---

وماعرف اذا تعرفين الازواج الحره والرابطه / المهم الحره هي نقطتين بجمب بعض (تمثل الكترونين) نسميهم زوج حر OO
N
اما الزوج الرابط هو الكترونين ولكن بشكل خط بين عنصرين
H___N

---

هذي فكرة بسيطه عشان تكونين عارفه بعدين وش اقصد في خطواتي...


نبدا كيف نكون شكل لويس ::

1- نجمع جميع الكترونات التكافؤ للمركب مثلا اعطاني NF3 تصير 5+(7×3)=26e
لانه N في مجموعه 5
F في مجموعه 7 ونضربها في 3 لانه فيها 3 ذرات .. زي مو موضحF3

2- نضع الذره الاقل سالبيه في المنتصف ثم نوزع 8 الكترونات للذرات المحيطه فقط .

ماعرف كيف صار الشكل كذا بعد مانزلت المشاركة :( المهم شوفي هنا فيه 3 ازواج حره فوق الشكل هذي تكون وحده لـ F اللي ع اليمين والثانيه لـN والثالثه لـ F اللي ع اليسار ..
بالنسبه للزوجين الحره اللي تحتها وحده لـ F ع اليمين والثانيه لـ F ع اليسار .
والـ F الاخيره اللي تحت بينها زوج رابط هي وال N وحولينها 3 ازواج حره ..
oo oo oo
ooF __N__F oO
oo / oo
ooFoo
oo

3- نعد الالكترونات كلها الحرة والرابطه هل اكملت الـ 26 الكترون ؟
اذا لم اكملها نضع الباقي منها حول الذره المركزيه بشكل ازواج حره .
واذا اكملتها خلاص ..
وهنا حول F الثلاثه 24 الكترون اذا باقي الكترونين نحطهم حول الذره المركزيه زي ماهو موضه بشكل ازواج حره ..

وبالنهايه في كلا الاحوال اكملت جميع الالكترونات اللي حسبتها بخطوه 1 او لا لازم اتاكد انه الذرة المركزيه اكملت 8e واذا انها ما اكملت 8e نروح للذرات المحيطه بها ونحذف منها زوج حر
(الكترونين يكون زوج حر) ونحوله الى رابط عند الذره المركزية واذا احتجنا ثاني برضو ناخذ زوج حر ونحوله الى رابط اهم شي لين تكمل 8 الكترونات الذره المركزيه ..

---

وبس .. ان شاء الله وااضح >>جالسه اشرح ع السريع ..

موووفقه يالغلا ..

[نبض الحيآه]

^^
الله يجزاكي خيير

[Hno0odh]

آمين ياقلبي وياكِ