ايش تبغو تتخصصو وليش؟

[oOfabulousOo]

السلام عليكم ورحمة الله وبركاته

كييف الحال إن شاء الله كلو تمام؟؟

وكيف الاختبارات؟؟

الله يوفقنا جميعا

ابغاكم تقولولي ايش ناويين تتخصصو وليش اخترتو ده التخصص بما انو خلاص قريب نخلص

اهم شي تجاوبولي ليش

انتظركم

ثينكس

[قطووورة الندى]

انا نفسي في رياضيات لاني مرررررررة احبه
ميهمني الاقي وظيفة او لا اللي يهمني ادخل تخصص احبه وابدع فيه
بالرغم من اهلي يبغوني ادخل طب ومعدلي يأهلني بس انا ما ابغى ما عندي رغبة بالطب
مع انو حلو لمن لديه الرغبة وأهلا لذلك
جميل ان ندخل تخصصات ونساعد الناس ونعمل بجد واخلاص
استشيري ثم استخيري
بالتوووووووووووفييييييييييييق

[بـدرـي عـلـيـكـ]

هندسه يارب

بالنسبه لليش والله مادري بس عندي رغبه كبيره في دراسه هذا التخصص

وشكرا

[nadooodi]

طب اممممم مااعرف مرررا احسها خدمة انسانية ووو من وانا صغيرة دا حلمي يااارب يوفق الكل للشي الي يميلو ويحبو
ثانكس عالموضوع يا عسل
مووووفقة باختباراتك

[سماء صافية]

كلية الحاسبات ...
ليش لاني احبووا من وانا صغيره واي شي فيه احب اتعلمو...
ويااااااااااارب ادخلو

[miss jodi]

تغذيـــة علاجــــية ....


لأني أحب أي مادة تتعلق بالأحياء والهضم والعناصر الغذائية الخ
وأصلا التخصص حيفيدني وحيفيد أطفالي واللي حواليني مستقبلا إن شاء الله من ناحية الغذاء مو شرط ع الوظيفة


الله يكتب اللي فيه الخـــير ,,,

[jomanji]

تربية خاصة ان شاء الله

لاني احبهم صراحة واحب اساعدهم .., لاني درست الابتدائية في مدرسة فيها تربية خاصة

وكانوا يتعاملوا معاهم بالضرب

والله وضعهم كان يحزّن .., في ناس ماتقدّر هذه الفئة .., وماتعطيها حقوقها

عشان كذا اتمنى ادخل هذا التخصص ..

الله يكتب اللي فيه الخير .., وبالتوفيق للجميع

[SSDORA]

ادارة واقتصاد ان شاء الله حلمي اني اكون شخص ناجح في حياته واحس اني ان شاء الله رح انجح وابدع في القسم دا

[M7mmd]

بالنسبة لي كنت محتار من عدة تخصصات لكن في النهاية رسيت على 2

منها الهندسة وهي اللي حاطها كرغبة اولى وهي صراحة اللي ابغاها - بإذن الله -

السبب اني من وانا صغير وانا اقول ابغا اصير مهندس > كنت اقول "مهندس بترول"

ابويا كان زمان يقولي يافالح على وقت ما تشتغل يكون البترول خلص

لكن هو وبقية اهلي مررة مشجعيني عالتخصص هذا , وكمان ما ينادوني إلا يا باش مهندس :]

وبإذن الله ما رح اخيب ظنهم

الرغبة الثانية الطب ..

اغلب اصحابي يبغو طب ودرجاتهم ماشاء الله بقوة تأهلهم وجالسين يلعبو براسي .. والله يستر :(

[Hno0odh]

امممممممممم كويس فتحتي الموضوع لاني بحييييييييييييره مره وللحين مارتبت رغباتي ..
مارسيت مره وش ادخل .. يمكن حااسب ويمكن ادارة واقتصاد ...
لكن انااا ميولي الاكثر في ادارة واقتصاااد ..