طرق الحل للمسائل في التحليل الكمي 104

ياسر الحنون · #1 04-01-2009, 02:35 AM

المسائل اللي تكون على هذه الصوره
2س +3 ص +ع = 0
نستخدم هذه الطريقه لمعرفه قيمه س و ص { اللي هم جذري المعادله }
نستخدم الاله الحاسبه fx991es
الخطوات :
نختار mode
ثم نضغط 5 { اللي هو EQN}
ثم رقم 3
يظهر لنا صفحه بالاله من ثلاثه مجاهيل هي من اليسار a b c
مالنا شغل فيها
نكتب معامل س من المسأله بالاختبار وهو هنا بالمثال حقي رقم 2
ثم نكتب =
ثم نكتب معامل ص من المسأله بالاختبار وهو هنا بالمثال حقي 3
ثم نكتب =
ثم نكتب معامل ع من المسأله بالاختبار وهو هنا بالمثال حقي 1 { لأن عين ماعندها رقم }
ثم نكتب =
وبعدها برضه نكتب =
تطلع لنا النتيجه معامل س بالانجليزي هو x1
نكتب =
يطلع لنا معامل ص بالانجليزي وهو x2
وسلامتكم
سهله لاتخاوفون من كثر الحكي
__________________________________
المسائل اللي من نفس النوع اللهم تكون مسالتين مثل

3س +5ص + ع = 0
5س + 7ص + 4ع = 0
نفس الطريقه اللهم مايلي

نختار زر مود{ mode}
ثم نختار رقم 5
ثم نختار رقم 1
ثم نكتب معامل س من المسأله الاولى وبعدها =
ثم نكتب معامل ص من المسأله الاولى وبعدها =
ثم معامل ع برضه من الاولى وبعدها =

ثم الاله من نفسها بتنزل سطر في الشاشه عشان نكتب معاملات المسأله الثانيه

نكتب معامل س من المساله الثانيه ثم =
ثم معامل ص من المسأله الثانيه ثم =
ثم معامل ع من المساله الثانيه ثم =
وبعد نكتب =
النتيجه بتطلع بكل سهوله
معامل س بيكون بالحرف الانجليزي x
نكتب = عشان نجيب معامل ص وبيطلع بالحرف الانجليزي y
وبس انتهى الموضوع

الطريقه هذي على الاقل تضمن لناا عشر درجات بإذن الله
اتمنى التوفيق للجميع