ابي رايكم بكل صراحه رايكم يهمني

[المــــــــــــــاسه]

السلام عليكم ورحمه الله وبركاته
انا طالبه اداره عامه تطوير وتنضيم اداري
وانا عندي ضروف وخايفه من صعوبه المنهج بسبب المواد الحسابيه والعلميه فقررت اني احول علم اجتماع قلت يمكن يكون سهل على الاقل مافيه ماده حسابيه زي الاحصاء او الرياضيات فاتمني انكن تعطوني رايكم هل احول وهل الاداره العامه سهله علما باني معتذره سنه كامله وانا نتخرجه من السنه التحضيريه

[مساعد العلي]

وعليكم السلام ورحمة الله وبركاته

اختي الماسه بقولك وجهتي نظري انا الخاصه واعتبرها راي .. اذا كنتي موظفه في ادارة حكومية فإن اتجاهك الاول افضل من التخصص الجديد لانهم ينظرون الى التخصص في حال المساوه في كافة النقاط فيكون الاداري افضل من الاجتماعي .. مع العلم ان جميع العلوم الادارية تعتمد على الفهم اكثر من الحفظ والعكس في العلوم الاجتماعية والانسانية فاانتي ممن يفهمون او يحفظون ؟؟
وبالتوفيق لكي

[الله كريم الله]

الي اعرفه ان علم الاجتماع اسهل شي
وراي استخيري ربك

[عـــاقد العـزم]

اخت الماسه نصيحة اخوك لاتحولين لان المواد الي ذكرتيها مو ذاك الصعوبه توكلي على الله واعقدي العزم لان مستقبل الاداره كفرص وظيفيه افضل بكثير من الاجتماع .تقبلي مروري ونصيحتي.

[المــــــــــــــاسه]

شكرا لك اخ مساعد اريد ان اسمع الاراء

[مساعد العلي]

العفووووو
والتوفيق حليفك بإذن الله تعالى
ولا تنسي الاستخاره مثل ماذكر الاخ

[المــــــــــــــاسه]

شكرا لكم الله يعطيكم العافيه

[عيوني حزينه]

اختي الماسة انا تخرجت من السنة التحضرية وكانت امنياتي اني التحق بكلية الاقتصاد والادارة ادارة عامة وخفت من صعوبة المنهج لكن الحمد لله الان ماشي كويس بس عقدتني المحاسبة مرتين رسبت فيها واغلب المواد نظريه وانصحك اذا كان بتشدين الحيل وتعقدين العزم على انك تواصلين واذا كنتي من النوع اللي ما يحب يذاكر فحولي على كلية الاداب مع انها صعبه كمان اعرف ناس رسبو في مواد فيها وانتي لك حرية الاختيار بعدين احب اقول لك التخصص الاداري ينفعك اذا ما انتي موظفه للتقديم على الخدمة المدنية والله يوفقك

[صدى الصوت]

المـــاسه
المواد الحسابيه اللـي انتي ذكرتيها مو بذيك الصعوبه اللــي انتي متخيلتها
ومــافي شي أسمــه تخصص سهل ونظري والتخصص الثاني صعب وفيه شغل حسابات
بالعكــس كل التخصصات فيها السهل وفيها الصعب
والذكــي اللــي يعرف كيف يسهل الماده الصعبه عليــه ويقدر يتجاوزها ويجيب فيها علامات مرتفعه بعد
لاتخليــن هالشي يأثر عليك ويخليك تضيعين وتحتارين بين التخصصات
شوفي شنــو ميولك انتي ورغبتك بأي تخصص ..

ومثل ماقلت لك كل تخصص فيه السهل وفيه الصعب
وفرص التوظيف بالاداره اوسع واشمــل بكثير مجالات بعد توفيق من الله سبحانه
والاهــــم من هذا كلــه لازم يكون عندك رغبه بالتخصص اللي انتي تدخلينه يعني لازم تحبين التخصص اللي انتي فيه
مايكون هدفك بس تدخلين تخصص والسلام
بكــذا راح تتعبيــن وبترجعيـن لنقطه البدايه تضطرين انك تغيرين التخصص لانك مارتحتي فيه او مواده ماهي نفس ماانتي تبين ولا يرضي طموحك.
بالتوفيق لك