اخر اعلان.... هام

[northstar]

السلام عليكم

كيفكم احبتي؟؟

حبيت اذكركم بموضوع حماية البيئه والحمله الي نبغى نسويها

راح باذن الله نبدا في نشاطنا بداية الترم الجاي
بحيث نكون متفرغين

ياليت اي عضو عنده اي اقتراح
او حاب يشارك ينورنا



وتقبلو تحياتي

[الراقي]

كيف اقدر اساعد في هالحمله ؟

[بدرالبدر]

ياليت لو توضحي اكثر .. ايش الامور اللي نسويها في الحملة ..

[northstar]

ياهلا فيك ياراقي
وياهلا فيك يابدر
مدري ليه لما اشوفك
احس نفسي في الصيف
يمكن لان الفتره الي عرفتكم فيه صيف


المهم

الفكره
تبدا اول بالتعريف
يعني منشورات مطويات
عن اضرار تلوث البيئه
وبعد كذا
نبدا مثلا بحملات داخل الجامعه
استزراع
محاضرات توعويه تحت اشراف بعض الدكاتره
وبعد كذا ممكن نطور نفسنا بس هاذا في البدايه

وبعد كذا نقدر نرسل الفكره للمدارس والطلاب
ونسوي حملات مثلا

للطلاب يعني يوم نشيلهم للبحر
يوم نوديهم للمراكز الكبيره ونسوي تعريف بانشطتنا وهلموا جرا


فهمتو بس انا ابغى افكار زياده!!

[علي العسيري]

فكره // تنظيف قاع البحر الاحمر من جهة كرنيش جده من الاسحار والشعوذه التي يئن بها وتقتل قلبه كمدا وحزنا على خبث وشيطانية بعض البشر ,, قاتلهم الله ,,

بس انا مالي دعوه بالسالفه اذا فيها سباحه لني اغرق في شبر مويه ,,,, كل شي ولا السباحه في عرض البحر


موفقه إن شاء الله ( يانورث )

[عباطة]

أنا ضد هذي الحملة يانووورث اذا انتي رئيسة الحملة الا اذا تحطيني نائب

وشغلة فيها فلوس وتبرعات وكدا عشان الواحد ياكل عيش

<<< حرامي محترم

[الراقي]

الفكره نبيلة جداً ...

يحتاج جدول عمل معين و غير مكلف وطويل ومريح لمن يرغب في المشاركة ..أكيد أغلب الأخوان هالفترة في فترة اختبارات بس نحتاج بلورة للفكرة على شكل خطة عمل بسيطة ومبسطة وغير معقدة للأعضاء يعني كل من يحب أن يشارك يشارك بالمستطاع عليه بدون التزام اجباري ...( تطوعي )..

[الراقي]

أنا ما أقلل من فكرة الأخت ولا أمتدحها لدرجة عالية ولكن الفكرة نبيلة وشئ رائع أن يفكر فيها بعض الأخوان ...
علينا أن نستفيد من الأخطاء التي ارتكبت في حملة معاً لأجلهم ...