لو أغيب عن محاضرة او اتأخر او اشاغب (:

[احمد السيف]

السلام عليكم ورحمة الله وبركاته

صبحكم الله بالخير ,,
الله يعينكم على الاختبارات ادري مو فاضين
بس انا موظف بشركه , مره دوامي ليل ومره صبح ومره عصر
وودي ادرس تعليم عن بعد ان شاء الله
يعني يمكن اغيب عن محاضره او شي

وش يصير لو اغيب عن محاضره او اتأخر عنها

وهل الكونكت تنفع

اتمنى لكم التوفيق والنجاح

[برتني]

عجبتني اشاغب << عشانها دخلت على موضوعك

شوف ثلاث ارباع طلاب التعليم عن بعد موظفين وعااادي ..

الوقت اللي تكون مداوم وما قدرت تحظر المحاظره اون لاين ..

بس ترجع البيت او تفضى تفتحها وتسمع المحاظره .. والنظام يحسبك حظور اوتوماتيك

يعني لا تخاف من هالناحيه

الشي الثاني المشاغبه ماااااااافي امل ههههههه ... لان ما عندك وسيله غير التكست شات مع الاستاذ واصاحابك اللي بالسنترا

وزين اذا الاستاذ عطاكم اهتمام ورد على اسئلتكم يكفي هذا ههههههههههه ..

الشي الاخير .. انا جربت الكونكت بأول ترم .. من جد طفشتني

تقطع وبطيئه وتعلق لي المحاظرات ...وتطلع من الكلاس فجأه << معااااااااااانااااااه

بس الحمدلله جبت دي اس ال وريحت راسي ..

that's all ...

[احمد السيف]

يوم الله جابك وبعد ان اكتشفت انك تدرسين انقليزي < برائة اختراع

انا مخطط اني ادرس انقليزي تعليم عن بعد السنه هذي ان شاء الله
وش رايك وش تنصحيني به
اي خطه اقدم وش اللي انتبه له عند اول الدراسه < انتبه لو اني ما اعرف نقسي كان صدقت روحي اني انتبه

نسيت اسألك

لازم اسمع المحاضره كلها علشان يسجلني حضور النظام ؟

وهل المحاظره صوت وصوره اشوف خشت المدرس والا لا ؟؟ < يبي يمسكه بالسوق ان طفشه :)

والشي الاخير , البنات والعيال مع بعض ؟؟ والا كلن لحاله ؟ < وش عنده


والف شكر لك واتمنى لك التوفيق

[برتني]

هههههههههههههههههههههه

انصحك دامك حاب الانقلش وواثق من نفسك انك مو اول ما تشوفه فيه صعوبه تنسحب

اعقلها وتوكل .. الانقلش متوسط الصعوبه زيه زي ايييي قسم ... شويه حفظ تمشي

وللاسف انت ما تشوف خشه المدرس على قولتك ههه ... بس تشوف الصفحه قدامك وهو يشرح بالصوت

او على البورد << السبوره يعني ههههه

لااااااااااااازم من الحظور ولا تاخذ حرمان .. زيك زي الانتظام عندك واجبات وحظور
وفي شي اسمه منتديات بعد ... الاستاذ يحط لك موضوع .. وانت ترد عليه بطريقتك
مثلا يقولك وش رايك بالدراسه بالخارج ؟ << هنا انت لازم تعطيه رايك وعليه درجات


واحس ان وراك نوايا ههههههههههه << البنات لحالهم والشباب لحالهم

[برتني]

نسيت اقولك ... الخطه انت ماتختارها ... تنزل لك تلقائيا بالتحظيري
تدرس خطه أ بالترم الاول و خطه ب بالترم الثاني

او العكس ... ماتفرق مافي بين الخطتين ايييي فرق ابدا .. لا تشغل مخك بالخطط

والشي المهم اللي تنتبه له .. انك تجيب اعلى معدل تقدر عليه بالتحظيري

لانك اذا تخصصت مهما جبت درجات تصير تطلع لك المعدل شي بسييييييط بعد الفاصله
ونفس الشي مع نزول المعدل ما يتأثر كثير بعد التحظيري ..

مثلا انا بالتحظيري .. اهملت الترم الاول وجبت 3.40
الترم الثاني جبت 4.25 .. صار معدلي العام .. 3.71 بس
الحين انا مستوى رابع ..
لا يزال معدلي 3. 60 نزول بسيييط مع اني اغلب المواد درجاتي فيها مومنيحه كثير

[احمد السيف]

المشاركة الأصلية كتبت بواسطة برتني مثلا انا بالتحظيري .. اهملت الترم الاول وجبت 3.40

حطمتيني
انا هالحين اقول بشد حيلي واجيب 3 , وانا حابس نفسي بعد قلتها علشان الطموح

لكن اذا دفعت الـ 4000 احفظ مقدمة الكتب < اذا بشرت ابوي بالنجاح يعطيني 10 ريالات
يصير اللي دفعت 3990

الله يعين

مافيه شي صعب


الله يجزاك الجنه

وييسر امرك ويشرح صدرك

مع السلامه

[برتني]

الله يوفقك ياااارب ... ويحقق اللي تتمناه ..

[laff]

اضيف حاجه
انه الدكتور ممكن يحضر الطلاب
احمد
مارديت غياب
احمد
حاضر
يسجلك حظور
بعض الي كنت ادرس معهم غيبهم الدكتور
بالتوفيق

[برتني]

حتى لو غيبهم الدكتور .. ماله شغل هو

بس هذولي ماعندهم خبره بالنظام ... تلاقيه اول ترم يدرس

انا اكدو لي التعليم عن بعد ام الحظور والغياب الكتروني ما للاساتذه اي شغل فيه

[احمد السيف]

طلعنا بشي جديد < كان مخطط يحط اخوه عند الجهاز ويطلع يتمشى :)

اثره لازم اقول هاه < وحطباه

طيب إذا غيبني , اقدر اشوفها بنفس اليوم والا يطلعون لي اخر السنه بكل الغياب مره وحده

أقل شي اشوفه بنفس اليوم واقوله احم احم كل شوي بالمحاضره :) < اخاف ينساني

طيب الدكاتره كلهم عرب والا فيهم اجانب ؟ والسنوات الثلاث الاخيره بعد هل فيه اجانب والا طول الدراسه عرب ؟

< قام يتابع bugs bunny بيتعلم حماس من هالحين < واتس اب داك :)

عاد مافلحنا بالعربي , والله لو ندور علوم ربعنا اخير , بس العبقريه وماتعمل < كش


الله يوفق الجميع

عطوني نصايحكم مثل اخوي laff
نبهني على الغياب الله يجزاه خير

ولاتهون برتني اللي طفشتها وقت الاختبارات