تغيب عن اختبار المحاسبه الحكوميه والتخطيط الاستراتيجي مع وجود العذر وين اوديه ساعدوني

[m....m]

السلام عليكم
انا من العصر فالمستشفى ماجيت غير الحين وكان عندي اختبار تخطيط مع العنود
واختبار محاسبه حكوميه عند الجوهره وقدر الله اني امرض وماحضرت الاختبارين وجبت عذر من طوارئ مستشفى جامعة الملك عبدالعزيز وين اوديه بالزبط ومتى بكرا ولا اي وقت وجزاكم الله خير وماتشوفون الشر ان شاء الله

[m....m]

سبحان الله
للرفع

[صقر الشمال]

المشاركة الأصلية كتبت بواسطة m....m السلام عليكم انا من العصر فالمستشفى ماجيت غير الحين وكان عندي اختبار تخطيط مع العنود واختبار محاسبه حكوميه عند الجوهره وقدر الله اني امرض وماحضرت الاختبارين وجبت عذر من طوارئ مستشفى جامعة الملك عبدالعزيز وين اوديه بالزبط ومتى بكرا ولا اي وقت وجزاكم الله خير وماتشوفون الشر ان شاء الله

وعليكم السلام ورحمه الله وبركاته

الحمدالله ع السلامه ماتشوفين باس طهور ان شاء الله

خيتوو مادام معك عذر تقرير من المستشفي عاادي اهم شي صحتك

من وجهه نظري اعطي التقرير الي دكتوره الماده وشرحي لها وضعك ون شاء الله الامور سهلاات-
بالتوفيق

[m....m]

الله يسلمك ووالشر مايجيك يارب
تسلم اخوي ماقصرت جزاك الله خير
الله يسعدكم بنات وين مكتب الاستاذه الجوهره وللعنود وعادي لو رحت الثلاثاء لانو مرا تعبانه ماتشوفو شر يارب

[عبـدالعزيز]

تأكدي وين تودينه قبل ماينزل عليك رسوب وكذا
انا ماعرف الطريقه بس اظن لو تروحين للجامعه كويس


ماتشوفين شر اجر وعافيه

[m....m]

الشر مايجيك يارب تسلم
ان شاء الله البنات يردون

[جود بنت الفهد]

أجر وعافيه ان شاء الله

مو شرط بكره توديه اذا تعبانه عندك فرصه لاتخافين باقي اسبوع ع اختبارات الجامعه

تروحين مبنى الاقتصاد والادارة اذا ماخاب ظني ,,تروحي لوحدة الانتساب الغرفه اللي فيها استاذه عيده وهي نفسه الغرفه اللي نعدل فيها الجدول عن طريق الورق .. ان شاء الله وصلتي


المهم ادخلي الغرفه اسالي اي وحده من ياخذ الاعذار الطبيه لطالبات الانتساب وراح تدليك ع واحد من المكاتب في نفس الغرفه وتعبين ورقه وتمشين وصلى الله وبارك .. بعدها بفترة ينزل اسماء الطالبات المقبولات اعذارهم وبعدها كمان الجدول

موفقه

[ابو عزوز505]

اولا الحمد لله على السلامه
ثانيا لا احد يتفلسف بشي مايعرفه
ثالثا العذر عن طريق عمادة القبول والتسجيل لابد من المراجعه اي وقت حتى لو طلعت النتايج
وشكرا

[m....m]

الله يسلمك
جميعآآ
بس والله حيرتوني وانا مالي حيل الف فيني دوخه مو طبيعيه

[m....m]

المشاركة الأصلية كتبت بواسطة جود بنت الفهد أجر وعافيه ان شاء الله مو شرط بكره توديه اذا تعبانه عندك فرصه لاتخافين باقي اسبوع ع اختبارات الجامعه تروحين مبنى الاقتصاد والادارة اذا ماخاب ظني ,,تروحي لوحدة الانتساب الغرفه اللي فيها استاذه عيده وهي نفسه الغرفه اللي نعدل فيها الجدول عن طريق الورق .. ان شاء الله وصلتي المهم ادخلي الغرفه اسالي اي وحده من ياخذ الاعذار الطبيه لطالبات الانتساب وراح تدليك ع واحد من المكاتب في نفس الغرفه وتعبين ورقه وتمشين وصلى الله وبارك .. بعدها بفترة ينزل اسماء الطالبات المقبولات اعذارهم وبعدها كمان الجدول موفقه

جد ياعسل مشكوره رحت على وصفك وقالتلي تنزل الاسماء برمضان والاختبار بشوال بأذن الله مرا مشكوره يالغلا ويارب ينقبل العذر
اشكر كل من رد وماتشوفو شر يارب وفالكم الفل مارك جميعآآآ