DN ... F .. whats comming next ?!

[Other.Vision]

السسلآم عليكم ورحمه الله وبركاته ..

آممم .. مو حآب أطول بسس أنآ إنسآن أخدت ف الفزكس f
والرياضيات غياباتي للأسف وصلت 23 وماقدمت الأعذار
>> مع اني مشتري عذر ب 100 بس خووفت أقدموا ..!

يعني dn ف الرياضيات ع حسب ما قال لي الدكتور
بس حضرت الإختبار النهآئي وكل شي
بس لحد الآن ماني عارف ايش حيسير بخصوص الـ f
والـdn كمان سمعت انو يقولو بس يأثر ف المعدل يعني مو حرمآن كلي .!!
أتمنى الي يعرف حاجه يفيدني .. وشكرآ جزيلآ مقدمآ
=)

[ǁ غــلأآإ ، رٍوٍحــي ǁ]

^^

كل الحكايه انك تعيد الماده اما صيفي او الترم القااادم
وتدرسها كامله وتختبر فيها من اول و جديد

[غروووومة]

طيب غلا آسفة داخلة العرض
بعدين إش يكون مصيري يعني أكيد حتكون الساعات المسجلة أكثر من المكتسبة
و حتأثر على المعدل صح..؟

أقصد إنه بعد ماتعدي كم سمستر مثلا ماراح يدوروا لها صرفة يعتبروها مادة حرة أو أي شيء

[ǁ غــلأآإ ، رٍوٍحــي ǁ]

يب الساعات المسجله راح تكون اعلي من المكتسبه
وياثر في المعدل ..

ومستحيل بعد كم سمستر يطلعوها ماده حره اصلا ماتجي !!
لانها ماده اساسيه ولازم تعديها باي شكل من الاشكال

وفي كشف الدرجات راح تنطبع لك الاف و الدي ان كمااان

[باور هورس]

غلطان انك ماقدمت العذر
انا سويتها مرتين قدمت اعذار - تقارير طبية - وانا كتبتها بيدي
وقدمتها لاختبار بديل وخفت انه ماتنقبل لانه قالو في لجنة للاعذار لكن في النهايه قبلوها واختبرت
وشوف الدكتور اذا في امل انك تقدم العذر ممكن يعدل الدرجة

[حده غيرقت]

مع إحترامي لك
تدفع 100 ريال في تقرير
ولا ما تقدمو كمان !!

لو قولتلي أجيب لك واحد بـ 70 ريال و من الجامعي كمان هع

<< بدأ يسووق هههههههههههه
امزح امزح ما عندي شي ^_*

[Other.Vision]

المشاركة الأصلية كتبت بواسطة ǁ غــلأآإ ، رٍوٍحــي ǁ ^^ كل الحكايه انك تعيد الماده اما صيفي او الترم القااادم وتدرسها كامله وتختبر فيها من اول و جديد

يب أكيييد إني حعيدها بس كيف حعرف انها صيفي ولا الترم الجاي ..
وكمان يعني راح يبقى تأثير للـf ف المعدل حتى لو عدتها ونجحت ان شا الله ؟؟
والـdn ايش حيسير عليه وكيف نظامو بالزبط ؟+_+
وهل في أمل إني اروح القسم اقدم أعذار ف الأسبوع دا ؟!

[Other.Vision]

المشاركة الأصلية كتبت بواسطة باور هورس غلطان انك ماقدمت العذر انا سويتها مرتين قدمت اعذار - تقارير طبية - وانا كتبتها بيدي وقدمتها لاختبار بديل وخفت انه ماتنقبل لانه قالو في لجنة للاعذار لكن في النهايه قبلوها واختبرت وشوف الدكتور اذا في امل انك تقدم العذر ممكن يعدل الدرجة

والله يآخي روحت للدكتور حق الماده حاولت معاه اشرحلو الوضع
اتوقعتو يتفهم وضعي بالذات اني اداوم من مكه كل يوم .!
يعني تخيل بس اجي الجامعه من مكه عشان احضر كلاسو 50 د وبسسس ..!
بسس للأسف ماقدر الشي دا ويباني اعيدها لوحدها ف الصيفي يقول بالعكس دحين حتقدر تركز اكتر بما انو عندك مادة وحده بسس
الله يعين بسس +_+

[Other.Vision]

المشاركة الأصلية كتبت بواسطة حده غيرقت مع إحترامي لك تدفع 100 ريال في تقرير ولا ما تقدمو كمان !! لو قولتلي أجيب لك واحد بـ 70 ريال و من الجامعي كمان هع << بدأ يسووق هههههههههههه امزح امزح ما عندي شي ^_*

الأخلاق ياخي اهم شي .. وحب الوطن xD

[ǁ غــلأآإ ، رٍوٍحــي ǁ]

لو تبغي تاخذها صيفي راح ينزل لكم الحذف والاضافه حتي لو كنت تحضيري
وتختار المواعيد اللي تبغاها

والاف راح ياثر في المعدل واذا عدتها وكانت درجتك عاليه راح يرتفع معدلك باذن الله
نظام الدي ان انك تحرم من دخول النهائي وان دخلته ماترصد درجتك
ولكن تقدر تروح هالفتره وتقدم اعتذارك ان شادالله يقبلوه
وتصير ماتعيد الماده دامك اختبرت الفاينل