دعواتكم لأخي

[مملكة الابتسامة]

اخواني واخواتي اتمني منكم الدعاء لأخي بان الله يشفيه شفاء عاجلآ يارب من الابتلاء العظيم الذي ابتلي بة وهي حبوب الكبتاجون والله اكتبلكم وانا ابكي انا بين نارين لقيتها في جيبة ومحتااااارة اقول لاخواني او اسكت امي مسكينة ماتتحمل واخواني كذالك لو اقولهم راح تجي مصايب في البيت لهم
حسبي الله علي من كان السبب
حسبي الله ونعم الوكيل
حسبي الله ونعم الوكيل اللهم عليكم بالمروجين اللهم اكفنا شرهم واصلح شباب المسلمين
دعواتكم دعوة المسلم لاخية المسلم في ظهر الغيب مستجابة

[الراقي 24]

نصيحة اختي تبلغي كبيركم اقصد بالعقل اللي يعرف يتصرف من اخوانك ولاتسكتي ويندمر زيادة لابد ان تتصرفي
اللهم في هذه الجمعة المباركة اب يشفيه ويقلع عنها ويشفي جميع المسلمين

[ملكة الإحساس]

السلام عليكم وأنا مع أخوي الراقي أشوف إنك ماتسكتين عشان المصيبه ماتعظم وبعدها تندمين لانك ماتكلمتي بدري شوفي اللي يتفاهم من أخوانك وبلغيه بهدوء والله يفرج همكم ويريح أخوك من هالبلاء ،،،

[زح’ـــمة ح’ـــڪي..!]

خذيهآآآآآ من جييييييبه وآرميهآآ وآسآل آلله في هذآ اليوم آلفضيل آن يهدي

آخووكي و جميع المدمنين

بس سؤآل ؟؟

وش درآك آنهآ مخدرآآت

[ماكنتوشه]

ياقلبي ربي يشافيه ويبعده عن هالامراض ويمكن بعد مو مخدرات او مو له ..
بس ياخيتي لو صحيح لازم تقولين لـ أكبر اخوانك واعقلهم او تبلغين احد يقدر ع اخوك ..

المهم انك ماتسكتين وانتبهي لاتروحين انتي تكلمينه خلي رجال اكبر منه يصير يكلمه ..
ربي يعافيه ويحفظكم من كل شر ..

[انجلينا]

انا لله
الله يهدي شباب المسلمين ..وحاولي تتصرفي واستخيري ربنا

[بنت المالكي]

يااختي تكتمك على الموضوع مارح يجي من وراها غير الكارثه الكبيره وهو الادمان وضياع اخوكي

فنصيحتي انو ماتسكتي لازم تقولي لاامك او ابوك وبضبط اعصاب لحتى الموضع ينحل بهدؤ

ولو تحبي اخوك

سوي كذا لحتى يتعالج بمستشفى اوعك تكتمي وتسكتي اوعك

[شوشو ..]

حبيبتي سكوتك أكبر غلط .. كذا إنتِ بنفسك تضيعين أخوك ومستقبله ، لآزم تعلمين أكبر أخوانك يتفاهم معه

وثإني شيء انتبهي انتبهي انه يدري انه انتِ اللي علمتي عليه وقولي لإخوك الكبير لآيجيب سيرتك عنده وكإنه هو الي كشفه

وثإلث شيء اسال من ربي العظيم ان يهدي أخوك وينور دربه ويفتح بصيرته الى الطريق السليم

[مملكة الابتسامة]

اخواني اخواتي شكرآ لكم وجزاكم الله خير
بالنسبة كيف عرفت لانها حبوب ابو قوسين معروفةوبحثت في النت وهي اكثر الحبوب انتشارآ في السعودية
الله يكفينا شرها ويصلح شباب المسلمين

[عيوني حزينه]

الله يهدي اخوك ويبعده عنها يارب بصراحه انصحك مثل ما قالوا الاخوان انك تبلغين اكبر اخوانك واعقلهم ولا تتركينه يتدمر والله الشيء هذا يعانون منه ناس كثير الان طلاب في المتوسطه والثانويه يستخدمون الدخان وهذا من قلة مراقبة الاب والام والاهمال والدلع الزائد والثقه الزائده واعتقادي ان اخوك اذا ادمن على هذي الحبوب من الصعب انه يتركها بسهوله الا بمتابعه بعدين مستخدمي هذي الانواع من الحبوب تلاقينه دايم اول ما تتهاوشين معاه مثل الصخره امامك ما يهتز ما يخاف من اي شيء ولا تستغربين منه اي شيء ممكن لا قدر الله يسوي شيء ما يحمد عقباه والحبوب هذي لها اضرار بالمخ فهي تدمر خلايا المخ وبعد فتره من الزمن يصير مستخدمها مهلوس مثل المجنون فانصحك ان تاخذيه باللين والرفق والنصائح وان شاء الله يارب انه يكون ما ادمن هذي الحبوب ويتركها