(أ )ولا (ب ) ايش رايكم ؟

[اميره بضحكتي]

السلام عليكم ورحمة الله وبركاته


إجازه سعيده للكل ان شاء الله


الف مبروووووووووك للناجحين


والله يعوض الراسبين خير وان شاء الله فالهم احسن الدرجات في الصيفي



احم احم <<< ما تعرف تسوي مقدمه


انا لمن كونت خطه أ سمعت العجب عن خطه ب انها اصعب خطه وفيها وفيها ...

لكن والله بعد مدرستها لقيتها احلى من خطه أ بمليون مره


يمكن لكم وجة نظر مختلفه

او يمكن ع حسب كل واحد بدا بأيت خطه الي بدأ بــــــ (أ) يشوفها صعبه

او لي بدأ بــــ(ب) يشوفها صعبه


عشان كدا انا سويت الاستطلاع ابغى رايكم اي الخطتين اصعب



(وانا من دراستي للخطتين تعلم شي انو مافي شي في الحياه اسموا صعب

واهم حاجه انك لاتسمع للناس لانو الناس قدراتهم مختلفه وكل واحد غير عن الثاني )


موفقين ,,

[الحلم الضآئع !]

من ججد لمن كنت أ .. بنآت ب يقولوآ أستني و حيطلع من عيونك ..
إنتوآ متهنين و نحن صعب !!

بس خطة ب أحلللى بكتتتتير .. و أخف كمآن !!

(وانا من دراستي للخطتين تعلم شي انو مافي شي في الحياه اسموا صعب واهم حاجه انك لاتسمع للناس لانو الناس قدراتهم مختلفه وكل واحد غير عن الثاني )

أصلن مو بس هنآ .. إنتي دآيمن لآ تدي إدنك للنآس .. لأن حتسود آلدنيآ قدآمك :p


بآلتوفيق . .

[GnrlKhalid]

موضوع مكرر يا أختي العزيزة
http://skaau.com/vb/showthread.php?t=410739

[اميره بضحكتي]

^ ^ ^

طيب طيب اعصابك ولو كنت ادري انو مكرر ما كتبته


الشغله مو عبط


لو حاب تصوت صوت ما تبغى شكراا لمرورك


بالتوفيق ,,

[بسمهـ خجولـهـ]

كلامك صح على حسب كل واحد بأيش بدا بيشوف الثانيه اسهل لانو اتعود

انا حبيت (ب )علشان ماكان عندي الانقلش الثقيل الدم والخطه كانت خفيفه :)

مو مثل ( أ ) كان عندي انقلش ولما اجي للماث ولاالفيزياء وانا مصدعه

بالتوفيق ..

[GnrlKhalid]

المشاركة الأصلية كتبت بواسطة اميره بضحكتي ^ ^ ^ طيب طيب اعصابك ولو كنت ادري انو مكرر ما كتبته الشغله مو عبط لو حاب تصوت صوت ما تبغى شكراا لمرورك بالتوفيق ,,

إنت إلي معصبة مو أنا , أذكري الله و صلي ركعتين .....

[الصقر 02]

انا كانت أفضل خطة عندي ( ج ) لكن يوم درست ( د ) وجدتها أفضل << ( المعذرة بس الكيبورد عندي ملجلج )

بصراحه كلا الخطتين بالنسبة لي جميلة وهناك توازن بين الخطتين من حيث صعوبة المواد

والحمد لله خلصنا منها

وأهم شيء مثل ما قلتي لا تسمع كلام أحد فالعقليات والقدرات و التحصيلي تختلف من شخص لآخر

بالتوفيق أختي

[اميره بضحكتي]

^ ^ ^

انت الي كاتب بخط كبير مدري قد اي مقاسه

يعني كتبته وانت معصب انه مكرر

يعني كان يمدك تكتبه بخط صغير الحمد لله عندي عيون اقدر اشوف الخط الصغير

ع العموم جزالك الله خير ع التبيه

وا حاول مره تانيه اني اقراء بعدن انزل مواضيع

بالتوفيق ,,

[GnrlKhalid]

المشاركة الأصلية كتبت بواسطة اميره بضحكتي ^ ^ ^ انت الي كاتب بخط كبير مدري قد اي مقاسه يعني كتبته وانت معصب انه مكرر يعني كان يمدك تكتبه بخط صغير الحمد لله عندي عيون اقدر اشوف الخط الصغير ع العموم جزالك الله خير ع التبيه وا حاول مره تانيه اني اقراء بعدن انزل مواضيع بالتوفيق ,,

كتبته بخط كبير عشان كل إلي يمر على الموضوع هذا يرجع للموضوع الأساسي , بس لا أكثر و لا أقل .

[اميره بضحكتي]

المشاركة الأصلية كتبت بواسطة الصقر 02 انا كانت أفضل خطة عندي ( ج ) لكن يوم درست ( د ) وجدتها أفضل << ( المعذرة بس الكيبورد عندي ملجلج ) بصراحه كلا الخطتين بالنسبة لي جميلة وهناك توازن بين الخطتين من حيث صعوبة المواد والحمد لله خلصنا منها وأهم شيء مثل ما قلتي لا تسمع كلام أحد فالعقليات والقدرات و التحصيلي تختلف من شخص لآخر بالتوفيق أختي

ع قولك الحمد لله اننا خلصنا


صح كان في توازن في توزيع المواد ع الخطتين


والله لو تعرف قد ايش كونت مرعوبه من خطه ب يمكن هدا الشي ساعدني اني اجتهد اكتر

و الحمدلله كانت النتيجه انو درجاتي احسن وافضل من خطه أ


توبه معد اعطي اذني للناس ابد ابد درس تعلمته وماراح انساه


مرورك اسعدني بالتوفيق ,,