اي واحد راجع درجته يعلمنا وش صار معه؟

[ابو ريم99]

الي راجع درجته بالجامعة يعلمنا وش صار معه؟؟؟؟
عشان نعرف الغلط منا ولا منهم

[المُعلم]

انا راجعت مادتين الترم الي راح في قسم الادارة العامة، وما حصل كالتالي:
1- رحت للقسم الخاص بالمواد "قسم الادارة العامة" وطلبت مراجعة الاوراق، اعطوني نموذج عبيته، وقالوا حط رقم جوالك..
2- اتصلوا علي وقالوا تمت المراجعة ولم يكون هناك خطأ او ما شابه، فعلى ذلك لم تتغير الدرجة، قلت ياجماعة ابغى اراجع ورقتي بنفسي، قالوا مايسير، احنا نراجعها وهالحين ردينا لك خبر بان النتيجة لم يحصل فيها خطأ ..

[ابو ريم99]

اذا ماشفتها بعينك لا تصدقهم

[هـــاني]

المشاركة الأصلية كتبت بواسطة المُعلم انا راجعت مادتين الترم الي راح في قسم الادارة العامة، وما حصل كالتالي: 1- رحت للقسم الخاص بالمواد "قسم الادارة العامة" وطلبت مراجعة الاوراق، اعطوني نموذج عبيته، وقالوا حط رقم جوالك.. 2- اتصلوا علي وقالوا تمت المراجعة ولم يكون هناك خطأ او ما شابه، فعلى ذلك لم تتغير الدرجة، قلت ياجماعة ابغى اراجع ورقتي بنفسي، قالوا مايسير، احنا نراجعها وهالحين ردينا لك خبر بان النتيجة لم يحصل فيها خطأ ..

أخوي المعلم تدفع فلوووس ولا بلاش

[الكسول]

لا بلاش بس هل المدة للمراجعة تطول وهل يلزم عليك معرفت القاعة الي اختبرت فيها هون المشكلة

[4abdulaziz]

مشكور ابو ريم
موضوع مهم جدا وبالذات في هذا الوقت وهذا الترم حيث لاحظنا الكثير من الاخطاء الفادحة في الترصيد ومن رصد له درجة غير متوقعة ولا يعلم الاجراء الصحيح ,,
آمل تثبيت الموضوع للفائدة
بالتوفيق للجميع

[تركي جدة]

يا شباب خذوا العلم مني

انا راجعت يوم الاحد أو الاثنين اللي فات على مادة اخبترت فيها ولقيت نفسي f اليوم الثاني الصباح رحت لهم
ولقيت الدكتور وترجيته ينجحني لاني متخرج وقال لي حقك تأخذه حاولت فيه ما رضي بس قال لي تبغى تراجع
ورقتك شوف الاوراق وطلع ورقتك وتأكد قلت وشـ خسران وخاصة اني حال مسئلة مو في نفس السؤال
ولما شفت ورقتي لقيت الجواب ما شافه وقلت للدكتور انصدم الدكتور لان الحل صح وقال خلاص اراجع ورقتك شوي
رجعت له بعد ساعة وقلت له يادكتور انا متخرج على الاقل طمني كم ماخذ قال بالحرف الواحد ممبروك نجحت في المادة
يعني يا شباب في بعض الدكاتره واغلبهم والله اعلم ما يصحح الاوراق يخلي الموظفين يصححونها بس هو يعطيهم نموذج
الاجوبه .

ونفس الشيء الترم اللي طاف حليت في مادة وانصدمت اني حملتها ولما رحت اراجع الورقه طلبوا مني اعبء نموذج
طلب إعادة نظر في تصحيح ورقتي وعبيتها وما جاني رد بعدين رحت الدكتور وعلى كلامه قال والله عدت ورقتك 3
مرات ونفس درجتك ما اظلمك وخذها الترم الجاني ( يعني هذا الترم ) قلت له ماخذها غصب عني لاني متخرج الترم الجاي
وإلى هالحين وانا اقولها اذا ظلمني فـ حسبي الله ونعم الوكيل واذا عطاني درجتي فأنا استاهلها
وشباب والله العظيم في الجامعة ما حملت الا مادة وحده حقت الترم اللي طاف وبس والحمدلله

[ابو ريم99]

بعد اسبوعين اجازتي والله لاسوي لهم زحمة في الجامعة
بس خلي اجازتي تبدأ
كل ترم يعطوني f وساكت اقول مشي بس
الحين والله الموضوع ماينسكت عليه
وراح افيدكم بعد اسبوعين وش صار معي

[الكسول]

زين يعني لازم اروح لجده من حبي لرطوبة بعد

[ابراهيم2008]

السلام عليكم ورحمة الله وبركاته ،،،

والله ياشباب مشكلة بالنسبة للموضوع خصوصا الي يقول لقاه ناسي سئوال انا كنت انجح في مواد اتوقع اجيب فيها درجة عالية والقى جايب على الحفة

بالنسبة لي حدث لي موقف مع المحاسبة 1 جبت فيها 60 وبعد سنة لقيتها معدلة الى 70 ولم اشتكي ولا ادري الي الوقت الحالي ليه غيروها بس ممكن احد اعترض في الوقت السابق وراجعوها كل الاسئلة مدري ويش السبب بس شي غريب