بحوث عمليات مهم جدا

[طالب ادارة اعمال]

- ياجماعة هذا الترم كنت متوقع التخرج وقدر الله علي وحملت مادة واحده وهي بحوث العمليات ودي أحد يساعدني هل أحد صور الاختبار يمكن يساعدنا والله أني ما أتذكر شي من الاختبار

-الحاجة الثانية ناوي ادخل الترم صيفي هذا وعندي بس بحوث عمليات في حالتي لا زم أسدد أو يمشونها لي

تكفون تكسبون فيني أجر وين أهل الخبرة والله يوفقكم

تحياتي للجميع بالتوفيق

[ليل الرياض]

اخوي انصحك بالاتصال الشخصي بالدكتور وتشرح له حالتك وتطلب منه ان يدفك بدرجة 60 عشان باقي المادة هذي وبس ومن الكلام الطيب والمدح وطال عمرك
ان شاء الله يتجاوب معاك اذا شاف انه بس المادة هذي باقي لك

اتمنى لك التوفيق والنجاح

[تركي جدة]

طالب انا مثلك متخرج هالترم ولقيت نفسي ماخذ في المادة f
رحت للدكتور محمد الادريسي اترجاه رفض وقال راجع ورقتك اذا تحب وتذكرت ان في سؤال ( حق الحل المبدئي والتوزيع المعدل ) حاله في يمين الصفحة والسؤال في اليسار قلت بشوف يمكن ما انتبه له وانت عارف كل سؤال عليه 25 والاسئلة اربعه في كل صفحة سؤال
وطلع الدكتور اصلاً ما صحح الاوراق وأزيدك من الشعر بيت وشو من الشعر بيت الا طين لقيت السؤال اللي حاله ما صححه وقلت يادكتور هالسؤال مو مصحح وتفاجئ وقال بعيد تصحيح ورقتك وتعال بعدين رجعت بعد ساعتين دخلت عليه قال عدلت الدرجة حقتك وانت ناجح وربي ما صدقت والحمد لله ابشرك تخرجت هالترم بس انتظر يتم تعديل الدرجة عطيتهم لحد اليوم اذا ما تعدلت يوم السبت بنشب لهم يعدلونها وازيدك الدكتور ما عطاني 60 لا 75 درجة

ترى الدكتور ما صحح الورقة موظفين اللي عنده هم اللي مصححينها روح للدكتور كلمه اذا رفض راجع ورقتك منت خسران شي

[أبويوسف وياسر]

عزيزي اذا كان عندك ماده وحده وانت على وشك تخرج لابد ان تبلغ المشرف على الانتساب بانك خريج حتى يتم اعفائك من الرسوم والاهم انك تكلمه بدري نصيحة

[مجتهد جداً]

اسأل الله العلي القدير أن يفرج همّك ويسهل لك كل عسر
لاتيأس ياخوي ابذل كل الجهود لعل الله يسهلها لك

[نايف1]

نصيحة لك كلم الادريسي وحاول معه بكل الوسائل واطلب اعادة التصحيح مرة اخرى
انت خريج وحتي لو سجلت في الصيفي بالمجان فاانت بالتاكيد راح تخسر من 3000 حقت الجامعة من سكن وغيرها .
عطنا خبر وش راح يصير معك

[حـسـن]

المشاركة الأصلية كتبت بواسطة تركي جدة طالب انا مثلك متخرج هالترم ولقيت نفسي ماخذ في المادة f رحت للدكتور محمد الادريسي اترجاه رفض وقال راجع ورقتك اذا تحب وتذكرت ان في سؤال ( حق الحل المبدئي والتوزيع المعدل ) حاله في يمين الصفحة والسؤال في اليسار قلت بشوف يمكن ما انتبه له وانت عارف كل سؤال عليه 25 والاسئلة اربعه في كل صفحة سؤال وطلع الدكتور اصلاً ما صحح الاوراق وأزيدك من الشعر بيت وشو من الشعر بيت الا طين لقيت السؤال اللي حاله ما صححه وقلت يادكتور هالسؤال مو مصحح وتفاجئ وقال بعيد تصحيح ورقتك وتعال بعدين رجعت بعد ساعتين دخلت عليه قال عدلت الدرجة حقتك وانت ناجح وربي ما صدقت والحمد لله ابشرك تخرجت هالترم بس انتظر يتم تعديل الدرجة عطيتهم لحد اليوم اذا ما تعدلت يوم السبت بنشب لهم يعدلونها وازيدك الدكتور ما عطاني 60 لا 75 درجة ترى الدكتور ما صحح الورقة موظفين اللي عنده هم اللي مصححينها روح للدكتور كلمه اذا رفض راجع ورقتك منت خسران شي

اخوي تركي , استاذ المادة هذا الترم هو الإدريسي والا الحركان!!؟ طبعا مادة بحوث العلميات pad351

انا متوقع تخرجي , لكن تعثَّرت في بحوث العمليات , و ماني متأكد من الحل الا كان راجعت الورقة , اذا في نصيحة تقدر تقدمها لي او طريقة علشان اتخرج بدون ما اخذ صيفي؟
شكراً لك اخوي

[أبو إبراهيم الرياض]

بخصوص وضعك أخوي طالب الأفضل أنك تروح المشرف على الأنتساب وتشرح له وضعك وقبل كل هذا تدخل على الحركان وتجيب معك الخطه الدراسيه ألي تبين المواد ألي أنهيتها وتأخذها من القبول والتسجيل وتبلغه أنك خلصت وما بقى لك الا الماده هذي وأن شاء الله ربي يسهلها لك ،،، وأنا أحد المتعثرين بالماده وبأحاول بأي طريقه أشوف وش العلم لأن تخرجي الصيفي أن شاء الله وما أبي هالماده تبعثر أوراقي بالتخرج ،،،

ما نقول غير الله المستعان ...

[محمد الهاجري]

انا كنت نموذج ب , الاختبار كالتالي :
السؤال الاول : وضع الدكتور جدول بدائل مشاريع لمصنع , وطرح اربع اسئلة علي الجدول او اربع فقرات كالتالي : أ- البديل الافضل بطريقة لابلاس . ب- البديل الافضل بطريقة التشاؤم . ج- البديل الافضل بطريقة هورتس د - البديل الافضل في حالة المخاطرة يعني شجرة القرارات .

السؤال الثاني : اعطانا جدول تكلفة النقل وطلب عليه فقرتين كالتالي :
أ- الحل المبدئي مع تكلفة النقل المبدئيه بالطريقه التي تختارها يعني " طريقة الركن الشمال الشرقي او طريقة اقل تكلفة . ب- تحسين الحل بطريقة التوزيع المعدل .

السؤال الثالث : وضع الدكتور جدول السمبلكس المبدئي ووضع بعده جدول السمبلكس مابعد المبدئي , وذكر ان الطالب عمل خمس اخطاء في عملية النقل من الجدول المبدئي للجدول الثاني والمطلوب منك تحدد موضع الاخطاء الخمسه في الجدول الثاني .

السؤال الرابع : كان حول شبكة بيرت , اعطانا الجدول للنشاط وطلب :
أ- رسم الشبكة . ب- طول المسار الحرج . ج- الوقت المتوقع

اتمنى اني ما نسيت شي ,, عموما الله يعينك يالغالي حاول تكلم الدكتور يمكن يدفك بما انك خريج ألحق عليه قبل يطلعون اجازتهم ... بالتوفيق

[حـسـن]

اخوي تركي , انتظر ردك الله يعطيك العافية