اعلان بخصوص اعادة تصحيح الاوراق

[b2000r]

اعلان للطلاب والطالبات

حرصاً من الكلية على مصلحة العمل الاكاديمي وبهدف تنظيم عملية مراجعة اوراق الاجابات لاختبارات الطلاب وطالبات الانتساب قررت الكلية مايلي:

- يحق للطالب\الطالبة مراجعة ورقة الاجابة خلال فترة تزيد عن شهر من تاريخ هذا الاعلان
الموافق 23/7/1432هـ وسوف لن يتم النظر في أي طلب بعد انقضاء الشهر.
- على الطلاب\الطالبات الراغبين في مراجعة ورقة الاجابة تعبئة نموذج (طلب اعادة تصحيح) وارساله في البريد الالكتروني : remarking.cob@gmail.com
- سيتم اخطار الطالب \ الطالبة رسمياً بنتيجة اعادة التصحيح.
- بعد المراجعة سيتم رصد الدرجة الفعلية التي حصل عليها الطالب \ الطالبة واذا تبين ان درجته اقل فسيتم رصدها.

للحصول على استمارة طلب اعادة التصحيح اضغط هـــنـــا



د.عبدالاله سيف الدين ساعاتي
عميد كلية الاعمال برابغ

الاعلان موجود بموقع كلية رابغ

[نواف الجامعي]

يعطيك العافية

[ابو خلــود]

كفوووووووووووووووو والله

يعني يمديني اطلاب بإعادة المادة اللي حملتها أو لا

أرجووووووو الافادة

[صهيب كردي]

يعطيك العافية ،وجاري تثبيت الموضوع للأهمية

[ابو خلــود]

مافيه أحد رد على استفساري !!!!!!!!!!!!!!

[سووووووواح]

- بعد المراجعة سيتم رصد الدرجة الفعلية التي حصل عليها الطالب \ الطالبة واذا تبين ان درجته اقل فسيتم رصدها.>>هذا الكلام لاينفع ولايسمن ولا يغني من جوع..لانه سبق وأن راسلنا اساتذة المادة وكان ردهم موحد لكثير من الطلاب لقد تم مراجعة ورقتك وهي الدرجة المستحقه الكلام هذا شبعنا منه..أنا اطالب بكل من يملك القدرة او حتى بالضغط على نفسه بالذهاب الى رابغ ومراجعة الورقه بنفسه شخصيا ..أما انهم يراجعون اوراقنا غيابيا ويحكمون علينا غيابيا هذا كلام غير مقبول ابدا .. لو كان فيه شمس كان من امس..وأنا متأكد انهم راح يردون اي شخص يراجع ورقته بنفسه وأذكركم بهالكلام بدعوى تعبيئة نموذج المراجعه اللي وفروه من اجل راحتنا ..هههههههههه.. شر البليه مايضحك
ياشباب انتبهوا للي يدور حواليكم روحو وشوفو درجاتكم بأنفسكم ولاتعتمدون على أي احد منهم كفايه اللي جانا من وراهم بعد نصدقهم؟؟؟؟!!! هذي خطة وسياسة واضحه من أجل أرغامنا على عدم الذهاب وأكتشاف الحقائق بأنفسنا ..وأكبر دليل على ذلك تهديدهم الواضح والصريح في اخر فقره (واذا تبين ان درجته اقل فسيتم رصدها ) ..سياسه..سياسه سياسه.
بس ما اقول الا على مين تلعبها على مين يابن الناس

[abo0ody]

شلون ارسل الملف وشلون اكتب بياناتي ملف مقفل

[سووووووواح]

انا ان شاء الله رايح رابغ رايح بس انتظر نزول باقي المواد رغم بعد المسافة بس ابروح وشوف درجاتي بنفسي ..اهع..قالو ايش قالو احنا بنراجعها ..وش دراني انهم راجعوها فعلا؟؟
وش دراني انهم يبون يتكتمون على فشلهم الذريع في التصحيح؟؟؟

شباب خذو العلم اللي يجمد على الشارب والله مانزلو استمارة اعادة التصحيح حبا فينا ولا يحزنون ..بس علشان يمنعون مراجعة الطلاب لاوراقهم شخصيا عشان ما تنكشف اغلاطهم وقصورهم في تصحيح الدرجات

هم اكتشفوا هالاغلاط بس ما يبون الناس تدري ..هم عارفين فشلهم في رصد الدرجات وعارفين الظلم اللي احنا عشناه بس مستحيل انهم يعترفون بذلك.. عموما اللهم اني بلغت اللهم فأشهد عشان مايجيني واحد مطفي النور ويقول والله الجامعه ماقصرت وفرت علينا عناء السفر والمشقه وخلونا نراجع اوراقنا واحنا في بيوتنا،،انتبهوا هذي ابره مخدرة من اجل تلميع صورتهم امامنا بطريقة ذكية وفي نفس الوقت يقفلون علينا ابواب المراجعه شخصيا

[ro0o7 al_ro0o7]

الله يعطيكم العافيه
بعد اليوم لا يوجد عذر لاحد
من يشوف نفسه مظلوم
وجد الحل
المراجعه للاختبار
رغم اني عارف كل واحد يبغى الثاني يروح
علشان يعرف وش صار معاه
والله يكتب اللي فيه خير

[يسور]

المشاركة الأصلية كتبت بواسطة b2000r اعلان للطلاب والطالبات حرصاً من الكلية على مصلحة العمل الاكاديمي وبهدف تنظيم عملية مراجعة اوراق الاجابات لاختبارات الطلاب وطالبات الانتساب قررت الكلية مايلي: - يحق للطالب\الطالبة مراجعة ورقة الاجابة خلال فترة تزيد عن شهر من تاريخ هذا الاعلان الموافق 23/7/1432هـ وسوف لن يتم النظر في أي طلب بعد انقضاء الشهر. - على الطلاب\الطالبات الراغبين في مراجعة ورقة الاجابة تعبئة نموذج (طلب اعادة تصحيح) وارساله في البريد الالكتروني : remarking.cob@gmail.com - سيتم اخطار الطالب \ الطالبة رسمياً بنتيجة اعادة التصحيح. - بعد المراجعة سيتم رصد الدرجة الفعلية التي حصل عليها الطالب \ الطالبة واذا تبين ان درجته اقل فسيتم رصدها. للحصول على استمارة طلب اعادة التصحيح اضغط هـــنـــا د.عبدالاله سيف الدين ساعاتي عميد كلية الاعمال برابغ الاعلان موجود بموقع كلية رابغ

تسلم يعطيك العافيه بس كيف نعبي النموذج عشان نرسله بالبريد الالكتروني