شباب جاني تعيين اكمل الجامعه ولا اتركها ؟؟

[khalid2112]

السلام عليكم ورحمة الله وبركاته ..
الحمدلله وبفضل الله جاني تعيين بعد فترة انتظار طويله على المرتبه الخامسه وانا بحيره كبيره اكمل الجامعه ولا اتركها مع العلم انني بالترم الخامس،ياليت تنصحوني جزاكم الله عني خير الجزاء ...

[وحشتني ايامك]

كمل انتساب اخوي اضمن لمستقبلك واقبل الوظيفه

[سعود الدعجاني]

الله يوفقك ويكتب لك الرزق الحلال يا خوي أنت بنظام الإنتساب يعني وش أنت خسران تكمل وبعدين الجامعه بترقيك للمرتبه السادسه وأنت مرتاح وقبل كل شيء يا أخي أن تكون جامعي أفضل مية مره شف أنا موظف من 9 سنوات والجامعه ما تفيديني نهائي بس حاب أكمل الجامعه و إن شاء الله أجيبها بس العلم نور << ماهو محمد نور ههههههه

أنصحك تكمل دراستك وتلزم على الكلام هذا يمكن يجيك ناس يقول مالك فيها مصلوح طنشهم ..

وسلامتك هذا إلي عندي ..

[Nephrology]

مبروك الوظيفة ،،، وحياة سعيدة موفقه إن شاء الله

إنتبه تترك الدراسة

ادرس مع وظيفتك الجديدة ،، الله يبارك لك فيها ،،،، وشهادة الجامعة ضمان للترقيات للمراتب الأعلى

[ابو الغريب]

الف مبروك اخوي .. واتمنى انك تكمل

[Tamim]

مبروك اخوي على الوظيفه ...

وانصحك كمل الجامعه وخذ شهاده تفيدك في المستقبل وفي الترقي الوظيفي ، لا تفرط في الشهاده الجامعيه ابدآ ...

[صقار]

اخي الفاضل
نصيحة لوجه الله لاتجعل فكرة ترك الجامعة تخطر علي بالك كلها كم ترم وتنتهي باذن الله ومن حقك تاخذ اجازه في فترة الاختبارات
كم تمنيت اني اكملت الجامعة من زمان ولكان الحال غير الحال لكن قدر الله وماشاء فعل
الحمدلله الان انا في المستوي السادس بعد انقطاع عن الدراسة لمدة 10 سنوات
اتمني لك التوفيق في حياتك المهنية والتعليميه

[fares10]

كمل والله معك انت بنص الطريق ماراح تمشي كثر اللي مشيت خلاص هانت

[ضيدان]

كمل الجامعة

وتقدر تحذف ترم .. ترمين الين ما تضبط امورك بالعمل اذا لزم الامر

وترجع تكمل الجامعة


اهم شئ ..................... لا تفكر تترك الدراسة

والله يوفقك ان شاء الله في حياتك العملية والعلمية

[farisrashed]

كمل الجامعه انساب منت خسران حاجه كلنا موظفين وندرس والامور 100%
لكن الوظيفه هي الاساس لضمان المستقبل وليست الجامعه

انا وانت والجميع يعرف اعداد كبيره من الجامعين يبحثون عن عمل ولكن بدون جدوى ( ما احبطك لكن الحقيقه )