واجب التغذيه مع د.مديحه :/

[غموض..~]

السلام عليكم ورحمه الله وبركاته..
دحين د. مديحه اعطتنا واجب نسوي عن مضافات الاغذيه ..
مني عارفه هيا تبغاه عرض بوربوينت ؟ ونشرح بعدين
ولا تبى نكتب بحث .. ولا كيف يعني ايش تبى
حيكون بس دا الواجب ولا حيجي غيرو بالطريق كمان !
ومتى نسلمو لها؟

وشكراً للي حيرد عليا

<يارب ماتقفل الصفحه ويروح الموضوع تاني مرة اكتبو

[بيو كيميائية ^_^]

وعليكم السلام

ماشاء الله مديحة أشوف متطورهـ وتعطي واجبات


إنا لما أخذتها ماعطتنا واجبات

[غموض..~]

ههههههه مدري عنها والله ..
اول شي قالت اختبارين دوري كل واحد من 15
و25 معمل
و40 نهائي وخلصنا رجعت قالت واجب من 3 درجات من الدوري الاول
دوري1 =الاختبار 12 درجه +الواجب 3 درجات
الله يعين ويساعد

[قلبي مملكه]

اساليها هيا اش تبغى
احنا طلبت منا مصطلحات التغذية في جدول على الورد
والشعبة الثانية طلبت منهم بوربوينت
وتعطي واجبات خفيفة ما تدقق فيها بس تاخذ اسمك انك حليتي الواجب

[لوفه]

يابت اسمعي لو سويتي الواجب ماتاخذو تقولك جيبيه اخر السمستر
انا اخذتها السمستر الي راح وماحاسبت عليه اعطيتها الواجب يوم الفاينل
ومشي حالك فيه هوه كم واجب بس انا سلمتها واحد ههههه
وبالعكس حسيتها ماحسبتو في الدرجااات اتوقع تعطي الدرجة للكل ^^
او انها تشووف اسمك وماتقرا الكلام

[غموض..~]

المشاركة الأصلية كتبت بواسطة قلبي مملكه اساليها هيا اش تبغى احنا طلبت منا مصطلحات التغذية في جدول على الورد والشعبة الثانية طلبت منهم بوربوينت وتعطي واجبات خفيفة ما تدقق فيها بس تاخذ اسمك انك حليتي الواجب

اها .. انا بس كنت اسأل لو انها تبغاه التسليم يكون بدري
يسلموو قلبي مملكه عالرد ..

المشاركة الأصلية كتبت بواسطة لوفه يابت اسمعي لو سويتي الواجب ماتاخذو تقولك جيبيه اخر السمستر انا اخذتها السمستر الي راح وماحاسبت عليه اعطيتها الواجب يوم الفاينل ومشي حالك فيه هوه كم واجب بس انا سلمتها واحد ههههه وبالعكس حسيتها ماحسبتو في الدرجااات اتوقع تعطي الدرجة للكل ^^ او انها تشووف اسمك وماتقرا الكلام

اما كدا !!
وانا اللي كنت احسب تبغاه المحاضرة اللي بعدها .. < ماعندها وقت..
يسلمو لوفه ياعسل عالرد

[calbooza]

دكتورة مديحه عادة تستلم الواجبات اخر الترم..
ولاتطالع في وجهها لاتتعبي نفسك كثير.....
:)

[غموض..~]

المشاركة الأصلية كتبت بواسطة calbooza دكتورة مديحه عادة تستلم الواجبات اخر الترم.. ولاتطالع في وجهها لاتتعبي نفسك كثير..... :)

بااااااين ..
اليوم اعطتنا واجب تاني قالت ابغى اخر كلام نزل في 2011 اكتبو كذا كذا وونزلوه
< ماحيكون نفس بعض ابدا
بعدين جت تسلمها بنت .. قالت جمعيه مع بعض ونتفق على يوم تسلموه .. < نفس كلامكم..

يسلمو كلبوزا ..

وشكراً لكم جميعاً

[بيو كيميائية ^_^]

غموض ممكن أصير معاكـِ في تكليف المؤسسات ماأعرف أحد هناكـ فقلت أقول لك إذا ممكن

[غموض..~]

^
بيو

يب ممكن ياعسل .. انا وصحبتي كمان مو عارفين نسوي مع مين ..
كويس دحين صرنا 3 بقيلنا بنتين ..