غلط في رقم الحساب ... مافي حل لتعديل الطلب ...؟؟؟؟؟؟؟؟؟؟؟

[أنشودة المطر]

السلام عليكم ورحمة الله ....

بدخل في الموضوع دوغري ...

سجلت بياناتي .. وكل شي تمام .. ولما اروح البنك اجيب الخطاب .. اكتشف ان حسابي انلغي <<< تقلت عليهم مرا
المهم اني فتحت حساب تاني وعلى اساس اعدل الطلب .. ودحين لما جيت اعدل مااااااااافي شي اسمو تعديل في الصفحه حق الطلب ... اش اسوي .....؟؟؟؟؟؟؟؟؟؟؟؟؟؟
رقم حسابي ماتغير كتيييير اخر رقمين بس ... تقولو عادي اغيرها وصلى الله وبارك جات الحمدالله والشكر ماجات مالنا نصيب فيها ,,<<< بسرعه تستسلم

ارجووووووووووووووكم ابغا حل اش الدبره ...؟؟؟؟؟؟؟؟؟؟؟؟؟؟

[fares_955]

كلمي شؤون الطلاب علي رقم 026952000 وإن شاء الله يفيدونك اكثر الامور سهله إن شاء الله مجرد تعديل برقم الحساب

[smasm]

في نفس الصفحة حقت الطلب تحت مكتوب تعديل عدلي البيانات واطبعيها مرا تانية

[لحظه من العمر]

نفس الحاله وربي خلاص فقدت الامل

[خلاص تعبت]

حتى انا غلطت

[meshal2009]

السلام عليكم ورحمة الله وبركاته

يمكن ينفع هذا
مدير ادارة المكافات الطلابية / سعيد بن احمد ال حمدان
هاتف / 6952000 تحويلة / 61077
Fax / 6952049
بريد اكتروني [salhamdan@kau.edu.sa

[حلم عمري]

السلام عليكم

بما انو مافي تعديل للبيانات واليوم اظن او بكرا اخر موعد

فاللي غلطو في رقم الحساب يشطبو رقم الحساب الخطأ من الورقه اللي طبعوها مسبقا ويكتبو جنبو بالقلم الرقم الصح

الواحد يحاول وان شاء الله تنقبل بما انهم بيقارنوه بالرقم اللي في الخطاب اللي من البنك ولا ليش طالبين خطاب

وان شاء الله مايعقدوها

[فتاه نرجسيه]

انا نفس الحاله مو قادره اعدل بياناتي

لاني مسجله بحساب صحبتي ولما رحت الشؤؤن قالولي لازم بحساب احد الاقااارب اش الحل احس كلامهم مو صحيييح اش الحل ؟؟؟؟؟؟؟

مرررره احترررررررت

بلييييز احد يفيدني

[أنشودة المطر]

المشاركة الأصلية كتبت بواسطة حلم عمري السلام عليكم بما انو مافي تعديل للبيانات واليوم اظن او بكرا اخر موعد فاللي غلطو في رقم الحساب يشطبو رقم الحساب الخطأ من الورقه اللي طبعوها مسبقا ويكتبو جنبو بالقلم الرقم الصح الواحد يحاول وان شاء الله تنقبل بما انهم بيقارنوه بالرقم اللي في الخطاب اللي من البنك ولا ليش طالبين خطاب وان شاء الله مايعقدوها

ايوا انا كده راح اسوي اصلا ورقة البنك كده كمان مسوين شطبو اخر رقمين لان الاختلاف بس فيهم وقالتلي مديرة البنك دربك خضر ... بعدل الرقم انا وريح راسي ولو ليه نصيب فيهم راح اخدها ..
وشكرا لكل اللي رد والله مع كل اللي ورطان معايه