بطاقة تعريفية عن الـ leader و الـ coleader

[do0ody-do]

ي مرحبا و مسهلا ..

اسفرت و أنورت وأستهلت وأمطرت .. نورتنا ومن قوة نوركم قطعوا عننا الكهرباء ..

اليوم راح أشرحلكم بابسط الكلمات مين هما وكيف شغلهم و .. الخ " الليدر و الكوليدر"

الليدر+ الكوليدر عبارة عن " شخص طريف ظريف طويل البال ذو حضور و شخصية قوية عنده قدرة ع التعامل مع جميع انواع المخلوقات الحية و ترتيب الوقت "

الليدر بعبارة ابسط عريييييييييييييييييييييييف الكلاس .. هو الشخص الي راح تكون عنده ارقام الدكاترة الي راح يزبط الجدول معاهم الي راح يستشير الكلاس في مواعيد الاختبارات ممكن يكون فله و يشطح زياده زيي طبعا للبنات الكلام الجاي " و ينظم رحلات للشطر و يحدد موعد في الاسبوع تطلبو فيه من مطعم و ساعات اتهور و اجيب اللاب توب و افلام ونتفرج >> ما شوفتوا شي اوك ..

اشياء لازم يراعيها الشخص الي يبا يكون ليدر :
1- انتا ابدددددددددا منتا فوق كلاسك .. بالعكس انتا بتخدمهم .. فيعني لا تسوي ابو العز و ابضاي و انا الاسد و انتوا القطيع ..

2- عممممممممممممممر العرب " الكلاس" ما راح يتفقوا ع شي محدد خصوووووووصا جداول الاختبارات .. و دايما بناخد بصوت الاغلب و الاقرب للعقل و المنطق ..

3- انتا راح تكون ع اتصال دايم بالدكاترة فاختار الاوقات الصح في الاتصال او و انتا بتاخد رقم الدكتور اسال متا تحب اتصال عليك ؟ .. كدا باسلوب كيوت .. مو " دكتور من متا لمتا ادق ؟! >> فيييييين نحنا في زقاق الحارة ي ابو ..

4- اذا كان في قسم اولاد " التغذية و التمريض ما فيها و دا احححححححلى شي " .. راح تكونوا مضطريين كل ما سويتوا شي للاختبارات تدقوا ع الليدر تبعهم .. و ي ليل ما اطولك ع معاهدات الصلح ..

5- ارقام الدكاترة ابددددددا لا تتسرب و لا انتا ليدر مبزوط " يعني ليدر مهمل "

6- اذا احد حب يساعدك غير الكوليدر لا تطير فوق و ما تسمعله انتا اذنك لازم تنزل حتا لدبيب النمل .. عني انا احساس انثى و الكوليدر هما الي زبطوا جدول الدراسه لاخر اسبوع و انا كنت بس بدق ع الدكاترة .. و نتفق ع الموعد ..

7- اذا صار شي ممكن من قبل الكلاس زي مثلا نصهم ما حضروا محاضره اضافية في وقت البريك راح تاخد ع راسك كلمة زي " فين الباقي انتا ما بلغتهم طيب ناديهم و الخ .. بس عاااااااااااااااااااااااادي take it easy ya 3zezi .. انا قيد اتقفلت في وجهي سماعات و اكلت تهزيء عشان اتاخرنا ع محاضرة .. كنا نحسب انها في الكلاس ..

8- دايما كونوا حنينين و مو لو دكتور زعل و انتا معاك الحق تمدولي البوز شبرين .. عادي انتوا اعتذروا .. و زبطوا الوضع بابتسامه في الوش كل ما قابلتوه .. و بعض الدكاترة روسهم ناشفه يعني بالمختصر المفيد " لااااااا تتقاوح معاه او لا تستمر في تبيين انه هو الغلط " ..

9- الكلاس راح يكون كبير في بعض الاقسام .. فحرام الليدر يرسل رسايل ل45 شخص بان المحاضرة اتغيرت او الدوام يبدا الساعه و ساعات تكون طويلة الرسايل و الفاتورة كولها ع راسه .. الله لا يهينكم فاكرين التقسيم الشجري .. عليكم به .. فيصير عندكم .. ليدر .. كوليدر .. و مجموعة وقدرها 6 اشخاص سب كوليدر

10- ايوا ع المحاضرات لازم يكون عندكم .. قروب غير الليدر و الكوليدر مثلا اربع اشخاص دولا خاصيين لاخد المحاضرات الي برا الكلاس بدل الزحمه الي تصير في الكلاس الاخر .. و تنحط ع الدسك توب تبع كلاسكم ..

و قروب خاص للمكتبه عشان طباعة المحاضرات لان بعض الدكاترة راح يدوكم هي جاهز .. نحنا عملنا فكرة بداية السنة اخدنا من كل بنت 10 ريال .. و استعملناها للمكتبه فبعد ما خلصت جمعنا تاني و هكذا .. بس ما احد ياكل منها لانها امااانه و تكون خاصه للكلاس كامل ..

كمان كدا يكون في شخصين .. خاصيين بالايميل و رسايله .. و متفرغين له .. يعني في دكتور راح يقلكم راح ارسله في الايميل .. ف ع طول تدوه ايميل الشخص دا .. " لاااااااااااااازم كدا بعد ما تستقروا باسبوع يجيبوا ورقمه كل واحد يكتب فيها اسمه - ارقامه البيت الجوال الخ - و الايميل " .. و تنطبع بعدد الكلاس ..

11- لازم كل صباح كدا تشغلوا الكمبيوتر تنزلوا شاشه العرض تشغلوا الداتاشو .. طيب في عله في شي ما .. بسورعه كدا تكونوا لهلوبين " يعني خفيفين الحركه " .. و تفتشوا عن كلاس تاني و تسالوا الشوون او تبلغوا الدكاترة ان الكلاس اتغير .. و دايما انتبهوا من الفيروساااااات ..

12- ياااااااااااااااااااااااارب تكونوا قد المسؤلية .. ^^ .. و ع فكرة مرا بسيط شغل الليدر بس عشان الهرج كتير تحسوه كدا ملغوص و مدري كيف ..

عقبال ما نشوف الليدرات الجدد ي رب ..

تحياتي .. ..

[lovely one]

مستحيل اكون ليدر -.-
انا مرره نسايه ومهمله يدوب افتكر اعمل اشيائي ودي امانه لازم الي تتحملها تكون قد المسؤوليه مو اي كلام زي حالتي :)....شكرا عالموضوع

[Ms.Glamor]

مـآآآ شآآء الله وربي موضوع روعهـ

يعطيكي آلعـــآآفيه يآ عسووله مآقصررررتي

ومن جد شغلة الليدرر صرآحه آلي تمسكهآآ من جد مآ تقصرر

عملنآ حفله آحنآ لليدرنآآآ وجبنآ لهآ هدية من جد يعطيـــهآآ العآفيه

[do0ody-do]

هههههه جيتي عن الي انسى منك .. انا حدي انطلب شي اروح للمكان اوصل انا ايش ابا من هنا و ارجع ..


لكننننننننننننننن لااااااااااااااااااااازم معاكم دففففففففتر تكتبوا فيه .. عشان الناس الي بتنسى

[є7ѕαѕ σηtћά]

هلا والله ..
اش الحركات ذي
مواضيع وهيك لا لا خفي علينا شويه ^^

6- اذا احد حب يساعدك غير الكوليدر لا تطير فوق و ما تسمعله انتا اذنك لازم تنزل حتا لدبيب النمل .. عني انا احساس انثى و الكوليدر هما الي زبطوا جدول الدراسه لاخر اسبوع و انا كنت بس بدق ع الدكاترة .. و نتفق ع الموعد ..

تفتكري ذاك اليوم هههههههه

الكلاس راح يكون كبير في بعض الاقسام .. فحرام الليدر يرسل رسايل ل45 شخص بان المحاضرة اتغيرت او الدوام يبدا الساعه و ساعات تكون طويلة الرسايل و الفاتورة كولها ع راسه .. الله لا يهينكم فاكرين التقسيم الشجري .. عليكم به .. فيصير عندكم .. ليدر .. كوليدر .. و مجموعة وقدرها 6 اشخاص سب كوليدر

هذه احسن طريقه صراحة لليدر ومررره سهلت ع الليدر المهمه ^^<<<يعني عشان سبحان الله مو تنسى احد من كثر البنات ..

لازم كل صباح كدا تشغلوا الكمبيوتر تنزلوا شاشه العرض تشغلوا الداتاشو .. طيب في عله في شي ما .. بسورعه كدا تكونوا لهلوبين " يعني خفيفين الحركه " .. و تفتشوا عن كلاس تاني و تسالوا الشوون او تبلغوا الدكاترة ان الكلاس اتغير .. و دايما انتبهوا من الفيروساااااات ..

ياكثر البلاوي اللي صارت بسبب الجهاز :"(
برايفت دودي >>>تفتكري د/ اسماء لمن تحط اليو اس بي في الجهاز هههههههههههههه

يسلموو ياحلوه ع الموضوع واكييييد راح يستفيدوا منه كثير

[є7ѕαѕ σηtћά]

لكننننننننننننننن لااااااااااااااااااااازم معاكم دففففففففتر تكتبوا فيه .. عشان الناس الي بتنسى

الدفتر اهم شئ صرااااحه مرره يرتب افكارك وكل شئ وكمان لانها اماانه عشان ماتنسي شئ مهم قالتوا لكي الدكتوره

[do0ody-do]

ههههههههههههه دكتورة اسماء دي فظييييييييييييييييعه ..

هاه .. طب ازاي .. دا اليو اس بي بتاعي حصله حاجه .. ي لهوي طب اعمل ايه .. >> و الله مرا ي ناسو انا كنت استمتع بردة فعلها افتحها كااااي مكتوم داخل النفس

[Mo3ad]

آوهو ومآخفي كان اعظم ><"

بس بالنسبة لموضوع ارقام الدكاتره ترى الموضوع حبي آغلب الدفعه عندهم ارقام الدكاترهـ كلهمُ ^^"

وبالنسبة لموضوع الرسائل وانو تبلغ البنات وكذإ احنا مسوين حركه ..
ندفع كل ترم مبلغ والليدر مسجل في موقع بالانترنت .. يرسل عن طريقه رسائل .. يعني بالفلوس هذي يشحن رصيده بالموقع
ويعطي رسائل اكثر بكثير من انو لو كان بالجوال .. مره فكره حلوه صراحة

وكمآن في حكآية التصوير وما التصوير ... صراحه هجوله كل شويه ننط مكتبه وكذا
فاحنا برضو فيما بيننا جمعنا مبلغ .. والليدر مايقصر .. ع اساس المبلغ هذا خلاص يصورلنا ويوزعلنا الورق
ولايسير الواحد كل شويه يتلخبط وورق جديد ويضطر انو الواحد يضرب مشوار ويروح المكتبه ومعرف ايش

المهم كل واحد وسياسته ^^"

بس بصراحه مشآكل الجداول .. والله هم وغم ع الاقل انتو مريحين راسكم ماعندكم اولاد وكذإ ..

احنا نتفق ع جدول والبنات ع جدول وهاتك مشآكل ><"



تسلميُ ع الموضوعُ خيتوُ : )

[weddah]

موضوع فرييييد من نوعه مره حبيته يعطيك العافية دودي

بالنسبة لارقام الدكاترة زي ما قال معاذ عندنا عادي منتشرة بيننا يعني حسب الدكاترة نفسهم ورغبتهم

وبالنسبة للرسايل احنا سوينا قطة واشترينا لليدر جوال كشاف وشريحة ونقط قطة كل شهر نشحنلها
لانه حرام في البداية كانت في يومين تعدي حدها الائتماني

واذا الليدر طلعت مو مناسبة عادي تتغير الين تلاقوا ليدر كويسة

اهم شي التعااااااون بين الدفعة اذا مافي تعاون حتصير مشاكل وكل ناس يبغوا يمشوا كلامهم
بس لمن تصيروا يد وحده ((ضد الأولاد )) يصير اللي انتو تبغوه

موفقين يارب

[є7ѕαѕ σηtћά]

وكمآن في حكآية التصوير وما التصوير ... صراحه هجوله كل شويه ننط مكتبه وكذا فاحنا برضو فيما بيننا جمعنا مبلغ .. والليدر مايقصر .. ع اساس المبلغ هذا خلاص يصورلنا ويوزعلنا الورق ولايسير الواحد كل شويه يتلخبط وورق جديد ويضطر انو الواحد يضرب مشوار ويروح المكتبه ومعرف ايش

لا مانط المكتبه كل شويه في بنات مسوؤلين عن التصوير تكون الفلوس معاهم والورق يوصل للبنات في الكلاس ^^