محتار بين جامعة المؤسس الملك عبدالعزيز او أم القرى في الطب ؟!.

[Dr.Zidan]

السلام عليكم ورحمة الله وبركاته

اخواني واخواتي كما هو موضح بالعنوان

انا الان محتار لاني انقبلت في جامعة الملك عبدالعزيز سنة تحضيرية موعد المراجعة بكرا السبت الساعة 10
وام القرى مسار صحي والموعد بكره الساعة 8

ابغى مشورتكم ونصيحتكم لي من ناحية التدريس والمناهج والتجهيزات واللابات وغيرو
علما بأن رغبتي طب ..

[عبدالسلام الغامدي]

مو لأني طالب في عبد العزيز ولكن الحق يفرض ذاته

عزوز أفضل بمراحل في الطب

دمتم بود

[د. هدّولا]

شوف دآم أم القرى موعدك أول يوم وفي الصبآح
فأنت مقبول طب على طول ..
لكن عزووز فيها تحضيري ولازم تشد حيلك عشان تجيب نسبة تدخلك طب !


بس لو جيت للتدريس والأفضلية والقوة وووو
طبعا عزوووووز أفضل بمليوووون مرة من أم القرى ..
يكفي أنها حاصلة عالإعتماد الأكاديمي ..

[Beeshoob]

^

+10000

[Dr.Zidan]

المشاركة الأصلية كتبت بواسطة د. هدّولا شوف دآم أم القرى موعدك أول يوم وفي الصبآح فأنت مقبول طب على طول .. لكن عزووز فيها تحضيري ولازم تشد حيلك عشان تجيب نسبة تدخلك طب ! بس لو جيت للتدريس والأفضلية والقوة وووو طبعا عزوووووز أفضل بمليوووون مرة من أم القرى .. يكفي أنها حاصلة عالإعتماد الأكاديمي ..

طيب اختي بالنسبة للتحويل مثلا انا اجتزت السنة التحضيرية في ام القرى اقدر احول لعزوز وتعادلولي المواد ؟؟

وبالنسبة نظامكم هو نظام البلوكات ولا ؟؟

أسعفيني بردك

[Doux Rash]

مافي مقارنة ! عبدالعزيز في الطب أفضل بمراحل ..
يمكن تعتبر من أفضل الجامعات في المملكة في الطب ازا ماكانت الافضل ..
بس لو كنت عارف نفسك حتجتهد وتشد حيلك وماحتلعب فخش التحضيري لأنها مهي صعبة ابدن .
أما لو منتا متأكد من نفسك فلو انقبلت في ام القرى اتوكل على الله ..
بس ترا هنا الجامعة تستحق انك تضحي :]

[Dr.Passed]

الإستخاره

طبعا جامعتنا افضل بس انتا استخير و شوف فين قلبك يرتاح

[Dr.Badr]

زي ما قالت دكتور باسد استخير ، ااطب في ام القوى يا جماعة ممتاز وهتدي السنة حيسيو بلوكات ، صحيح انو مافي اعتماد اكاديمي ولكن الطب ممتاز جدا فيها ، بس بالتأكيد عزوز احسن من حيث الامكانيات والدكاترة ^^

[~RAN~]

المشاركة الأصلية كتبت بواسطة dr.zidan طيب اختي بالنسبة للتحويل مثلا انا اجتزت السنة التحضيرية في ام القرى اقدر احول لعزوز وتعادلولي المواد ؟؟ وبالنسبة نظامكم هو نظام البلوكات ولا ؟؟ أسعفيني بردك

لو حولت راح تضطر تعيد السنه التحضيريه

ونظام الطب عندنا بلوكات

ربي يوفقك استخير وراح ترتاح للي فيه خير لك ~

[THE HILL]

الافضليه والخيار لكـ

عبد العزيز " حاصله ع الاعتماد الاكاديمي " لكن بشرط اجتيازك للسنه التحضيريه بمعدل ونسبه عااااااليه عشان تدخل الطب




ام القرى ما اعرف عنها شي بس اللي اعرفه انهم يقبلو طب من غير سنه تحضيريه :)