شباب وبنات رائكم في الدورة ^^

[طالب طب في المستقبل]

بسم الله الرحمن الرحيم

السلام عليكم ورحمة الله وبركاته

بس حبيت اسألكم يا شباب وبنات عن رائكم في الدورة اليوم ؟؟؟

عن الايجابات والسلبيات اللي كانت فيها

وإن شاء الله يكونوا طلاب وطالبات دفعتنا وصلوا لكم المعلومه اللي تحتاجونها

وايش رايكم في محاضرة الاناتومي اليوم

بالتوفيق للجميع

[mo3tz_bam]

انا عن نفسي راحت عليا نومة xd
ما صحيت الا 10 ونص
جيت اخر محاضرتين بس
بالنسبة للجزئية اللي حضرتها ال اناتومي و الهيستولوجي مراا سهلة مافيها تعقد
اما اللي قبلها الله اعلم xd ان شاء الله تكون سهلة كمان

[mo3tz_bam]

احلا حاجا كانت محاضرة الاناتومي
ادانا هيا واحد مراا ماشاء الله
يعجز اللسان عن التعبير
شرح ولا اروع
<< يلا انبسط ياعمي =p

[ولد حلال]

بالنسبة ليا الدورة بجميع حالاتها ناجحة 100%

حتى لو كان مافي اي محاظرة او برنامج محدد ومجرد انو نهرج مع بعض لسبـبـيـن :

الاول : انه المطلوب نبذة عن الدراسة بشكل عام وعن كل مادة بذاتها وانتوا قدرتوا توصلوه

الثاني والاوهم : كلامنا معاكم وتفاعلكم معانا وردودكم على اسالتنا وحضورنا بقاعات الكلية يشيل الرهبة من الدراسة في الكلية ويهيء الواحد نفسيا
يعني لو داومنا من بداية الدراسة مفجوعين وندخل في الجد على طول والمذاكرة على طول وظغط المدرسين حنتلخبط ودرجاتنا حتكون واطية في البداية
واقرب مثال السنة التحضيرية في بدايتها كنت كاره الدراسة وابغا اسحب

وغير كذا اشعلتوا فينا الحماس بشكل كبير

الله يوفقكم في دراستكم ويعطيكم الف عافية على وقفتكم معانا



محاضرة الاناتومي كانت الترجمة بالحركات هههههههههه

[* رولا *]

بالنسبة لنا احنا البنات كان جدًّا ممتاز
شرحوا بسلاسة وبدون ارتباك
الله يعطيكم العافية وييسر الباقي

[Beeshoob]

والله مره ماااشاء الله كانت حلوه صراحه وحبيتها مررره

واهم شي انو شفت شيومه حبيبة قلبي وهديل كمان العسل

بس انا مره زعلت من نفسي وانقهرت صراحه عشان رحت شبه مواصله

وما اخدت الكافي حقي واشكال انواع التناحه بس من اللي لاحظتو مررره كانت ابداااع

حبيت الانتومي ادتنا هوا وحده مره عشل يناسو عليها وكمان علم الطفيليات ( ماحكتبو بالانقليش مع تناحتي دي ) وكانت مبدعه مبدعه بقوه كمان د عبير

وحتى المصطلحات كانت تجنن وحتى اخر شي رغم اني ما اذكر منو الا انو كان فايروسات وبكتريا على ما اعتقد حبيتو

والليدر كانت قمه في الاخلاق والذوق مره حبيتها ابى الليدر حقتنا زيها

بشكل عام كانت جدا رائعه بس بكرا راح اشرب الكافي حقي ان شاء الله ولا من جد راح اكره نفسي

___________________________

بالنسبه للاعضاء اللي طلبو مننا نكتب يوميات عنها عشان ما قدرو يجوا

انا افضل ابدا من بكرا عشان في ملزمه بناخدها منهم بكرا فيها نفس اللي في العرض وشرحهم كمان

احاول اشوف لي حل وارفعها لكم

دكتور عبد الرحمن يعطيك العافيه ع الموضوع نفسي احكي كمان بس نايمه تقريبا << تحب الرغي

ويسلمو اكتر شي

[!..RahoOofa..!]

كفوو ووفو البنات اللي فوق ,, ومن جد تفاعل البنات حلو وطريقة الشرح من غير ارتباك .. والحلو انو كانو يقولو على كل مادة مرا سهله مافي تحطيم .. :d ..

[haay]

ماشاء الله
كم تممنيت الحضور
بيشووو في انتظاارك

[ShiQ]

الدوره اليووم كااانت جيـــده p=

والموااد كانت جـيده الطلااب ماشالله علييهم جيديـن ما قصرو

بالتوفييق للجمييع

[Dr.Badr]

كانت ممتعة الدورة صحيح كان في شوية ارتباك ، بس ماشاء الله في الهيستولوجي كان الشرح قمة وحلو وخفيف ، الاناتومي حسيت اني اقدر استفيد اكتر من اللي استفدت منو اليوم ، والترمنولجي سكتيلز ودلع هههههه

يعطيكم العافية يا دكاترة ^^