ليه القمر يدعي جريح المحبه ,, ويقول له ياهيه مافات ( ما مات )

[ابو رابح]

ليه المسا عـوق الشقـاوي وطبّـه؟
وليه الهبوب تصحي القلب لا بـات؟




وليه القمر يدعـي جريـح المحبّـه؟
ويقول له يا هيه..ما فات ..ما مـات




جرحك ظهر لو قلـت للوجـه خبّـه
وللحزن في ضحكك رسوم وعلامات



وليه المطر بالذات ريحـه.. وصبّـه
كنّه رسول بيـن الاحبـاب بالـذات؟




اشتـاق فـيـه لشوفـتـك واتنـبّـه
للي نسيتـه مـن مواقـف ونظـرات




لا استانس الخافق ذكـر مـن يحبّـه
ورجع يراجع فالوناسـات مـا فـات




يا مرتـع القلـب الحزيـن ومربّـه
يزيين بك مثل الذهب صدر الابيـات




هيهات ينسى القلب شخـص ٍ لعبّـه
وهيات يدله خاطـري منـك هيهـات




سبك مديـح .. ومـدح غيـرك مسبّـه
تقول واذني صوتها تقول لـك هـات




ونبع الغـلا عنـدك وعنـدي مصبّـه
ومن الولا .. في خافقي لك ..ولاياات




وطيفك حطب عيني..وعينـي مشبّـه
والشوق برد ٍ ما انقطع لو للحظـات




ومكانك الصدر ولـك القلـب شبّـه
بين الضلوع اللـي فردهـا التنهـات




ولـك بيـرق ٍ فالقلـب حبـك يهبّـه
شامخ ولا هزه مـن العـذل غـارات




محبتـك فالوقـت ذا مــا تشـبّـه
الا بخيمـة بـدو بيـن العـمـارات




ان شفتني ضايق واهوجـس واسبّـه
اخاف غدر الوقت.. والوقـت دورات




لا تحسب ان دمعي نـزل دون سبّـه
ابكي من الفرقا وهـي مابعـد جـات




الـيـوم كــل امورنا..مستـتـبّـه
وبكره ماندري وش معه من مسـرّات




اربّ قلبـك مـثـل قلـبـي اربّــه
ما يخلفه كثـر العـذل.. والمسافـات

بن فطيس

[موت اهواك]

.. تسلم يالغااالي ..

.. حلوووهـ القصيدهـ مرررهـ ..

.. شكــلكـ معجـــبـ بــآأإشعـــآآرهـ ..

.. ربي يســعدكـ ..

.. دمتـ ..

[ابو رابح]

جدا معجب باشعاره الله يعطيك العافيه

شاكر تواجدك وحروفك

تحيتي

[m!Ss.7lawa]

حلو اختيااااركـ ..

تسسسسسسلم ..

تقبل مروري ..~

[ابو رابح]

شاكر لك مرورك وذوقك

الله يعطيك العافيه اسعدني تواجدك


ابو رابح