تخصصنا بعد عناء

[fahad al-zahrani]

بسم الله

السلام عليكم ورحمة الله وبركاته

كيفكم حبايبي . عساكم بخير وكيف الاجازة معاكم .لاوصيكم عاد بالدشره لاتخلون مكان حللوا الاجازة,>>>>>>ههه بينجلد


كان ودي اتخصص هندسه لاكن مانكتب لي فيها نصيب وقبلت حاسب ولله الحمد في عسفان ورابغ لكن لسني بحب جده وحطيت رابغ .

طبعا انا جيت خذت لي فره فيها وماشف دجه .هدووووووووء

الحين انا عندي كم سوال:

- يمديني احول هندسه ؟ متى ؟ وكم طالبين معدل ؟
-وش افضل تخصص في الحاسب كوظيفه في المستقبل براتب حلو؟وش يتكلم عنه التخصص؟
- وش اسهل تخصص؟
-انا سمعت ان اول ترم هم ينزلون لنا مواد اساسية ...كم ساعه ؟
-كيف سكن الجامعه وكم طالبين في الترم (السعر)وكمم عدد اللي يسكنوا معاك؟
-لو بغيت اخذ شقه من برا سكن الجامعه . كيف اسعار الشقق برابغ؟


اتمنى احصل رد .

وبالتوفيق لي ولكم .
ودمتم في حفظ الله

[fahad al-zahrani]

ماشاء الله 56 مشاهده ولا رد

بالحرام انكم تحطمون الواحد

[دووديي]

اهلا اخوي
مع احترامي لك والله انك اخطيت بوضع رابغ
لو اخترت بنقلاديش ولا رابغ
والله ياخوك انا الحين المستوى السابع في رابغ اول دفعه
وان حالنا ما يعلم به الا ربك
جميع الظروف القاسيه من اي جانب تأكد انها بتواجهك
لا من مدرسين ولا من عمادة ضد الطالب ولا من دكاتره شايفين حالهم ولا من ظروف اصلا بيئيه سيئه
لكن الله يحييك برابغ ولازم تشد حيلك
والله ياخوك المادة اللي ما تذاكرها بشكل يومي وتدخل عالنت وتبحث وتقرا تراك ماخذ ابو جلمبوا وانت تضحك
اهم شي اهم شي اهم شي تكون لغتك الانجليزيه ممتازة لانك بدونها رح تجلس بالكليه 10 سنوات
في رابغ انسى شي اسمه معدل ادعي ربك الليل والنهار انك تجيب 60
والله العظيم يا كم طالب وطالب فصل من الكليه
انا عني تخصصي تقنية معلومات الفصل السابع
التخصص حلو لكن لو تدرس ثقافه اسلاميه في رابغ والله تفحط فيها
المشكلة اللي واجهت اكثر الطلاب عندنا برابغ انه حرف واحد عربي مااااااااااافيييييه
لكن انت شد حيلك والله يسرلك
وبالنسبة للتخصص بدري الكلام عليها بتعرف كل واحد بعد ما تبدا