شكرا جامعة الملك عبد العزيز

[بنت مقهورة]

صباح / مساء الخير
اتمنى من كل انسان يشوف موضوعى يحكم على كلام من وجهة نظره وبضميرة قبل كل شى
انا طالبة اتخرجت من الثانوية عام 1429 -1430 بتقدير جيد جدا مرتفع 87,33 والقدرات 69 والتحصيلى 78 فرحت وقلت اقدم على جامعة الملك عبد العزيز بما انى من سكان جده قدمت وطبعا ما حالفنى الحظ قلت الحمد الله وبعدين فى ناس نسبهم اعلى كل شى ماشى تمام قدمت فى ام القرى وقبلونى بس دخلونى قسم انا ما ابغى دخلت جلست سنة شفت كل انواع التعب طبعا اداوم كل يوم من جده الى مكة وعلى حسب جدول اخوية مو على حسب جدولى يعنى عندى محاضرة الساعة 1الظهر اروح مع اخويا من 8 الصباح طيب اخويا اتخرج هذى السنة الحمد الله وابوية رافض انى اروح مع سواقين ما يطمن طيب الحل ؟ الحل انى يا احول من الجامعة يا اسحب ملفى واقدم فى جامعة جده طبعا لو حولت راح يرجعونى سنة تحظرية لما شفت وبرضو الهرجة مو مضمونة قدمت تقديم جديد وابوية كلم عماده القبول التسجيل وقاله الموظف اذا تبغاها تنقبل لا زم تجيب فى القدرات اعلى من كذا قلت اوكى واختبرت قدرات ثانى مرة والحمد الله جبت 80 وقاله الجال انو لازم يكون مضى على سحب الملف شهرين اقل شى قاله ابوية فى الموقع مكتوب 3 قاله لا شهرين عادى واستنيت لين ماجاء سهم قبولى والحمد الله سحبت الملف ورحت الموعد وبات اجرات القبول الا شوية تطب مديرة القبول وتقول لا ابدا ما تنقبلى طيب ليش لا نك دوبك ساحة ملفك لا زم يكون من اول طيب انا ما كنت واثقة انى بانقبل حتى الموظف الى كلم ابوية قاله نفس الكلام دا لا تسحب ملفها الا لما تظمن القبول وبس فى النهاية نفسى اعرف ايش الحكمة من 3 شهور ؟ وعلى فكرة الموظفة كانت ممشى اوراقى تمام وبس المديرة ما خلتها وقلتلها الموظفة امس دخلنا بنت زى كدا قطعت كلامها وضيعة الهرجه ما اقول الا حسبى الله ونعم الوكيل الله ياخذ حقى من كل الى ظلمنى ظيعونى الله يضيع انف

[نبض الابتسامة]

االرجال ما يفرق معاهم لو امسس ساحبة ملفك

اما الحريم يدققوا مرررررررررة

خلي ابووك يروح يسأل ويششوف (في قسم الرجال طبعا)

بالتوفيق

[بنت مقهورة]

مشكورة اختى نبض الابتسامة راح اليوم اخوية وقالوله يكتب خطاب وكتب وقالو يردو علينا اليوم ولا بكره وإن شاء الله خير

[bo3dk gnoon]

الله يعييينك ياقلبي من جد ضلمووك
وانتي ادعي ربك ولا تيأسي وربي يووفقك

[Hamsa }~]

الله يسهلك القبول ..

أنا شفت بعيني وحدة ساحبة من الانتساب عشان قبلوها انتظام وكله في نفس اليوم ..

والله ماقالولها شي ..

موفقة يـآرب..

[بنت مقهورة]

مشكورة اختى mey-1414 على الدعوة والله يوفق الجميع إن شاء الله

[بنت مقهورة]

شكرا اختى Hmsa اسعدنى مرورك بموضوعى وكل واحد وحظة والحمد الله على كل شى

[شقآوه بدلع]

الله يمرمطهم زي مايحبو يذلو الواحد
وجع بي اشكالهم
الله يعينك ياقلبي وان شاء الله تتيسر امورك

[الكاسـر]

يابنت الحلال الله يعييينك ,,

انتي امررك هييين

انـا كنت ادرس في الهندسة وسـارت ليا ظروف وسحبت وبعدين جيت ارجع الجامعة السنة اللي بعدهـا الا مانقبلت وجلست سنة لادراسة ولاشي بسببهم الله لايوفقهم ,, وبعدين السنة اللي بعدهـا قدمت تـاني في الجامعة وكلمت دكتور في العمـادة حقت القبول والتسجيل ,, قلى أبشـر وماتجي السنة الجاية الا انت مسجل في الجامعة وسنة تحضيري وكل شي ,,
فرحت للكلام دا ,, ولمـا بدأ القبول قدمت في الجامعة ومانقبلت والا اروح للدكتور دا حتى في رمضـان كان يصرفني ,
وبعدين اعطـاني في وجهي قلي ماقدر اسوي لك شي ,, بس المشكلة انه يقدر يسسوي أي حاجة ويقدر يقبلني ,,
ندمت وجلست ادعي عليـه لأنه مشيت ورا ناس كذابة ,,

[Njowa]

عسآ أن تكرهو شئ وهو خيرآ لكم

أستغفرو دآيمم و تحسبو =( =(

شئ يقهر وقسم الله يسهلها عليكم وعلينآ