تحوبو الحيواااناات ؟؟ ولا لأة ؟؟؟

[RHF]

السلامو عليكم

جا على بالي الموضوع دا دوبو ، وقولت اطرحو

اعتقد الموضوع دا مافيه اي نوع من الهجوم ، وما عليه تأمينات كمان !!

المهم ،

ايش رأيكم في تربية الحيوانات ؟

هل انتا / انتي ،، من المؤيدين لتربية الحيوانات ؟ او ضد الفكرة دي ؟

ازا كان عندك ، حيوان أليف ،، ايش هو ؟؟

بسة ، كلب ، عصفور ، ارنب ،اسد ، زئب هامستر ، سمك ، حوصان ، بقرة !!

ههههههه

كيف بتربيه ؟؟

ياخد التطعيمات حقتو ؟

بتكشف عليه من فترة لفترة ؟

كم عمرو ؟

اتعود عليكم ؟

هل ينام على سريرك ؟

هل تقرف منو ؟

هل تعاملوه انو حيوان عايش في البيت معاكم ؟ او انو فرد من افراد العائلة الكريمة ؟


كل شخص يدخل ، يقولنا رأيو ، ويعبرلنا عن مشاعرو تجاه الحيوانات الأليفة


( طبعن اقصد بالحيوانات الأليفة ، اللي عندكم في البيت ، المزرعة ) يعني ازا كان الاسد مربينو من هو نونو ، خلاص نعتبرو من الحيوانات الاليفة وممكن تتكلمو عنو



< رافعة الراية البيضا


رااااهااااف

[صَخَب الْأَبْجَدِيِّة]

عليكم السلام
الحيوانات الأليفة غير محببة لي بإستثناء الأبل
طبعاَ الأطفال يموتون بالحيوانات قطط عصافير أرانب ويخافون من الأبل والغنم ! وقد سبق أن عاشوا معنا بس حدهم أسبوع وبعدها أستقبلنا التعازي فيهم طبعاَ لاكشف ولاشيء بس أكل وشرب ونومتهم في قفصهم غير كذا لايُسمح ولدي تحفظ على الحيوانات خصوصاَ إذا كانت بداخل المنزل أما إذا كانت بخارجه فلا مُشكلـة .
وشكراَ لكِ

[pinkberry]

المشاركة الأصلية كتبت بواسطة rhf ايش رأيكم في تربية الحيوانات ؟ هل انتا / انتي ،، من المؤيدين لتربية الحيوانات ؟ او ضد الفكرة دي ؟ ازا كان عندك ، حيوان أليف ،، ايش هو ؟؟

عندنا بغبغان طول الوقت يتكلم ويقلد وعندنا اسماك كمان غير كدا لا

وانا من وجهه نظري انو الحيوانات كلها امراض وروايح وما اؤيد الفكره من الاساس وان شالله بيتي المستقبلي ما يدخل فيه ولا نص حيوان

[RHF]

هههههههههههههههههههه

الصراحة صعبة نربي جمل ، يعني بيتنا صغير مافي مكان
مرة من زززززمان بابا جاب غنمة عشان الحج ، وطلعت قعدت فوقها وكانت حتموت ههههه



بينك / انا مررررررة نفسي في بغبغان ، شوفت فيلم انميشن ، مدري اسمو ايش ، لاكن اتجننت ،
مرة اشكالهم حلوة


انا مرة احوب البسس ، دايمن اربي بسس ،

وطبعن جربنا نجيب حيوانات كتير ههههههههه اي حاجة سغيرة ممكن تكون معانا في البيت نجيبها
:d

[توونآ]

نفسي اربي فهد

[pinkberry]

المشاركة الأصلية كتبت بواسطة rhf بينك / انا مررررررة نفسي في بغبغان ، شوفت فيلم انميشن ، مدري اسمو ايش ، لاكن اتجننت ، مرة اشكالهم حلوة :d

هههههههههههههههه لالا حقنا شاكوش مو من الاشكال الحلوه ابدااً

[RHF]

تونا لا تتهوري هههههههههههههههههههههههااااي
تخيلي يوم يكون جوعان و ياكلك ؟ بعدين من فين نلاقي تونا عسلة تانية ؟



بينك / قبل يومين كنت في فيفا ، اتفرجت عالبغبغانات وربي يجنننووو
اشكالهم ااااخ يا سوبحان الله

[Super Linux]

المشاركة الأصلية كتبت بواسطة توونآ نفسي اربي فهد

ههههههههههههههههههههههه وش تبين فيه عشان يفزعلك وقت ماتتضاربي تراني مراقبك في موضوع بنات جامعة ام القرى ههههه

والله مالي في الحيوانات بصراحه مع العلم انه في بسس عند الباب نحط لهم حليب ومويه واكل عشانهم مساكين لكن اربيه واعيشو بيننا ماحصلش بصراحه


والله يسعدك ويحفظلك بستك

[رنيم سليمان]

وعليكِ السلام ورحمة الله وبركاته



بصراحه لا أتحمل الحيوانات أليفة أو غير أليفة خاصة الحَشرات ، خوافة :$

من الممكن أن أرى الحيوانات ولكن - من بعيد لبعيد -

أمًا الببغاء كان لدينا سابقًا ولكن .. مات للأسف = ( .



وأكثر ما يجعلني أستبعد فكرة تربيتهم

- عندما أتذكر أمانة كونه لدي وأن أتسبب في موتِه بتقصيري في طَعامه أو الحفاظ عليه

- لانعلم ما مدى سلامة هذا الحيوان من الأمراض واحتمالية النقل

- بالإضافة إلى أن والدتي حينما تمر قطه في حديقة منزلِنا تُشعرنا بأنُه أسد :d

فكيف تَسمح بوجود أي حيوان في مَنزلنا



فقط أنظر لهم بمنظور الرحمه :


أحيانا نرى قطط في حديقة المنزل فننزل أنا وشقيقتاي خلسِة لنُطعمهم تُونة وحليب

ونراقبهم من بَعيد حتى ينتهوا بصحة وعافية ()



شُكرًا لَكِ رهف ~

[TURKI ALharbi]

تونا وتربي فهد لا والله انه بياكلك :)
اتمنى اربي :قطو" "بسه"
بس لالافس ماحصل لنا الشرف
ولانى متاكد ان اولاد اخوانى بينتفوه تنتيف ويخلو كل حته منو في ناحيه
بس ببيتى مستقبلا حجيب بغبغاء وبسه