متى تطلع نتايج التطوير الاداري

[ريفان]

عملنا المقابلة على وظيفة معيدة في التطوير الاداري والي عندو جديد ياريت يقولنا أول بأول

[العبد الفقير]

أختي ريفان, كيف كانت المقابلة ؟

[جدة]

ايوا ياليت تقوليلنا كيف كانت مقابلتك
واش سألوكي؟
وموفقة باذن الله

[ريفان]

كانت جيدة والحمد الله بس كانت في وحدة تدقق لامرة على اللغة العربية الفصحى على أساس إنو دراستنا من الابتدائيى حتى الجامعة باللغة العربية الفصحى المهم كانت اسئلة المقابلة كالعادة عرفي بنفسك ,هواياتك’اهتماماتك,اخر كتاب قرأتيه,الأخبار الاقتصادية,تعهد للابتعاث,اش حتقدمي للجامعة, وماالى ذلك بس ادعولي اني اتوفق والي عندوا خبر يقول عشان انا في الاساس مبتعثة ومستنية النتايج عشان لو ماكان لي نصيب هنا اكما اجراءات البعثة

[حلمــــ يحتضــــر]

اللـــــه يوفقكــــ دنيــــا وآخــــــر ..

في امان الكريم

[العبد الفقير]

بالتوفيق

[ريفان]

سلام ياجماعة اليوم دقوا علي ادارة التطوير الاداري وطلبوا صور من الشهادة وكشف الدرجات مرة غريبة انا حاطها في الملف احد يعرف ليه وسئلتها على النتايج قالت لسه ما طلعت

[العبد الفقير]

لأنها ماتبغا تتدور على ملفك بين مئات الملفات اللي قدموا كلهم يعني ماتبغى تتعب تتدور على ملفك ( مش فاضية )
مادام طلبت شهاداتك معناه إن شاء الله خلاص قبلوك والله يوفقك لخدمة دينك ووطنك .

[ريفان]

الله يسمع منك بس للاسف طلبوا نفس الطلب من ال20 بنت المرشحات ليه ما ادري بس ربنا كريم ولوعندك جديد ياريت تفيدنا

[ع ـطر]

..

ريفان ممكن اسألك

تخصصك علم نفس وانتي مقدمه على التطوير الاداري
يعني التقديم ماله دخل في التخصص

وممكن توضحي لنا اكثر هذا المجال
وبالتوفيق ان شاء الله تكوني من المقبولات

..