ايش شعورك ازا اكتشفت انو تم استغفالك ؟؟

[RHF]

السلام

يا جماعة انا دايمن يجي السؤال دا على بالي ، وتقريبن كل ما قعدت مع احد واخدت و اعطيت معاه بالكلام ، الا ما يجي الوقت اللي اسألو دا السؤال ،،

( ايش شعورك ازا اكتشفت انو تم استغفالك ؟؟ )

اعتقد السؤال جدا واضح ، لو يوم حسيت انو في احد استغفلك ، لعب عليك ، خدعك ، اتمقلب عليك مقلب جامد يعني مو مزح ، <<<<<<< تعددت الالفاظ و المعنى واحد ،،

وانتا حضرتك بعد ما تم استغفالك ، ولازال يتم استغفالك ، او انو انتهت عمليت الاستغفال ، فجأة كدا ، اشتغل مخك ولاحظت الشي دا ،،

ايش ردة فعلك ؟؟

حتروح تصارح الشخص انك عرفت انو استغفلك !!!

ولا حتدقو بالكلام ؟؟

ولا حيجيك انهيار لانك حسيت نفسك ابببببببببله و خدعوك و انتا ولا داري عن الدنيا ؟؟

حتتضايق ؟؟ تبكي ؟؟ تنقهر على نفسك ؟؟

حتتعامل مع الموضوع بكل برود و تقول so what .. وتقول whatever !!

ولا حتخبط راسك بالجدار و تقول damn !!!!



( احب اعرف اجوبة الناس لدا السؤال )



اتمنى الجواب بالتفصيل عشان نفهم فكرة كل شخص بالزبط ،

[أرووش]

يا هلا برهوفه

ويا صباح الاستغفال

أول حاجه ايش اخبار بستك؟؟ وديتيها عند دكتور ولا حطيتي عالجرح عسل؟

نرجع للموضوع

بصراحه اكتر شي يقهر لما احد يستغفلك

انا ما اعرف كيف حتكون ردة فعلي وقتها

بس اتوقع انو هعصب مررررره لدرجة انو لو كان الانسان اللي استغفلني مره عزيز وقريب مني اروح اكلمو بجديه واقولو كلام قوي واقطع علاقتي فيه

بس ممكن اسامحو لو كانت اعذارو مقبولة وخارج عن ارادتو

او حسيت انو ندمان

وطبعا دا الكلام لو كان مرررره قريب من قلبي

بس لو كان انسان ما يهمني حقولو في وجهو وعلى بلاطه وبكل برود: انا عارفه انك بتستغفلني واني مو هبلا لدي الدرجه بس حبيت اقولك لا تفكر في يوم ارجع اتعامل معاك كإنسان أعرفو,, حدود كلامنا حيكون في السلام وبسسس

[pinkberry]

والله يا رهف جيتي على الوتر الحساس
شوفي
انا في الحياه عندي حاجتين ما اقدر اتحملها ومن ضمنها انو احد يستغفلني
حصلي موقف انو احد من اقرب الناس ليا استغفلني
مو هنا المشكله بس كانت !!! لانو مو بس استغفلني لكن كمان ضرني جدا جسديا ومعنويا ومستقبليا وكل حاجه في الحياه
فكانت رده فعلي بكل صراحه
اولا انصدمت
لما الواحد يكون تحت تأثير الصدمه ما يكون مستوعب حاجه زي ما تقولي انضربتي ولسه ما اتألمتي
بعدها بكيت مو أي بكا شي حق ابو عملي مشكله في عيوني
بعدها جاتني حاله نفسيه وحاولت الانتحار
بعدها فوقت
لما فوقت
تقدري تقولي
قلبي سار حجر ؟ قلبي سار اسود ؟ مافي قلب من الاساس !!
بس سرت زي الصنم ما احس
وقاطعت الانسان دا مقاطعه تامه الين يومك دا
ولا افكر ولا حافكر اني ممكن اسامح
مو لاني انسانه بطاله بس لانو الانسان دا هوا البطال ويبغى يضرني باي طريقه

وبس

عجبني الموضوع
على الجرح والله

تقبلي مروري وسوري على الاطاله

[RHF]

يا هلا برهوفه ويا صباح الاستغفال أول حاجه ايش اخبار بستك؟؟ وديتيها عند دكتور ولا حطيتي عالجرح عسل؟ نرجع للموضوع بصراحه اكتر شي يقهر لما احد يستغفلك انا ما اعرف كيف حتكون ردة فعلي وقتها بس اتوقع انو هعصب مررررره لدرجة انو لو كان الانسان اللي استغفلني مره عزيز وقريب مني اروح اكلمو بجديه واقولو كلام قوي واقطع علاقتي فيه بس ممكن اسامحو لو كانت اعذارو مقبولة وخارج عن ارادتو او حسيت انو ندمان وطبعا دا الكلام لو كان مرررره قريب من قلبي بس لو كان انسان ما يهمني حقولو في وجهو وعلى بلاطه وبكل برود: انا عارفه انك بتستغفلني واني مو هبلا لدي الدرجه بس حبيت اقولك لا تفكر في يوم ارجع اتعامل معاك كإنسان أعرفو,, حدود كلامنا حيكون في السلام وبسسس

اروش خانوم ،، اول شي بسبوستي النونو حقتي ، ما حطيتلها عسل لاني خوفت ، وكمان ما وديتها الدكتور لانو كأنو حكت نفسها و انجرحت يعني مو حاجة تخوف ، ولو حسيت المموضوع كبير حاوديها الدكتور ، لاكن اكتفيت بالبكا عليها حبيبتي حزنتني مرة


وردة فعلك منطقية ، وحلو انو لو شخص ما يهمك تقوليلو في وجهو ، !!
وبالنسبة ليا محا اسامحو ابدن وما اعتقد انو في عزر لانو يستغفلني ، وحتى لو ندم حاعتبر انو فات الفوت ،

يسسلمو عالرد حبيبتي ، وصباحك روقان x روقان :$

[RHF]

والله يا رهف جيتي على الوتر الحساس شوفي انا في الحياه عندي حاجتين ما اقدر اتحملها ومن ضمنها انو احد يستغفلني حصلي موقف انو احد من اقرب الناس ليا استغفلني مو هنا المشكله بس كانت !!! لانو مو بس استغفلني لكن كمان ضرني جدا جسديا ومعنويا ومستقبليا وكل حاجه في الحياه فكانت رده فعلي بكل صراحه اولا انصدمت لما الواحد يكون تحت تأثير الصدمه ما يكون مستوعب حاجه زي ما تقولي انضربتي ولسه ما اتألمتي بعدها بكيت مو أي بكا شي حق ابو عملي مشكله في عيوني بعدها جاتني حاله نفسيه وحاولت الانتحار بعدها فوقت لما فوقت تقدري تقولي قلبي سار حجر ؟ قلبي سار اسود ؟ مافي قلب من الاساس !! بس سرت زي الصنم ما احس وقاطعت الانسان دا مقاطعه تامه الين يومك دا ولا افكر ولا حافكر اني ممكن اسامح مو لاني انسانه بطاله بس لانو الانسان دا هوا البطال ويبغى يضرني باي طريقه وبس عجبني الموضوع على الجرح والله تقبلي مروري وسوري على الاطاله

مممممم بينك ردة فعل منطقية جداااااا

بينك اسألك بالله انا اعرفك ولا لأ ؟

لانك تتكلمي كأنك تتكلمي عن صاحبتي !!!

[nour al3mr]

وعليكم السلام ورحمة الله و بركــــآته

حيـآك الله

الاستغفــــــآل = فقدآن الثقــــــة

ومن دون ثقة يقطع الحبل الأسـآسي و الرئيس لأوآصـــر العلاقـآت الإنسـآنية

فَـ بكل بسـآطة سيكون الجوآب الله معــــــآك

من لم يعمـل حسـآب للشخص الذي أمـآمه ويقدر كيـآنه ويحترم مشـآعرهـ لا معنى لوجودهـ ولا بستحق الحزن حتى

يعطيك العـآفية ..~

[A7la remo]

المشاركة الأصلية كتبت بواسطة nour al3mr وعليكم السلام ورحمة الله و بركــــآته حيـآك الله الاستغفــــــآل = فقدآن الثقــــــة ومن دون ثقة يقطع الحبل الأسـآسي و الرئيس لأوآصـــر العلاقـآت الإنسـآنية فَـ بكل بسـآطة سيكون الجوآب الله معــــــآك من لم يعمـل حسـآب للشخص الذي أمـآمه ويقدر كيـآنه ويحترم مشـآعرهـ لا معنى لوجودهـ ولا بستحق الحزن حتى يعطيك العـآفية ..~

+1000
حبيت كلامك كثييييير
يعطيك العافية يالغلا ومن جد كلامك رووعة الله يحفظك ماشاء الله
اللي ما يعمل حساب معايا وما يفكر في مشاعري انا محا اهتم فيه وما احسب له حساب ابدا
مشكورة رهف حبيبتي
ومشكورة نور العمر ياقلبي الله يسعدك يالغالية

[الوردة الموفية]

لو كآآنـ الشخص أعرفو أكيــد بصرآآحو لأني ما احب أفهم احد غلط وممكن يكون عندو تبرير للي سوآآهـ ..
.. .. ..
ولو كآآنـت غريبه .. رآآح اطنشها ومآآعآآآد راح اتعاامل معآآآهـا ..
ولو حآآولت تتقرب بقولها بوجهها ..

يعطيك ِ ألف عآآفيه ع الموضوع خيتوو

[هايدي 2020]

موضوع راق لي .. وآنا أقراهـ ..دمعت عينآي ..لكني آعلم أن قلبي قد استغل طيبته بشكل ...

اختلفت ردات فعلي إلا انها اجمعت على شيء واحد البكآء والتضجر والأنين في كل الحالآت احساس مؤلم شيء مزعج

آقرب النآس لك يأذيك في مشآعركَ..

طعنوا قلبي .. وآصابوني بالمرض"وفي كل حالآتي لم آعاقبهم .. لآنهم آصبحوا بالنسبة لي رمآد من كأن بشري تجردت فيه صفة الإنسانية ...

رغم ذلك وقفت أرتب آوضآعي من جديد دون آن آضعهم من قآئمة علآقآتي .. .. فقط كل مأ أقوله لهم حسبي الله ونعم الوكيل ..

[مصره على قراري]

اسلوبي واحد مهما تعددت طرق الاستغفال
(اسوي أرشفه للموضوع(احطه بأرشيف عقلي) واتعلم منه ومستحيل يتكرر ابدا)
اما تعاملي مع الشخص الي استغفلني برضو واحد مهما اختلف الشخص
امسحه من حياتي تماما لان الاستغلال من اكثر الصفات الي اكرها
والي يستغفلني طبيعي يستغلني
بالمجمل انا ما تم استغفالي بحياتي كلها الا مره وحده ولن تتكرر ان شاء الله
شكرا على الموضوع الحلو^^
تقبلي مروري..