طالبه من جامعه الملك سعود وحولتلكم,أبغى مساعدتكم لو سمحتووو med 10 :)

[Dr.Danona]

السلام عليكم ورحمه الله وبركاته
لو سمحتو حابه أستفسر منكم عن كم حاجه لأني طالبه محوله من كليه الطب بجامعه الملك سعود لجامعه الملك عبد العزيز
1- لمن كنت اعبي نموذج التحويل لقيت قسمين مكتوب طب وجراحه وفي اختيار تاني مكتوب طب وجراحه (خطه جديده) فإيش الفرق؟ لأنو انا اخترت طب وجراحه فحسيت إنو اخترت شيء غلط علما بإني خلصت السنه التحضيريه وخلصت سنه أولى وطالعه سنه تاني طب(من تصفحي بالمنتدى حسيت إنكم med 10 إذا ما كنت غلطانه)...
2- هل دوام البنات بكليه منفصله ولا بمستشفى ؟
3- كيف طريقه اللبس عندكم وإيش لون السكراب المحدد لدفعتنا ؟
4- هل نظامكم بلوكات زي جامعه الملك سعود ولا مواد منفصله؟
5-متى تقريباً نتائج قبول المحولين تطلع ؟
ياريت تجاوبوني بأقرب وقت الله يجزاكم ألف خير
وشكرا مقدما

[محمد عماد]

وعليكم السلام ورحمة الله وبركاته

لمن كنت اعبي نموذج التحويل لقيت قسمين مكتوب طب وجراحه وفي اختيار تاني مكتوب طب وجراحه (خطه جديده) فإيش الفرق؟

ما اعرف ايش الفرق بينهم
لكن ..
طب وجراحة ( خطة جديدة ) : هذا النظام بدأ من اربع سنوات ويختلف عن النظام الي قبله الي كان بدون سنة تحضيرية في اشياء كثيرة اهمها انو التطبيق في المستشفى يبدأ من سنة رابع و السنة التحضيرية تعتبر سنة اولى طب و المواد الي حتدرسيها تختلف عن مواد السنة التحضيرية اختلاف كلي

2- هل دوام البنات بكليه منفصله ولا بمستشفى ؟

ثانية وثالثة دوامهم في كلية منفصلة .. من سنة رابع الى سادس في المستشفى

كيف طريقه اللبس عندكم وإيش لون السكراب المحدد لدفعتنا ؟

رويال بلو

- هل نظامكم بلوكات زي جامعه الملك سعود ولا مواد منفصله؟

الترم الثاني من سنة ثانية وسنة ثالثة نظام بلوكات ( يعني تدرسي سستم محدد وتنتهي منه وتنتقلي للي بعده )
اما الترم الأول من ثانية وثالثة موادها منفصلة

متى تقريباً نتائج قبول المحولين تطلع ؟

ما اعرف


by the way ... انا من دفعة med11 مو med10

[Dr.Danona]

شكراً دكتور محمد الله يجزاك ألف خير مرة افدتني
الله يوفقك يارب :)

[محمد عماد]

المشاركة الأصلية كتبت بواسطة dr.danona شكراً دكتور محمد الله يجزاك ألف خير مرة افدتني الله يوفقك يارب :)

العفو .. وياكِ يا دكتورة ^ــ^
واهلا بيك في جامعتنا

مثل ما قال د. ماجد .. راجعي ادارة الكلية عشان تعرفي متى تتطلع نتائج قبول المحولين واذا عندك اي استفسارات عن الكلية تقدري تسأليهم


موفقة

[Majed7]

وعليكم السلام ..

أنا حاولت أسوي العكس - بنقل من جامعة الملك عبدالعزيز للملك سعود كلية الطب - ..

قالوليـ هالشروط :-

1- تدرس سنتين بكلية الطب بجامعه الملك عبدالعزيز ..
2- يكون معدلك 4.25

وبعدها يتم التحويل - ويرجعوني سنة أولى طب - لأن الخطتين مختلفة ..

ومواد السنة التحضيرية في الملك سعود غير عن مواد السنة التحضيرية هنا .. المواد نفسها لكن مو نفس المحتوى - في الملك سعود ياخذو عملي في الاحياء والكيمياء والفيزياء وهنا لا - ..

المعادلة ما كانت راح تتم .. بس ممكن العكس تنفع :)


اتصليـ على عمادة القبول والتسجيل .. واتصلي على الشؤون التعليمية بكلية الطب عشان تستفسري عن موعد التحويل وطريقته .!

[Dr.Danona]

المشاركة الأصلية كتبت بواسطة majed7 وعليكم السلام .. أنا حاولت أسوي العكس - بنقل من جامعة الملك عبدالعزيز للملك سعود كلية الطب - .. قالوليـ هالشروط :- 1- تدرس سنتين بكلية الطب بجامعه الملك عبدالعزيز .. 2- يكون معدلك 4.25 وبعدها يتم التحويل - ويرجعوني سنة أولى طب - لأن الخطتين مختلفة .. ومواد السنة التحضيرية في الملك سعود غير عن مواد السنة التحضيرية هنا .. المواد نفسها لكن مو نفس المحتوى - في الملك سعود ياخذو عملي في الاحياء والكيمياء والفيزياء وهنا لا - .. المعادلة ما كانت راح تتم .. بس ممكن العكس تنفع :) اتصليـ على عمادة القبول والتسجيل .. واتصلي على الشؤون التعليمية بكلية الطب عشان تستفسري عن موعد التحويل وطريقته .!

يووو والله حوسه طلع التحويل من عبدالعزيز لسعود بس أكيد خيرة يا د.ماجد لكن لا انا الحمدلله ماقالولي كدا وكانت أبسط من ناحيه الشروط
كل اللي سويته إني عبيت نموذج تحويل الكتروني للتحويل الخارجي وأرفقت شهاده الثانويه ومعدلي الجامعي معتمد وموقع وبطاقه الأحوال وقفلت طلبات التحويل 29/8 وقالو تابعي نتيجه الطلب على نفس حسابك حتطلع النتيجه في بدايه شوال لأنو لجنه لفرز والقبول تعقد في آخر رمضان فالله يسهل يارب
شكراً لك د.ماجد ما قصرت :)

[FrfoSha]

اهلا دكتوره ..

اذا انتي في جده دحين تقدري تروحي الادارة عندنا الاستاذات مداومين هناك و تساليهم اللي تبغي :)

و اي استفسار احنا في الخدمة

Shima al-ahmadi / Med10

[Dr.Danona]

المشاركة الأصلية كتبت بواسطة FrfoSha اهلا دكتوره .. اذا انتي في جده دحين تقدري تروحي الادارة عندنا الاستاذات مداومين هناك و تساليهم اللي تبغي :) و اي استفسار احنا في الخدمة Shima al-ahmadi / Med10

هلابك د.شيماء كويس أنك med 10 (يعني خلصتو تحضيري وأولى) أجل لو انقبلت إن شاءالله حأكون بنفس دفعتك
إيوة أنا بجده دحين ورحت للكليه اللي هيا مبنى 11 للطالبات بس حست ما عرفت كيف ادخل ما لقيت ابواب فرحت للمبنى الرئيسي للكليه اللي كانت قدام كليه الطالبات بس ما لقيت احد هناك إلا سكرتير الدكتور عبدالمنعم الحياني وجاوبني على قد ما يقدر ما قصر بس قلي أكلم د.دعد
بس أبغى اعرف انتو كم سنه دراسه ؟ لأنو إحنا بجامعه الملك سعود 7 سنوات (سنه تحضيريه+5سنوات دراسه+سنه الإمتياز) ود.محمد قال إنو السنه التحضيريه تعتبر عندكم سنه أولى طب فحسيتكم تختلفو شويا أو إنكم أقل مننا بسنه في الدراسه
وكمان حابه أسأل إنتو إيش درستو السنه الماضيه ؟ لأنو انا دارسه 5 بلوكات في سنه أولى (1-فاونديشن 2-مسكلوسكيليتال 3-ريسبايراتوري 4-كارديو 5-رينال) وإيش حتاخدو السنه الجايه؟ لانو ما استوعبت كيف بالترم الأول تاخدو مواد منفصله والترم التاني بلوكات أحسها مو راكبه مع بعض !!!
وآسفه على الأسئله الكتيرة بس عشان أبغى أعرف راسي من رجولي وأشوف إيش اللي انتو درستوه وأنا ما درسته أحس إنكم مرة مختلفين عننا
وألف شكر لكِ د.شيماء :)

[فتى تثليث]

المشاركة الأصلية كتبت بواسطة dr.danona بس أبغى اعرف انتو كم سنه دراسه ؟ لأنو إحنا بجامعه الملك سعود 7 سنوات (سنه تحضيريه+5سنوات دراسه+سنه الإمتياز) ود.محمد قال إنو السنه التحضيريه تعتبر عندكم سنه أولى طب فحسيتكم تختلفو شويا أو إنكم أقل مننا بسنه في الدراسه نفس المدة..احنا اذا الطالب اتخرج من التحضيري واتسكن طب على طول يكون في سنة ثانية طب لان التحضيري عندنا تنحسب دراسته ضمن السنوات الي رح يدرسها بكلية الطب على عكس جامعتكم.. وكمان حابه أسأل إنتو إيش درستو السنه الماضيه ؟ لأنو انا دارسه 5 بلوكات في سنه أولى (1-فاونديشن 2-مسكلوسكيليتال 3-ريسبايراتوري 4-كارديو 5-رينال) وإيش حتاخدو السنه الجايه؟ لانو ما استوعبت كيف بالترم الأول تاخدو مواد منفصله والترم التاني بلوكات أحسها مو راكبه مع بعض !!! نظام كليتنا هوpbl المعروف..سنة ثانية اخذنا فيه مستويين المستوى الاول يسمى core course اخذنا فيه : foundation anatomy embryology histology biochemistry pathology اخذنها كمواد مستقله عن بعضها البعض. المستوى الثاني ويسمى modules فأخذنا فيه: musculoskeletal system cardiovascular system immune blood lymphatic system respiratory system urinary system basic emergency care

اتمنى اكون افدتك وشكراً

[Dr.Danona]

المشاركة الأصلية كتبت بواسطة فتى تثليث اتمنى اكون افدتك وشكراً

ألف شكر لك أخويا فتى الليث مرررة افدتني وصارت الأمور واضحه أكتر بالنسبه ليا دحين
الله يجزاك خير :)