استفساار مهم بخصوص الباصات

[بنوتة غنوجة]

بسم الله الرحمن الرحيم
السلام عليكم ورحمة الله وبركاته
مبارك عليكم الشهر <ادري جات متأخرة
انا الحمد لله انقبلت بالجامعة سنة تحضيرية علمي
بس المشكلة انا من مكة وعندي كم استفسار عن الباصات :
انا عارفة اني راح اتعب بس الله يعين
1/ هل لباصات الجامعة رسوم ؟ وكم ؟
2/ وتاخذني وترجعني من عند باب بيتي ولا توقف في اماكن معينة ؟
3/ وين اروح عشان اسجل بالباص ؟
انا عارفة طولت عليكم بس والله محتاجة الإجابة منكم وان شاء الله راح تفيدوني وتفيدوا إلي مثل حالتي
وإلي عندو اي معلومة لا يبخل عليا بها
( اللهم إنك عفو تحب العفو فعفو عنا )

[قلب ينبض لله ~]

الجامعه مالها باصات رسمية ..

شوفي باصات النقل العادية ..

والله ييسّر لك الطيب .. =)

[miss jodi]

باصات الجامعة تنقلك داخل الجامعة فقط ....

اذا انتي من مكة اشتركي في باص أبو سرهد خدمتهم حلوة ,,, لهم مواقف معينه ماياخذوك من البيت

[بنوتة غنوجة]

ايوا ناس كثيرين نصحوني بأبو سرهد بس إلي عندو معلمومة يقولي كم تكلف ؟ ووين مواقفهم الخاصة ؟ وكيف اشترك فيه ؟

[د. هدّولا]

زي ماقالو البنآت أبو سرهد مافي غيره هو ينقل بنات مكة

المهم عن الأسعار في باليوم والشهر والترم
الترم ب 2800
والشهر ب 800
واليوم ب 70 >روحة ورجعة

طبعا الباصات الكبيرة توقف في حي الحمرا بداية خط جدة
في الصبآح اذا تبغي باص ياخدك من بيتك في باصات صغيرة متوفرة كل حي له باص
اما اذا عندك أحد يجيبك لمحل الباص الكبير فأفضل ..
وفي الرجعة بوقف في الرصيفة في البرحة اللي قدام النوري
ونفس الشي اذا تبغي الباص يرجعك أو يجي أحد ياخدك ..


بالنسبة للإشتراك قبل الدراسة خميس جمعة او اذا تبغي في أول يوم ..

هذا رقم الشركة
0556551534

[بنوتة غنوجة]

مشكوووووورة د. هدولا ماقصرتي وشكرا لكل من رد عليا جزاكم الله خير وانا ناوية ادرس مثلك طب د. هدولا ادعيلي بس ^_^

[د. هدّولا]

العفو ولو ..
الله يوفقك ياقمر وإذا احتجتي أي مسآعدة لا تترددي إن شاء الله بفيدك..


مكة حقنا خخخخ