يااهل الانظمة طفشناكم سامحوونا بس نبغا نصايحكم :)

[الحائرة دائما]

السلام عليكم ورحمة الله وبركاتة

بفضل من الله انقبلت في هذا التخصص الحمد لله رب العالمين

واسفين ندري طفشتو من اسألتنا الكتيرة ماشاء الله بخصوص التخصص والمواد بس الواحد ضايع مو عارفة كثير عن الترتيب والجدول وهالامور

انا ابغى الجدول الترم دا يكون مو سهل مره عشان ماانضغط بعدين ولا ابغاه صعب مره وضغط عليا دحين ابغا شي متوسط ومايأثر تأثير سلبي على الاترام الجاية ان شاء الله

فأسألتي بعد اذنكم ..
1 كم عدد المواد المناسب في هذا الترم

2 ايش المواد اللي تنصحوني فيها هدا الترم

3 المواد الحرة اختارها من دحين ولا عادي لو اجلتها ومن فين اختارها

4 افضل الاساتذة للمواد اللي تنصحوني بيها

5 الحذف والاضافة مفتوح ولا لي عدد معين مرات ويقفل واقدر اغير بعد الاضافة او الحذف

اسفه ادري طولت الاسئلة بس انتو اهل خبرة ماشاء الله ونبغا نصايحكم ..
انا جدولي كنت بنزلو لكم بس الموقع دحين مو شغال بس اللي اتذكرو من المواد انو
لغه عربية2 ثقافه اسلامية2 قانون الموارد الطبيعية قانون تجاري مبادئ القانون الملكية الصناعية والتجارية
عدد الساعات 16 طيب ولا ؟؟

ومشكوورين مقدماً ^^

[بنوته نعومي]

خدي مبادئ قانون وقانون دستوري لانهم يشبهوا بعض عند دكتوره صباح انتبهي تاخدي عند وردة
ووعربي 2 وثقافه 2 خدي مصادر الالتزام عند دكتور محمد عثمان ماده سهله قانون تجاري انا لسى ما اخدتوا بس لو بتاخديه خدية عند سوزان اتمنى اكون افدتك الله يسهل عليكي

[سكووت]

اضيفي

1-قانون تجاري <استاذة سوزان او امل شلبي كلهم كويسات
2-احوال شخصية < استاذة فاطمة
3-لغة عربية 2 < اي احد ماتفرق لأن المادة تافهة
4-مبادئ قانون < صراحة ما اعرف مع مين نازلة السيمستر دا و هي تختلف ..
5-ثقافة اسلامية 2 < اي احد ماتفرق
و مصادر التزام
و كدا حيكون جدول متوزان لأول ترم تخصص

[الحائرة دائما]

ربي يسعدكم يا بنوتة نعومي ويا سكوت

افدتوني الصراحه وتقريبا عرفت خلاص ايش حختار الدستوري والتجاري ومبادئ القانون وثقافة ومادة تانية يمكن مصادر

طيب بعرف متى يقفل الحذف والاضافة حيطول ولا تمتلي الشعب بسرعه ؟؟؟

مشكووورين وانتظر اراء باقي الاعضاء ان شاء الله

[yasoor]

انا اللي اعرفه يقفل يوم الجمعه بس تقدري تضيفي من عند مشرفة القسم

[sosoana121]

الحذف و الاضافة الإلكتروني لمن يوم الجمعه
بعدها يبدأ الحذف و الاضافة الأكاديمي (من خلال الجامعه فقط) بدوام يوم السبت

[الحائرة دائما]

مشكوورين كلكم بس ترتيبي الاخير للجدول واحتمال اغير لاني مو مقتنعة كثير فيه ابغا رايكم فيه اعدلو ولا تمام

لغة عربي
مبادئ قانون
قانون تجاري
ثقافة اسلامية
اصول فقة

14 ساعه
كان فيه معاهم قانون الموارد الطبيعية بس حذفتو حسيت بدري عليه وانا ابغى اخليها 16 ساعه ايش رايكم وماني عارفة ايش المادة اللي اضيفها حاولت في احوال شخصية قالي لها متطلب وحاولت بالدستوري مافي شعب ماشاء الله ايش تنصحوني في مادة تانية ولا كفاية كدة

[انت لي]

احوال شخصيه مالها متطلب يمكن الاودس تعبان انا منزلتها

حلولي من الجامعه يوم السبت والله يوفقك

[الحائرة دائما]

ان شاء الله

مشكوورة خيتوو^