تم السداد ولله الحمد

[انقلبت حياتي]

صبحكم الله بالخير والرضا والسعاده
اخواني واخواتي اكيد تذكروني ازعجبتكم برمضان بالسداد وسبحان الله لمن راجعت الجامعه قالو متى ماسددتي لو بعد العيد
المهم اليوم ولله الحمد سددت
بس ما ادري جاني خوف شديد وحسيت بدوخه ههههههههههه لمن شفت سداد رسوم الدراسه صح
حبايبي مو عارفه وش الخطوه الجايه يعني مكتوب ارسال البطاقه الجامعيه واستلام البطاقه الجامعه
طيب بسئلكم الرقم الجامعي يقولوا اول شئ يرسلوه هل الرقم الجامعي هو اللي ندخل به على الاودس والسنترا وكذا
بعدين انا اوراقي الاصليه مو عارفه متى ح ارسلها لهم
يارب يسعدكم نوروني
لعل ربي يسخركم لي عشان تروح عني الضيقه والخوف
يعني الحين لمن يجي الرقم الجامعي
يكون خلاص ب اماكاني اشوف جدولي وكل شئ
وبالنسبه للمنتديات فمنتدى قريت انه ملزومين بالمشاركه فالمنتديات ويكون عليها درجات
والله تهت بس دامني بين هالوجيه الطيبه ان شاء الله ربي يكون معنا ونفرح بتخرجنا سوا يارب

[طيف }..]

صباح النور والسرووور

الحممممدلله أنك سددتي :)

حبايبي مو عارفه وش الخطوه الجايه يعني مكتوب ارسال البطاقه الجامعيه واستلام البطاقه الجامعه

بعد ماسددتي أول شي حتجيك رسالة إن شاء الله خلال هاليومين تقريبا مكتوب فيها أنه (تم قبولك بشكل نهائي وفيها رقمك الجامعي)

طيب بسئلكم الرقم الجامعي يقولوا اول شئ يرسلوه هل الرقم الجامعي هو اللي ندخل به على الاودس والسنترا وكذا

ايوا هو اللي ندخل من خلاله على الأودس والسنترا والإيميس

وبالنسبة للبطاقة الجامعية تنتظري لين يرسلولك رقم ارساليه جديد على جوالك
يمكن بعد تسديدك بــ5 أو 6 ايام يرسلوها لك
وبعدها تاخذي رقم الإرسالية وتسلميه لمكتب الـdhl
ويسلموك البطاقه..

بعدين انا اوراقي الاصليه مو عارفه متى ح ارسلها لهم

تقصدي شهادة الثانوي ولا..؟
لوقصدك شهادة الثانوي الأصل مانسلمها لهم الإ لما يطلبوها
وحسب الدفعات اللي قبل مايطلبوها الإ قبل الاختبارات النهائية او قبل التخرج

يعني الحين لمن يجي الرقم الجامعي يكون خلاص ب اماكاني اشوف جدولي وكل شئ

ايوا إن شاء الله بس ترا للحين مانزلت الجداول ولافتح الأودس ..حاليا يعملوا تحديث للأنظمه وان شاء الله خلال هاليومين يفتح..

وبالنسبه للمنتديات فمنتدى قريت انه ملزومين بالمشاركه فالمنتديات ويكون عليها درجات

صحيح تحتسب من درجات أعمال السنة
وهالمنتديات حتكون موجوده في الإيميس..حسب ماقرات أنه موضوع تطرحه الأستاذه مثلا وتتفاعلي وتناقشي معاهم والخ

موووفقة بإذن الله :)..ونوورتي الدفعه..

[النهر الجاري.]

صبح الله بالنور والسرور

الحمد لله انك سددتي وارتحتي من هم التسديد
ومثل ما تفضلت اختنا الفاضله طيف بان بعد يومين او ثلاثه بتجيك رساله على الجوال .. ( مبروك تم قبولك )
وبعدها بيومين او ثلاثه بتجيك رساله ثانيه ( مراجعه الدي اتش ال .. لاستلام البطاقه الجامعيه )


امممممممممم حتى انا مثلك تايه بخصوص كيفيه حضور المحاضرات والتفاعل ...
لكن الحمد لله فيه ناس بالمنتدى تحب الخير وتحب تساعد وهذا اللي مريحني كثير ..


موفقه ان شاء الله


النهر الجاري - ابو نايف

[جومانه الخالد]

خيتو وش فيك الله يهديك كإن شافطك كهرب

قولي لاحول ولا قوة الا بالله العلي العظيم

بعدين صلى ركعتين شكر لله انك انقبلتي

في ناس كثير ما نقبلت....

بعدين احنا في المنتدى هنا عشان نساعد بعض لان مالنا الا الله ثم تجارب الاعضاء

وبعدين الايام الاولى الواحد يكون متلخبط مو عارف وين الله حاطه..

انا وقت التسجيل حتى وقت التسديد وبعده وانا نفسي مسدوده عن الاكل ونزلت كيلوين ونص كــــــــــل الوقت عالكمبيوتر على غير فايده,,

ولين الحين حايسين

وراح تجلس هالحاله لين تبدا الدراسه ونعرف كل شي

عشان كذا اقول لك هدي....

والاخت طيف قالت لك كل شي مهم

تقبلي مروري

اختك أحــــ blueـــلا ^_*

[ŅάҘęḿ ĄlҘōǔd]

الحمدلله

والله فرحتييني

انتي ريححي نفسك

واستني رساايل الجوال

وان شاء الله ما يسيير الا الخير

ولا تستعجلي

لان اي شي جديد بتلاقيه في المنتدى

موفقه باذن الله =)

[انقلبت حياتي]

طيف حبيبتي ماقصرتي يالغلا كفيتي ووفيتي الله يوفقلك يارب ويعطيك ع قد نياتك
النهر الجاري مشكور اخوي وان شاء الله نبارك لبعض فهالمنتدى الرائع عالتخرج
blue scarf
هلا خيتو هههههههههه والله اني كني انصعقت بكهرب وصرت اسمع كل الاصوات عاللليه من المفاجأه ما احسب لو سددت ح يمشوها ليا
ناعم العود
تسلميلي اختي والله يوفق الجميع لما يحبه ويرضاه:)

[جومانه الخالد]

هههههههههههههه

ياحليلك

تذكريني يأمي مرررررره تشيل هم

ارسلت لك ع الخاص مسج

احنا البنات ع المسن :)

[انقلبت حياتي]

اوك حبيبتي بس ان شاء الله لمن تصل مشاركاتي 100 حيوصلك ايميلي
اسعدني حماسك ياقلبي
عاد رفيقتك ترى مره كسوله فالمنتديات ههههه
ظنك فيه احد اخذ جدوله والا باقي

[رهآمَ]

ع آلبركه ,
خيتو بلو , آضضفتك وآرسلت لك رسآله هوتميل ,
بآلآيميل

=)