ممكن تفيدوني ....الله يسعدكم يارب

[اماني جده]

السلام عليكم

كيفكم جميعا

كل سنه وانتو طيبين


أمممم ماني عارفه ايش اقول بس أنا من النوع الي مرا استحي لمن أوقف أتكلم قدام اي احد مو بس كدا حتى تجيني رهبه و أتلكك في الكلام وأنسى كل الي بقولو

أبا اسأل دحين يعني في الانجليزي لازم أوقف وأتكلم قدام البنات والاستاده

والله دي مشكلتي وماني عارفه ايش اعمل


وادعولي أنا رائحه اغير تخصصي يوم السبت للغه الانجليزيه ادعولي انو ربنا ييسر أموري

أنا صح لغتي مو داك الشي بس حبي للانجليزي هوا الي مديني دافع كبير دعواتكم

[nour al3mr]

وعليكم السلام ورحمة الله و بركاته

حياك الله و يسر امرك

مشكلة توآجه العديد .. لكسر حاجز الخجل مارسي اللغة بصوت عالي في غرفة لوحدك أو تحدثي بها مع أحد معك وتكلمي دون اكتراث للقاعدات جداً بحيث يتشتت تركيزك و يخلط بين قدرتك على النطق السريع و التفكير

تدربي يوميا امام المراة و تحدثي دون هيبة

استمعي للكثير من المقاطع الانجليزية من محادثات صوتية لقصص او اخبار بالاذاعات

ذلك كله سينمي لديك الثقة اولا و من ثم طلاقة اللغة

ستحتاجي في القسم تقديم الكثير من العروض امام الطالبات و الاستاذات لذلك تأهبي من الان ^^

= )

[انا رورو انا]

هههههههههههههههههههههههههههههه ذكرتيني بنفسي يااماني كنت اموووووووت لمن اسوي بريزنتيشن وانسى كل شي والدنيا تظلم قدامي بس مع الوقت وربي صرت ماعاد تفرق معايا والاستادات يكونوا عارفين ان كل البنات في السنه الاولى مستحيين و قلقانات عالاخر بس سوي زي ماقالتلك نور اتدربي في البيت وفغرفتك بصوت عالي واتخيلي ان قدامك بنات والاستاده تسمعك وحطي فراسك ان كل البنات زيييييييك متوترات عالاخر يعني منتي لوحدك واهم شي تجي الكلاس وانتي مزبطة امورك يعني مراجعه الكلام الي حتقوليه وفاهمته كويس وكدا ماحتخافي ولا حتقلقي وبالتوفيق

[اماني جده]

جزاكي الله الف خير يارب .. ويسعدك ويوفقك يا نور العمر طيب أممممم ازا ممكن. تدلوني او تدوني رابط ممكن اسمع منو وأكون لكي من الشاكرين


يا الله وانتي كمان يا رورو منجد مشكله ....هههههههه منجد والله الله يبشرك ب الخير

طيب أبا أسألكم أنتو لمن دخلتو انجليزي كانت خلفيتكم مرا كبيره ب كلمات كتيييره

يعني كنتو مرا مرا شطار أنا مشكلتي أنسى كتيييييير قاعدات وكلمات الله يعين بس

النسيان دا مشكله

ادعولي الله يفرج همكمم يارب

[انا رورو انا]

^
لا والله لاخلفيه كبيره ولا شي وحسيت نفسي كاني اول اسمع كلام انجليزي هههههههه مع اني من تمهيدي الين ماتخرجت وانا فمدارس اهليه بس الخوف وعمايلوا بس نصييييييحة مني لكي احفظي كل يوم 15 كلمة جديدة ومهمة وتستخدميها دايم لان كدا اي شي تسمعيه حتفهميه دغري كل يوم 15 كلمة ترا والله مو صعب ولازم تطوري نفسك لان بعد سنه ان شالله حتدرسي مواد ادبييييييييييه شعر روايات ونقد وحتكتبي مقالات وتنقصي على الاخطاء الاملائيه والنحويه لازم تقوي نفسك وتاخديلك فره على القواعد لان في مادة رايتنق ضروري تكون عندك خلفيه كويسه عن القواعد لو تفضي نفسك اليوم بس للقواعد لمدة ساعه ونص كويسسسسسس

[nour al3mr]

الخلفية كانت عامرة بالغبار بالذات أنه كان لي فترة عن المرحلة الدراسية فالمخ غبر

أول ترم تخصص اتفاجأت من نظـآم التخصص لانه ماكنت اسال فدخلت ع البركة و اشوف الابداعات و الهوايل ومن اول يوم لسه نقول ايش مطلوب مننا بالكتابة لقيت المس تقول طلعوا ورقة واكتبوا essay
و خلاص مجرد ماعرفنا طبيعة كل مادة و المطلوب علينا صرنا نكرف بتطوير اللغة لان الالكا يعتبر ولا شيء قدآم التخصص والله لعب أطفال لا أكثر التخصص متعمق بزيادة و يحتاج كلمات اكاديمية قوية

و القراءة أفتكر جاء بالاختبار عن جزيرة اندثرت و ظهور البحر المتوسط مصطلحات علمية واحنا فاتحين عيوننا من الصدمة .. وقطعة ثانية عن الاكتئاب و برضوهـ تحتاج خلفية طبية و علمية و نفسية [مصطلحات علم النفس]

اللي انقذني الحمد لله بعد فضله اني اتابع برامج الطب .. والله أفتكر في بنات كانوا يخرجوا يبكوا

فهذا قصدي لما اقولكم طوروا لغتكم دائمــــــآ لان التخصص مايعلم لغة هو يعلمك فنون و فروع اللغة

اما العروض لو اتدربتي وفهمتي من دون حفظ راح تبدعي = )

لاتخافي من اللي قلته فوق الحين غيروا لكم المناهج وصاروا افضل الحمد لله .. لكن انا كل مادخلت لمرحلة لقيتها نكبة والحمد لله فيران تجارب

و روابط لتطوير اللغة هنا كثير = )

...::!! الــمــكــتـبــة الـخـــــاصــــة !!::...


ربي يوفقك ..

[اماني جده]

رورو الله يسعدك يارب ان شاء الله بادن الله والله راح أحاول واشد حيلي كمان الله يفتحها في وجهك يارب

نور العمر هههههههه ماكزب عليكييي خفت شويه بس التخصص يبغالووو كرف والله لأكن كلو يهون لازم نشد حيلنا التحضيري كان لعب والله بس ما انكر الرياضيات والإحصاء منجد انكرفنا فيها

الله يسعدك يارب ريحتوني سرت متفائلة خير ان شاء الله يلا الله ييسرها يارب وجزاكم الله الف خير
كنت متخوفه كتير بس الحمدلله


مراااااااا شكرًا ويجزاكم الله الف خير يارب ويريحكم زي ماريحتوني

[nour al3mr]

ربي يطمن قلبك

عملت لك العلاج بالصدمة

بمعنى أحطك في واقع التخصص عشان لاتدخلي و يصير فيك زينا مثل الاطرش بالزفة

وأنتِ قدها ان شاء الله وراح تستمتعي بالدراسة بتوفيق الإلـه