احد يفهمني ( الرقم الجامعي ' الجدول..الخ)

[ندى محمد القحطاني]

الحين متى المفروض يبدأ الدوام الفعلي والمحاضرات ؟
وهل استلمتوا الجداول ؟؟ وهل لابد عشان استلم الجدول يكون معاي الرقم الجامعي؟؟
وكيف استلم الرقم الجامعي وماينفع استلمه بالهاتف بدون حضور ؟؟

[نبض إنسان]

للأسف أختي ندى أنني مستجد ولا أملك أي معلومة لمساعدتك

كل ما أعرفه أنني حصلت على الرقم الجامعي عند القبول والجدول الدراسي بعد الدخول لموقع الجامعة بالرقم الجامعي

والرقم السري

أتمنى أن يكون هناك من يساعدك

فقط لم ارغب في الخروج دون أن أحاول المساعدة

[Ms.AHLAM]

انا الى الان لم استلم الرقم الجامعي ولاحتى البطاقة الجامعية
وكل التحويلات مايردوا عليها!!!!

[ندى محمد القحطاني]

شكرا لك
اخ نبض ماقصرت والله يوفقك يارب

احلام الظاهر لابد من المشوار للجامعه لان حسب مافهمت ان فترة الحذف والاظافة بدأت

[بكالوريوس حاسب]

الله يعين من الاربعاء منتظرين الجدول والحذف والإضافة كذلك لم تفعل بس الايقونه طالعه لنا

جدول طلاب القصيم نزل ولاباقي ؟

[حـــكـَـآيَـة]

الرقم الجامعي عن نفسي اخذته من قبل مانعطل بشهر 8
وبالنسبه للجداول ماني لاقيه الحذف والاضافه الي بالقائمه
احد مثلي
ابي افهم وش السواااااااة ولا لازم نضرب مشوار

[بكالوريوس حاسب]

المشاركة الأصلية كتبت بواسطة حـــكـَـآيَـة الرقم الجامعي عن نفسي اخذته من قبل مانعطل بشهر 8 وبالنسبه للجداول ماني لاقيه الحذف والاضافه الي بالقائمه احد مثلي ابي افهم وش السواااااااة ولا لازم نضرب مشوار

اذا مستجده الجدول ينزل تلقائي

وبالنسبه للحذف والاضافة موجود بس مامنه فايدة اضغط عليه تطلع رساله النظام مغلق

[clouds]

ياخت ندى لابد من مراجعة الجامعة لاخذ البطاقة والحذف والاضافة أخر شي هالاسبوع
اما بخصوص المحاضرات تختلف متى تبدا من قسم لقسم عزيزتي ،، والله يسهل دربنا

[ليـــن]

لايوجد حذف واضافة لطلاب الماجستير الخاص

وبالنسبه للماده الاختيارية قبل أول محاضره نقوم بتحديد الرغبات الخاصه بها وتقوم ادارة القسم باضافتها لنا

يعني الجدول يكون جاهز للطلبه وماعليهم سوى الاستعداد

موفقين يارب

[اااحلااام]

انا اعطوني ورقه مكتوب فيها الرقم الجامعي وقالو مانقدر نطلعلك البطاقه الجامعيه وهاذي خليها معاكي عشان الدخول وتعالي اول اسبوع