بنات اداره سكن >> المواد العمليه بقسسمنا ايييش هي ..؟

[sugar lips 20]

سسؤآلي وااضح من العنوان

اييش هي المواد العمليه
وايشش اصصعب شيء بالنسسبه لللكم ..؟

انا اخذت السسكن وتأثيثه وحسيت الماده مره غثيثه
ماحبيتهاا ..

وابي اسسألكم عن نباتات وتنسيق الزهور ككيف
طلباتها بحدود كم ..؟
وكيف الماده متعبه ولا لا ..

ريحوني تككككفون

..
..
..
لآ اله الا انت سبحانك اني كنت من الظالمين

[sugar lips 20]

يا الله
بصصصراحه هذذذا القسسم بلمرره مافيه تعاااون
آصصلا منتدى الاقتصصاد بكبره مافيييه مشاركات زينه
احححسه اغلب الوقت فااضي من (الاعضاااء)

بناات ساااعدووو
ترررا لكم الاجر والله
يكفي الدعوات اللي بتجيكم من قلللب :)

[sugar lips 20]

سبحآآن الله العظييم

سبحآآن الله وبحمده،

:)

[نيكييتا]

سوري على التأخير بس والله رجعنا من الجامعة مهلوكين ^^"

طيب سكن و تأثيثه يا حلوة مادة زي العسل بس نصيحة حاولي تخلصي شغلك فيها وانتي في الكلاس انا عن نفسي استمتعت بهذي المادة مرررة خصوصا انو المهندسة الي كانت تعطينا المادة كانت عسل مررة
المادة تعلمك ترسمي بلانات لبيوت يعني ترسمي الغرف و كيف تأثثيها صح و شغلات من ذي >> وطبعا فيها اختبار عملي :)

تنسيق زهور المادة مرة مرة مرة حلوة بس الله يهديها الأستاذة ما كانت عارفة كيف تنظمنا . بالبداية ممكن تتخوفي من اسعار الورود لأنك تقريبا كل اسبوع رح تجيبي معاكي كمية بس لو اخذتيها من المحلات الي تقول لك عليها الأستاذة رح تكون الأسعار معقولة مرة و من ناحية هي متعبة ولا لا للصدق هي مو متعبة الا مهلكة لكن تستمتعي فيها عشان كذا نصيحة لما تاخذيها خذيها في شعبة كلها صحباتك عشان تفليها زينا >> :)

في مواد عملي كتير ثانية رح اكتبها لكي في رد ثاني :) بررب

[نيكييتا]

امممم عندنا مادة تكنولوجيا الوسائط المتعددة . الشي المخيف الوحيد في هذي المادة انو لازم يكون معك كاميرا احترافية يعني 3 الالاف وفوق .. في هذي المادة تتعلمي التصوير بإحتراف تغيير العدسات مونتاج للفيديو و شغلات من ذي .

مادة تطبيقات فنية في الغذاء . حضرتها مرة مع استاذة طلبت مني و من صحباتي نحضرها معها و المادة قممممة في الدقة تسوي فيها كيكات بالكريمة تبعها و الزينة و الخ بس مرررة كانت المادة دقيقة و الله يستر منها .

برضو في مادة الفيلا الي هي البيت التدريبي الي للآن ماني فاهمة ايش فكرة المادة اصلا :)

ادارة حفلات هذي المادة يعلموكي كيف تخططي و تسوي حفلة كاملة البنات الي سألتهم عنها وصفو لي شغلات يسووها يعني يعلموكي مو بس تديري الحفلة الا كمان كيف تكوني جزء منها يعني كيف الضيافة تقدميها كيف تشيلي الصحن ( البنات يقولو انو لازم ينشال على 3 اصابع بس ولو زاد اصبع ينقصو هههه ) و انو الشوربه الي تتقدم تكون مسخنة على درجة حرارة معينة يعني مادة مررررة أكشن و اختبارها انك تسوي حفلة يحضرها شخصيات مهمة من كليتنا ^ _ ^

ممارسة مهنة هذي صيااااعة ^ ___ ^ تخرجي تشتغلي برا الجامعة في فندق او في مستشفى او بنك او قاعة او اي مكان يعني 30 ساعة عمل كأنك موظفة حقيقية :)

برضو في صيانة مرافق سكنية هنا تتعلمي السباكة و النجارة و البوية و شغل الكهربا يعني تزبطي بيتك بنفسك بمعنى الكلمة

و بكذا اظن هذا تقريبا كل العملي الي عندنا

و اي استفسار اسألي ورح نرد عليكي ولا يهمك و ان شاء الله ربي ييسر لكي الأفضل من عنده
^ _ ^

[sugar lips 20]

الله يسسعدك يااقلبي ويعططيكي الف الف عاااافيه
ولا يحررمك الاجر على ردك
اللي استفدت منووو ككثثير

ولانوو اناااا مااعرف ولا بنت لحد آلآن
يعنني كاني جديده بالتخصص
حتى صحباااتي كلللهم ولاوحده معايه بالكليه
ككككل وحده بوااادي :(
الله ييسسسر لي الصصحبه الصالحه ان شااء الله

[batah]

يالله مرة نفسي ادخل دا القسم بس يارب يمديني احول الترم الجاي

[درب الغلا]

يابنات ابغى اعرف الماده هذي صعبه ولا وكيف تقسيم درجاتها ان اخذتها مع مها حلبي

[نيكييتا]

sugar lips 20 مو مدح في بنات قسمي لكن و الله ما شفت منهم بنت مهي خطيرة و حبوبة و طيبة سو لا تخافي ان شاء الله ربي يرزقك صحبات زي العسل

batah ان شاء الله نشوفك بيننا السمستر الجاي و تجاوبي على اسئلة المستجدات فيه ^ _ ^

درب الغلا جاوبتك في موضوعك يا حلوة بس لا تخافي المادة ممتعة لحد كبير صح فيها شغل بس لما تركزي في شغلك ما تحسي بالوقت و الساعات تمر كأنها دقائق بس اهم اهم اهم شي انك تكوني متحمسة للمادة

:)

[درب الغلا]

يسلمو نيكيتيا