أخر تعديل للجدول , أنتظر أرائكم بفااااارغ الصبر

[Bloody Soul]

السلام عليكم ورحمة الله وبركاته ,,

أبغى رائيكم في الجدول .. وهل أعتمد ..


أنتظر أرائكم لاني تعبت من التفكير
والله ولي التوفيق :)

[Del-Piero-10]

والله جدولك تماااام !! بس انا اشوف تحذف معمل الفيزيا والسبب انو فيزيا 202 فيها معمل وهاذي معمل !!
هيا المواضيع حتختلف بس برضو عشان ما تتعب وقت الفاينل !! واذا مداك تشيلو وتحط معمل كيميا يكون احسن واحسن وبالتوفيق !!

[Eng.M7mmd]

,,

وعليكم السلام ورحمة الله وبركاته ~

اخوي فيه شي غريب عندك؟ اول شي انتا مستجد؟

لأني ما اعرف ولا قد سمعت عن مادة بهذا الاسم (( IE101 )) شكل الموظف صرفلك مادة من عندو

والوقت يختلف تماماً عن IE201 اللي اعرفو انها ساعة smw بس

لو المقصود IE201 ف احس انو جدولك مضغوط بسبب ان هذي المادة تاخذ وقت كبير وممكن على حساب المواد الثانية

اشوف انك تحذف يا الماث يا الفيزكس 202 , وعاد القرار لك

بالتوفيق ~

:
/

[Del-Piero-10]

المشاركة الأصلية كتبت بواسطة eng.m7mmd ,, وعليكم السلام ورحمة الله وبركاته ~ اخوي فيه شي غريب عندك؟ اول شي انتا مستجد؟ لأني ما اعرف ولا قد سمعت عن مادة بهذا الاسم (( ie101 )) شكل الموظف صرفلك مادة من عندو والوقت يختلف تماماً عن ie201 اللي اعرفو انها ساعة smw بس لو المقصود ie201 ف احس انو جدولك مضغوط بسبب ان هذي المادة تاخذ وقت كبير وممكن على حساب المواد الثانية اشوف انك تحذف يا الماث يا الفيزكس 202 , وعاد القرار لك بالتوفيق ~ : /

هادي هيا ie200 بس اعتقد عشانهم ليفيل 1 !!

[Bloody Soul]

^
ما يمديني اضيف معمل الكيمياء بأي شكل من الاشكال + هل احذف معمل الفيزياء ؟ ومعمل الفيزياء 202 حيكون في الساعة والنصف ..؟!

والله يعطيك العافية - ومنكم نستفيد

[TCHECO]

دقيقة دقيقة !!!
عندك مادة مخترعينها لك مادري وش تسوي عندك بما انك مستجد..
غيرها بالانجليزي ie200 ، واحذف الماث او الفيزياء وضع بدلا منها الثقافة ..

[Bloody Soul]

لأني ما اعرف ولا قد سمعت عن مادة بهذا الاسم (( ie101 )) شكل الموظف صرفلك مادة من عندو

انظن اننا على النظام القديم لان من طلاب فرع رابغ .+ الضغط حيكون يوم الاحد بس !

خوفتني من كلامك , أنا ابغى احافظ على المعدل وانا نفسي مو مقتنع بالجدول افكر احذف الفيزياء 202 ولا ؟!

[عبادي جدة]

العربي لاتحسبها مادة , طارت من عندك 3 ساعات يعني جدولك 12 ساعة !

باختصار لاتحذف شي جدولك كويس ومتوازن .. والله يوفقك

[Eng.M7mmd]

المشاركة الأصلية كتبت بواسطة bloody soul انظن اننا على النظام القديم لان من طلاب فرع رابغ .+ الضغط حيكون يوم الاحد بس ! خوفتني من كلامك , أنا ابغى احافظ على المعدل وانا نفسي مو مقتنع بالجدول افكر احذف الفيزياء 202 ولا ؟!

''

اهـا وقلت اشبها المباني كذا عندك, آسف ما قصدت اخوفك بكلامي

بس جدولك بالنسبة لي يعتبر تمام ما اعرف كيف قدراتك يا غالي لكن حبيت اخفف عنك شوية

بس لو انك حق كرف ومذاكرة وكدا بتمشي مررة تمام

يعني مثلا الماث والفيزياء يبغالها مذاكرة يومية

معمل الفيزياء والعربي على قولت اخونا ما تعتبر مواد بس برضو انتبه احيانا الواحد يطيح في المواد السهله

باقيلك الـ ie هذي المادة على حسب كلام الكثير سهلة لكن شغلها كثير يعني لازم الترم هذا ما تراكم المذاكرة ابدا

لو ذاكرت واجتهدت اول بأول بتلاقي ان جدولك سهل والمادة ie بيكون لها وقت عادي

وبتكون خلصت اهم مواد الخطة

كلو على حسب قدارتك واستعدادك انتا =)

بالتوفيــق اخوي ~

::
\

[AbsolutioN]

طلاب رابغ جداولهم غير و تقريبا ثابته ما يقدرو يغيروا غير الشعب

بس المواد ما تقدر تغير فيها

والـ ie101 هيا نفسها ie200 اللي عندنا

طبعا الجدول ما تقدر تعدل فيه فراينا ما هيكون مفيد بشكل كبير

كل اللي عليك انك تشد حيلك

والجدول صعوبته متوسطه