ماهو المعدل المطلوب للتسكين في كلية الهندسة ؟!.

[ولد حنون]

السلام عليكم ورحمة الله وبركاته
طبعا أبوي الله يحفظه ويبي يعرف المعدل المطلوب للتسكين في كلية الهندسة.
كيفكم إن شاء الله بخير يا مهندسين المستقبل
أنا في السنة التحضيريه خطه أ وهي تعتبر الوتر الحساس للكليه لأن موادها متعلقه بها

أبي أعرف معدل التسكين في كلية الهندسة في السنه 2012 كيف كان ؟
وما توقعاتكم في 2013 من حيث المعدلات المطلوبة للتسكين ؟

باختصار الشروط للتسكين في كلية الهندسة السنه الجاية إن شاء الله

[السراج]

عشان تكـــسن في كلية الهندسه في مواد حتحددها عمادة القبول والتسجيل لازم ما تجيب اقل من 85 فيها والي هيا دايما تكون رياضيات وفيزيا والانجليزي والمعدل ما يكون نازل عن 3.50

وبكدا تقدر تتكــــــسن في كلية الهندسه

[ولد حنون]

يعني المواد الثانية مالها علاقة ولا ايش

يعني أشد حيلي في هذه الثلاث مواد فقط

[فهد الجدعاني]

شد حيلك في كل المواد و ركز على المواد المطلوبة لأنو لو أي مادة كانت درجتها سيئة راح تأثر على المعدل

[tkaabdu]

اذا تبغا تكون ف المضمون ان شاء الله

مجموع الفزيا و الرياضيات و انجليزي 2 و3 و 4 =85

لازم تشد ف كل المواد

لانو اول شي حسب المعدل العام بعدين متوسط المواد الي ذكرتها

يعني معدلك العام من المضمون 4.0 و فوق

و حاول تشد ف التحضيري اسهل سنه ,
وحاول تجيب اكتر شي لانو كمان بعد الهندسه في تخصص
ولو تبغا تخصص الي تبغا و انتا مرتاح شد
لانو معدل التحضيري معاك ان شاء الله اللللللللللين التخرج
بالتوفيق

[اسامـــه]

المشاركة الأصلية كتبت بواسطة ولد حنون السلام عليكم ورحمة الله وبركاته طبعا أبوي الله يحفظه ويبي يعرف المعدل المطلوب للتسكين في كلية الهندسة. كيفكم إن شاء الله بخير يا مهندسين المستقبل أنا في السنة التحضيريه خطه أ وهي تعتبر الوتر الحساس للكليه لأن موادها متعلقه بها أبي أعرف معدل التسكين في كلية الهندسة في السنه 2012 كيف كان ؟ وما توقعاتكم في 2013 من حيث المعدلات المطلوبة للتسكين ؟ باختصار الشروط للتسكين في كلية الهندسة السنه الجاية إن شاء الله

ماينفع تقول ابغا اعرف شروط التسكين لكلية الهندسة يعني لازم فلسفلة و ٢٠ الف سطر و وابوك حفظه الله ورعاه في حله وترحاله امرك انك تشكل لجنة للنظر في شروط التسكين والرفع اليه بما تراه اللجنة مناسب والخ
اعتقد حول ال٨٠

[ضياء الشمس]

المشاركة الأصلية كتبت بواسطة اسامـــه ماينفع تقول ابغا اعرف شروط التسكين لكلية الهندسة يعني لازم فلسفلة و 20 الف سطر و وابوك حفظه الله ورعاه في حله وترحاله امرك انك تشكل لجنة للنظر في شروط التسكين والرفع اليه بما تراه اللجنة مناسب والخ اعتقد حول ال80

[وسيم الإتحاد]

^^ أعصابك يا أسامة .. الرجال دوبه جديد
شوف أخوي ... التسكين في الكلية لعدد معين من الطلاب البداية من الأعلى إلى أن يقفل العدد
يعني إذا دفعتك مرة دوافير راح يكون المعدل عالي شوي ... والعكس صحيح

لكن إنت عشان تكون في المضمون زي ما قالولك الشباب فوق ... عندك 3 مواد
رياضيات وفيزيا وإنجليزي جيب فيهم درجات عالية وإن شاء بتروح للهندسة (( مع عدم إهمال بقية المواد لأنها تتحكم في المعدل العام ))

والله يوفقك

[masker]

ثانيا : كلية الهندسة

معايير التسكين

اجتياز جميع متطلبات السنة الأولى بنجاح.

+

الحصول على تقدير جيد جداً B) 80) بحد أدنى في جميع المواد التالية
إنجليزي ( ELCS101 - ELCS102 ) – رياضيات - فيزياء.

+

الأفضلية للمعدل النسبي الأعلى و حسب الطاقة الاستيعابية للكلية .

من هنا

[ولد حنون]

يعطيكم العافية ما قصرتو

طمنتو قلبي الله يجزاكم بالخير