استفسار بسيط عن دوره الخميس الله يخليكم

[Dr.Passed]

السلام عليكم ورحمه الله وبركاته ورضوانه
يا جماعه أنا يهمني اسأل عن الكلينيكل حق يوم الخميس أبا استفيد...شفت الإعلان في الكليه من الاسبوع الي فات وطنشتو مع العجله ودحين أنا متأخره بس أبا اروح ما احب افوت اي شي زي كده =(

في اي طريقه اسجل الان أنا مره مقهوره راحت عليا دقيت ردت وحده قالتلي فل مره صعبه وما اعرف ايه بس تعرفو دائماً فجأه تسير معجزات ويفتح تسجيل اخر دقيقه

ايش الطريقه..فين الحق اسجل ازا في مجال وكمان في الدكتور خالد مسؤول عن الموضوع يمديني اوصلو في عياداته ولا صعبه ..ما ابغا افوت =( ساعدوني اروح لمين

شكرًا

[Beeshoob]

حبيبي اي اعلان ؟؟؟؟؟؟؟؟؟؟؟؟؟

ادا في كليتك اسالي بنات كليتك احنا ما عندنا اعلان كلينيكال ولا شي زي كدا اساسا

بالتوفيق باسد

[Dr.Passed]

صحبتي وحشتيني
لا قلبي حتسير عندكم وحاطين الاعلان عندنا شفتو عشان كمان الي حابب يحضر يعني هيا اصلا تبع جامعه عبد العزيز

[Beeshoob]

وانتي كمان من زمان عن الدرامااا هههههههه

بس غريبه احنا ماقالو لنا يمكن يحطو لنا هيا قريب

او انو يمكن قصدك على الكورس تبع cpr

[Dr.Passed]

ههههههه درامات ايه يختي ما عندي وقت اتنسم سرلي ٣ اسابيع ما زرت اهلي حتى =( وصحباتي يقولولي اتغيرتي علينا شي طبيعي الدرامات راحت بح خلاص

لا مو تبع الcpr تبع اناتومي كلينيكل
أنا مستغربه ايش معنى إحنا نزل عندنا وانتو الي تبعكم ما نزل على العموم عشان ما أجبلك القلق ترى مالو شغل في سنه تانيه حتى اكبر من سننا شويه بس تعرفي حلو الواحد يروح أشياء زي كده ويعود نفسو انو لازم يروح...من جد...تستفيدي....أنا لو ربي كتبلي حروح على حساب وقتي حضغط نفسي

[RaanaTii]

^

*اي بح يرحم أهلك خخخخ

ازيك وحشتينا p=