الله يخليكم مو عارفه شو اعمل

[Nice mimo]

السلام عليكم
ياناس انا الحين ادرس مادة التمويل مع صايمه وربي عذاب ولا افهم لا كلامها ولا خطها ومو عارفه لحد الحين الماده عن ايش تتكلم مررررررررررره تعبت نفسي افهم شي حتى لما احاول اخطط في الكتاب معاها تمشي السلايدات بسرعه ماالحق اخطط معاها وربي مو عارفه شو اعمل بالله اللي تقدر تساعدني ويكون عندها سلايدات ولا اي شي يمكن يفيدنا شويه ياريت تسوي خير فينا وتنزله واللي عندها حلول تقترحه تقول ياناس دي الماده يبغالها من البدايه نكون فاهمين معاها وانا لحد الحين مافهمت الماده ايش ببتكلم بليييييييييييز بدي ردودكم

[chσcσℓiηe]

نفس المعاناة

بس احس لمن افتح الكتاب وابداء اقراء الكلام بنفسي افهم شووية الحكاية ><

[coOola]

عزيزتي لا تشيلين هم

المادة بـ إذن الله إنها سسهلة ..

كـ العادة قبل بـ كم يوم من الاختبار رح نشرح الشباتر اللي معانا واللي الأغلب مو فاهمها ..

فـ أتوقع رح نفيد ونستفيد ونستدرك كل المعلومات والبيانات اللي ناقصصتنا ..

[Nice mimo]

انا مستحيل افهم كده لحالي من الكتاب لازم اكون على الاقل عندي فكره من نفس الدكتوره لازم لما اقرا يكون الكلام ده افتكر انو نفس الدكتوره قالتو اما من نفسي كده مستحيييييييييييييييييييييل

[بنت ناس وقلبي ألماس]

عموما هو كذا أول شابتر في أي ماده لازم يكون غثيث شوي...
لكن الشباتر الجايه إن شاء الله تكون أحلى وأحلى...
أما بخصوص شرحها أنا حسيت شرحها مفهوم بس يمكن عشان الجزئيه نظري وباقي ما دخلنا في المسائل ...
أما بخصوص خطها والله انك صادقه تكتب الكلام فوق بعض أو يكون صغير...
والله يوفقك يا بنت في حياتك العلميه والعملية...

[My World]

صادقة بنت نااس
بدينا نستوعب شوي شوي معاها
واليوم كان شرحها اوك ماعليه كلام

بس ما استغربتوا انهم مستعجلة بالكويزات

[Nice mimo]

كولا ان شاء الله رح انتظر الشرح وشكرا
بنت ناس وماي وورلد وشوكولاين مشكورين على الرد ورح احاول افهم ايش تقول مع اني حاولت واشوفالكتاب كمان

[TURKI ALharbi]

الاختبارات في هذه الماده حسب كلام دكتورنا 95% عملى و5% نظري
والعملى جدا جدا جدا سهل وممتع
فلا تقلقون الماده سهله

[أنثى وحيدة]

حبيبتي لا تخافي كلنا زيك وان شاء الله لما نبدا العملي تحبي الماده
هو فصل واحد نظري توكلي على ربك

[battota]

موفقه