التعليم الغير مجاني و مشاكله

[بااتك]

مسائكم أحلى من فاكهة لبنان
وأطيب من عطورات باريس
وأجمل من قطرات الندى بعد صباح ممطر

مقدمه

أنا أدري ان كل واحد فيكم الحين حاط صفحة الأودس هي الصفحه الرئيسيه .. وحاط صفحة المنتدى بالمفظله .. وينام وجواله على العام وكل ماجت رساله قام يطامر وهو يرتجف ويعد للعشره افتح الرساله ولالا ويمكن بعد يفتحها وهو مغمض << تطلع عاد الرساله عزيزي العميل لم يتم تسديد فاتورة جوالك تعرفون الجامعه الله يهديهم ماخلوا لنا دراهم نسدد جوالتنا

المهم نرجع لموضوعنا الي بالعنوان << الله يهديني شطحاتي واجد .. اللي يبيني اطلع له نتيجته الماده الوحده بألف ريال << صاير كني من أدارة الجامعه كل شي بفلوووس خخخخ

وطلاب الخطه (أ) لهم خصم 50 % علشان أنهم من نفس الخطه حقتي

الموضوع..

أخواني انا ملاحظ أن وضعنا مزري من ناحية الأهتمام بالطالب ماديا .. يعني صحيح ان هناك تقديم على الأعفاءت الدراسيه لكن هذا لا يكفي .. نريد مساواتنا بالتعليم الموازي وأعفائهم من الرسوم .. نريد أن يشملنا الأبتعاث الداخلي .. أو على الأقل أن نعفا من نصف التكلفه ونتحمل نحن النصف الأخير .. الكثير لا زالوا في بداية الطريق وأرهقتهم التكاليف ..

أنا ولله الحمد قادر ماديا الى حد ليس ببعيد ولكن هناك من لا يقدر .. والتكاليف مرتفعه خصوصا أننا لانريد من الجامعه سوا مقاعد للأختبارات .. نريد أن نستفيد من الرسوم في أحظار المدرسين الخصوصيين ..

الخلاصه

- كل شي بالجامعه بفلووس وأحقاقا للحق ألا أقلام الرصاص فكانوا يعيروننا أياها مؤقتا .. تبي النتيجه أشترك للجوال ,, تبي تختبر بديرتك أدفع فلوس ,, تبي الجدول ينزل أدفع رسوم .. تبي الكتب تجيك أدفع للمكتبه ,, والحسابه بتحسب << أنا لأريدها أن تكون مجانيه أريدها أن تكون معقوله ....

- الأبتعاث الداخلي نظام نسمع فيه ولا شفناه أتمنى أن نقطف ثماراته جميعا وأن لايكون حكرا على الأنتظام ..

- على كل تلك (العذاريب ) يازين جامعتنا زيناه ولكن نطمع بالافظل

تحياتي

[لمعة الماسة]

شكرا.

[ولد العقيل]

السلام عليكم

والله انك صادق ياخوك اقسم بالله كني مطلع موتر اقساط

لحول احنا نلقاها من الغلا ولا من الجامعه ولا من ايش

تصدق عاد لما رحت لجده عشان اختبر وانا من الرياض طبعا

رحت للجامعه ويااااااااااااااااااااااااااكثر اللي شفتهم كنهم جمهور بالملعب

قلت بيني وبين نفسي

يوووووو الحين كل واحد منهم دافع 3 الاف

طبعا جلست احسب اللي على مد شوفي

طلع مبلغ خيالي

وقلت بيني وبين نفسي

اظاهر طلاب الانتساب هم اللي يصرفون على الجامعه من رواتب وتسديد كهرباء الجامعه


ههههههههههههههههههههههههههه



ياخي اقسم بالله براا اللي بس يفكر انه يكمل علمه يحطونه فوق راسهم

وربعنا انواااااااع التحطيم


ماقول غير احنا من جرف لدحديره

[ع ـبدالعزيز]

لا أبشرك أنا أضفت سعر قلم الرصاص من ضمن التكاليف اللي راح تسجل في كل ترم ومثل ماقلت تحسب الحسابه ..! طبعاً ظروف الناس تختلف وكل شخص أوضاع عمل ليست عند الغير وقس على ذلك عدة أمور أخرى ..!! سجل عندك >>>> ناس تتسلف ومع أقرب راتب ترجعها وأحتمال تبقى دين وناس تجمع أيام وشهور عشان توفر هالمبالغ ولكن من أجل طلب العلم <<< وعلى قدر أهل العزم تأتي العزائم ..!!! أما النتائج أنا من طلعت من القاعه قلت في نفسي خلها تجي على راحتها مافيني أشغل بالي كل يوم ..!! بالتوفيق وأتمنى أن ينظر فعلاً في وضع المنتسبين ويقدرون ظروف الناس في ظل هالأسعار والظروف اللي يمر فيها الكثير من الناس ..!!

[al-jaloud]

كلامك كله عين العقل

ولكن
ماهو
االحل

[التميمـــي]

كلامك عين العقل

يعني عشان اختبر في ديرتي ادفع 1000 وش هذا الاستغلال
واحنا مانقول انهم يشيون كل المبلغ لاننا عارفين انه مستحيل لكن ع الاقل يخففون منه

مثلا بدال 3000 يصير الف ريال للترم عشان يعطون فرصه حق الناس اللي ماتقدر تدفع هالمبالغ ويبغون يكملون تعليمهم

مانقول غير حسبي الله ونعم الوكيل

[reemah]

معاك حق اخوي

انا ابي افهم هم ليش ياخدون ثلاث الاف

في الترم

؟؟؟؟؟

ليه يعني عشان بس نختبر في الجامعه

كم يوم وبس ساعه ونص مدة الاختبار

تستاهل هذا المبلغ


؟؟؟؟؟؟؟؟؟؟؟

[هُدى]

أمَا عشان تختبروا في ديرتكم تدفعوا ؟؟؟؟؟؟

حسبنا الله ونعم الوكيل ..

سووا إنقلاب .. <>

على فكرة أتوقع كمان رواتب بعض الأساتذة للانتساب من الرسوم اللي تُدفع من قبل الطلاب ..

السؤااااااااال والزبدة ..

جاااامعة الملك عبد العزيز ثاني أكبر جامعة في المملكة هل هي في حاجة لرسوم 7000 آلاف طالبة أوطالب
في العام الواحد ؟!؟!؟!؟!؟!؟!؟!؟!؟!؟!؟!!!!!!!

[طموحي عالي]

لا تشتكو لاجدوا كنا مثلكم احمدو ربكم انكم 3000 ريال انا كنت 8000 ريال
بس انا كنت انتظام

[reemah]

المشاركة الأصلية كتبت بواسطة طموحي عالي لا تشتكو لاجدوا كنا مثلكم احمدو ربكم انكم 3000 ريال انا كنت 8000 ريال بس انا كنت انتظام

ايه معاك حق
لا جدوا