علمت أن رزقي لا يأخذه غيري ...فاطمأن قلبي،

[dr-sh0sha]

بسم الله الرحمن الرحيم ...

السلام عليكم ورحمة الله وبركاته

علمت أن رزقي لا يأخذه غيري ...فاطمأن قلبي، وعلمت أن عملي لا يقوم به غيري ..فاشتغلت به وحدي...

بصراحة حبيت اكتب موضوعي هدا لأني شفت كتيييييير منكم متحطمين وخايفين من الاختبارات وانا ما اقولكم لاتخافوا بالعكس دا شعور طبيعي وكمان من حقكم تخافوا لانو دا مستقبلكم بس برضو الخوف هدا لايسيطر عليكم زي ماشفت كزا واحد ووحدة منزلين مواضيع ومررة متحطمين وخايفين من بعض المواد زي الماث والانقلش .

عشان كدا حبيت انصحكم بكم نصيحه واشياء من خبرتي في السنة التحضيرية
اول شيء واهم شيء الاستعانه والتوكل على الله

منجد لمن الواحد يقوي علاقته بربه مو بس عشان الاختبارات في كل شيء رح يحس براحه عجييبة وانصحكم ازا استصعبت عليكم مادة او سؤال بالاستغفاااااااار وربي شيء عجييييب يعني اقول لكم لكم قصة مو سمعتها من احد لا هيا قصة اختي اللي بالتانوي ماشاء الله جايبة معدل عااالي جدا ولمن سألتها كيف ماشاء الله وكزا قالت لي في الاختبار اول ما يجي سؤال وما اعرفه استغفر تقول والله كان احد بيحط الاجابة في راسي ويقول لي عليها ربنا يوفقها ..

تاني شيء المذاكرة الجادة بتركيييييييييز بالزات انتو في السنة التحضيرية لازم تركزوا في اشياء تجي ماتتوقعوها زي الماث اسئلتها اللي مو مزاكر تمام يحس الاختبار شيء خرافي ....

وحابة اقولكم شيء كمان لاتزعلوا وتيأسوا ازا في اول اختبار ماجبتوا درجات كويسه احنا العام لو تشوفوا درجات البنات في الماااااث كانت تقريبا سيئة الا من رحم ربي

وانا لو اقول لكم درجتي تنصدمووا صراااحه مررة كانت مو كويسه لاني زيكم ماكنت عارفه كيف ازاكر المادة دي ومرة حوست فيها بس الحمد لله الميد التاني زاكرت بتركيز واول باول لاني عرفت طريقة اسئلتهم وكدا والحمد لله جبت درجة كويسه .

حاولوا ما تضيعوا عليكم محاضرات حتى لو مو فاهمين احضروا و زاكروا في البيت واللي مو فاهمينه اسالوا الدكتورات في الاوفيس اور وهما مارح يقصروا معاكم في كتييييييير دكتورات مررة متعاونات ..

زاكروا اسئلة الاعوام الساااابقة مهمة ويجي منها

كل ما حسيتوا الدراسه صعبت عليكم افتكروا احلامكم وكل الناس الغالين عليكم اللي تبوا تفرحوهم صدقوني رح تحسوها هانت


واللي لسا مابدأ يزاكر يبدا من دحين ولسا قدامكم اسبوعين تقدروا تعوضوا اللي فاتكم اهم شيء لا تستسلمووووا

واخيرا :

إذا أردت حصاد مختلف فى حياتك إزرع بطريقة مختلفة. لا تتوقع حصاد أفضل
إذا إستمررت تزرع بنفس الطريقة القديمة

ادري طولت عليكم بس في النهاية حابة اقولكم انو السنة التحضيرية مو صعبه وفي ناس كتير جابوا موزونات عالية وجابوا 5 من 5 وماشاء الله دخلوا التخصصات اللي يبغوها ..


اسأل الله لي ولكم التوفيييق شدوا حيلكم وربنا ييسر لكم ..


أي واحد من دفعه 11 او الدفعات السابقة وعندو نصيحه يقدر يقولها هنا عشان نفيد حبايبنا دفعه 12

اختكم \

Aisha

[اميرة جده*]

كلام كبيرررر

شكر لك دكتوره شوشو


الله يوفقني في هالسنه التحضيريه

رغم اني جدا خايفه بس املي بالله كبير في اجتيااازها

[gedo]

مررة شكرا والله مرررررة طمنتيني والله يوفقني ويوفقك ويوفق الجميييييييع

[كياني]

كلآمك من جـد يبعث الاطمئنآن ..الله يسسعـدك ويحقق منآكِ
انا اتطلـع لامثآلك صرآحة .. ادعي لي ربنا يسهل علينآ واصير ادخل التخصص اللي احلم فيـه
منجـد نحتآج نصآئئح تنورنا زي هذي ..
الله يجعله في موآزيين حسنآتك .. شي جميـل هالموضوع يدل على تعآطف منكِ
ان شاء الله .. ح تذلل الصعآب بالجد والاجتهآد
دعوآتك يآغآليـة ةةة .زز
دمتي ب فرررح

[dr-sh0sha]

المشاركة الأصلية كتبت بواسطة اميرة جده* كلام كبيرررر شكر لك دكتوره شوشو الله يوفقني في هالسنه التحضيريه رغم اني جدا خايفه بس املي بالله كبير في اجتيااازها

انتي قلتيها املك بالله كبيير خليكي دايما كدا

المشاركة الأصلية كتبت بواسطة gedo مررة شكرا والله مرررررة طمنتيني والله يوفقني ويوفقك ويوفق الجميييييييع

العفو دعواتي لك

المشاركة الأصلية كتبت بواسطة كياني كلآمك من جـد يبعث الاطمئنآن ..الله يسسعـدك ويحقق منآكِ انا اتطلـع لامثآلك صرآحة .. ادعي لي ربنا يسهل علينآ واصير ادخل التخصص اللي احلم فيـه منجـد نحتآج نصآئئح تنورنا زي هذي .. الله يجعله في موآزيين حسنآتك .. شي جميـل هالموضوع يدل على تعآطف منكِ ان شاء الله .. ح تذلل الصعآب بالجد والاجتهآد دعوآتك يآغآليـة ةةة .زز دمتي ب فرررح

ربي يفرحكم وينول لكم مرادكم وييسر لكم دي السنة وفرحوا بالتخصصات اللي تتمنوها يااااااااارب

[Noor Moon]

جزاكـي آلف خير
من جد كـــــــلآآآم كبير
ربي يسعدكـ ياقلبو ^^

[maryam.n]

روووعة يعطيكي العافية يا قمر والله شرحتي صدري الحمدلله الله يشرح صدرك وييسرلك امرك

[dr-sh0sha]

المشاركة الأصلية كتبت بواسطة noor moon جزاكـي آلف خير من جد كـــــــلآآآم كبير ربي يسعدكـ ياقلبو ^^

اللهم امين ويسعدكـــ

المشاركة الأصلية كتبت بواسطة maryam.n روووعة يعطيكي العافية يا قمر والله شرحتي صدري الحمدلله الله يشرح صدرك وييسرلك امرك

اميييين يارب العالمين

[^اتعبتني جروحي^]

يارب ييسرلنا كل صعب

ويارب يسهلك على مساعدتك لنا =)

[يعجبني غروري]

كلام يعطيك امل
ربي يوفقك
...
دعواتكم لنا