سؤال عن معهد الفنار؟

[الداعية المعاصرة]

السلام عليكم ورحمة الله وبركاته

أبغى أسأل البنات الي يروحوا هذي الفترة لمركز الفنار

إيش أسماء المواد الي تدرسوها ؟؟

ونسبيا هل هي سهله ؟؟

شي ثاني أنا في الخبر حاليا ودورت كثير في المعاهد عشان اختبر

بس كل الي عندنا قالوا ان الاختبار مدته حوالي شهرين واكثر

مالقيت الا في الرياض اقدر أختبر في أسبوع أو على كيفي

فالسبت احتمال أروح الرياض

بس الي قاهرني أنوو بدون دورة !!

أخاف ما أستفيد وما أنجح وأتعب بالسفر على الفاضي

هذا عند نيوهورايزن

فياريت لو تسالولي الفنار

معليش بكلف عليكم شوية

قولولهم عندهم فرع في الدمام ؟ او الرياض ؟؟

بحيث آخذ الدورة حق 10 أيام

وجزاكم الله خير

[الداعية المعاصرة]

أرجو الرد ممن دخل الدورة وشكرا

[miss_roro]

انا دخلت الدورة ياقلبي
بس ترى هيا يقولولك عشره ايم بس تكون اكتر مع الاختبارت
والشهاده عالميه
واي سؤال انا جاهزه

[N!cE G!rL]

طيب انتي جاهزة ,, في كم سؤال ..
بسم الله س1/ كيف حسيتي الكورس هل استفدتي منو مررة ولا عادي ما تفرق ؟
س2/ لو انتي عادلتي الشهادة هل حتقبلها الجامعة ؟؟ لأني احس انها عشان 10 ايام قليل مررة وعندي شك ف الموضوع دا
س3/ اش المواد الي درستيها وكم اختبار اختبرتي وكانو صعبين ولا لا؟؟
س4/


امزح ما في شي بس ياريت الاقي الرد بسرعة منك عشان اسجل

[love me for me]

انا سجلت فيها

بسم الله س1/ كيف حسيتي الكورس هل استفدتي منو مررة ولا عادي ما تفرق ؟
شوفي تلات ايام ما حتستفيدي ولا شي حتى لمن كلمتهم انو كيف استفيد 7 برامج مدري كم في 10 ايام
قالت استفاده مافي بس حنعمل تهيئه ليكي للاختبار لانها 10 ايام بس
س2/ لو انتي عادلتي الشهادة هل حتقبلها الجامعة ؟؟ لأني احس انها عشان 10 ايام قليل مررة وعندي شك ف الموضوع دا
لا حيقبلوها يا عسل دي رخصه دوليه ومعتمد ولا تخافي في معاهد تديها اسبوع
س3/ اش المواد الي درستيها وكم اختبار اختبرتي وكانو صعبين ولا لا؟؟
لا ما اختبرت لسه عندي اختبار التلوت الجاي وما اظن انو صعب
س4/


امزح ما في شي بس ياريت الاقي الرد بسرعة منك عشان اسجل

اممم سوري على اللقافه اني رديت بدل البنت بس ما حبيت تكوني معلقه
ونصيحه
سجلي الين دحين في بنات يسجلو الحقي نفسك

[fno0o]

ابغى اسال فين مركز الفنار وكم سعر الدورة وهل لو اخدتها حنجح في الاختبار لاني بصراحة لا افقه شي في الاكسس

[N!cE G!rL]

love me for me
شكرا مررة اني لقيت رد وانا ان شاء الله حألحق نفسي الاسبوع دا اسجل
وحأبدا الأسبوع الجاي .. ان شاء الله