يا بنات الإنتساب مين بتاخد مهارات التفكير في داه الترم الرجاء الدخول للضرورة!

[Om Yousef]

السلام عليكم ورحمة الله وبركاته....

يا بنات الله يرضى عليكم أنا داه التيرم تخرج إن شاء الله " الله يستر بس" ولكني ورطانة في مادة عامة ما عادلولي هي وفتحولي شعبة وهمية عشانها ولاحظت إنه عدد البنات في هذه الشعبة الوهمية هو 15 ! المهم...يا بنات سواء كنتوا من صاحبات هذه الشعبة الوهمية أو إللي مزبوطة في جدولهم وحيحضروها سنترا يا ريت تتواصل معايا عشان أخذ منها معلومات هذه المادة وبصراحة أصلا أنا مش عارفة إذا خلاص خلصت دورات السنترا حقتها أو لآ؟؟؟ لأنها مادة في السنة التحضيرية المفروض! المهم...فأنا بجد حايسة حتى موعد مش متأكدة لأنه فيه خطة أ وخطة ب وكل وحدة فيهم في موعد! فرجااااءا يا بنات الله يرضى عليكم إللي بتاخذها منكم حاليا فقط لو أعرف إيش كتاب المادة والشباتر المطلوبة وخلاص ! وياريت لو تعطيني معلومات عن الأستاذة أو الدكتورة إللي راح تعطي أو قيدها أعطت المادة خلاص عشان أتواصل معاها أو حتى أروح لها في مكتبها وأتفاهم معاها! الله يرضى عليكم يا بنات أنا فعلا تعبانة هذا التيرم وجدولي لو شفتوه والله تنفجعوا من دسامته ( الله يستر بس) ياريت الله يسهل عليكم إنكم تساعدوني لو فقط تدلوني على أستاذة المادة بمعلومات عن ساعاتها المكتبية ومكتبها وتحويلتها أو أي حاجة ممكن تفيدني الله يسعدكم ما تبخلوا علي! وللدقة رمز المادة هو comm 102 وعلى فكرة حتى لو لسة ماجاه وقتها أنا ما أقدر أحضرها لأنه عندي تدريب عملي! فوقتي مضغوووووط جدااااا وأحتاج فقط التواصل مع أستاذة المادة نفسها عشان أعرف راسي من رجولي!
جزاكم الله كل خير ويسر أموركم يارب....

[نوره السديري]

انا غلالاتي ن كلية ادراة واقتصصاد وادرسس دي الماده اشهي شعبة وانا بسساعدكـ

[r8ona]

انا سنه تحضيريه خطه ب بس خلصت السنترا من اسبوعين

والله مستعده اساعدك من عيوني حتى لو اقابلك في الجامعه

[Om Yousef]

الله يرضى عليكم يارب....بالنسبة للشعبة فهي فقط شعبة وحدة تبع "دينا احمد علي عرابي " أنا ماشفت غيرها إللي بتعطي المادة ! وبالنسبة لك يا r8ona لا يا قلبي الموضوع ما أحوج جامعة ولا شي الله يعطيكي العافية وما يضيع لك جهد يارب! كل الموضوع إني فقط أحتاج كل المعلومات الخاصة بالأستاذة لأني مش عارفة أوصلها عن طريق موقع الجامعة ! يعني لو عندكم الخطة الدراسية حقتها ومعلومات توضح مكان مكتبها وساعاتها المكتبية وكل داه وكمان لو عندكم الخطة الدراسية إللي توضح إيش إللي الواحد راح ياخده من المادة وإيش لا وإيش الكتاب ومش عارفة إيه والشباتر المطلوبة وطريقة الأسئلة! ماراح أطلب أي نوع شرح أو أي شي من هذا القبيل! كل الموضوع فقط ( أوت لاين) للمادة ! الله يرضى عليكم إللي عندها المعلومات إللي أحتاجها تراسلني عالخاص ! وشكرا...

[نوره السديري]

انا غلالالاتي مع دي الاسسستاذه ...
وترا خلصصصوا الماده من بدرري ...

[نوره السديري]

وهي قالت اي شي تبونه مني تواصلوا معي على الايميل

وهذا رابط صفحتها خوودي الايميل منه

http://dorabi.kau.edu.sa/CVEn.aspx?S...0056507&Lng=AR

[sмile]

ديا مادة من السنة التحضيري comm102

انا اخذتها مع استاذة ايمان ووو هيا مادة بسيطة بس يبغالها تركيز وفهم اكثر شي والحفظ امم شويات .


يحتاج لها 8 ايام مذاكر يعني كل يوم فصل ... هيا ممتعة ..



هنا حتلاقي رابط موضوع الاخ عبقري الجامعة حاط توقعات وتخمينات اسئلة بما انو المادة جديدة ..
http://www.skaau.com/vb/showthread.php?t=464110

ودا رابط موضوعي انا والاخت فانتزي ..


http://www.skaau.com/vb/showthread.php?t=468137

ويارب تستفيدي ..

[Om Yousef]

الله يسعدكم كلللكم ياااارب والله ما قصرتوا ! الله يجعلها في ميزان حسناتكم يااارب وتتخرجوا بإمتياااااز !!

[Om Yousef]

دوبي شفت مجهودات قروب البنات الرااااائع!!! والله يا بنات أثلجتوا صدري خصوصا إني حايسة هذا التيرم ! الله يرزقكم بجنان الفردوس الأعلى ياااااااارب ويحرم عليكم النار ! والله يا بنات ما تعرفوا إيش بتسووا لمن تقدموا هذه المساعدات لغيركم! الله يؤجركم على كل صغيرة وكبيرة ويذللكم الصعاب و"يرزقكن من حيث لا تحتسبن" !
يعجز لساني عن شكركن والله !!